Video: નેશનલ ગેમ્સમાં 10 વર્ષના ગુજરાતી છોકરાનું અદભુત પ્રદર્શન, દોઢ મિનિટમાં જીત્યા લોકોના દિલ

Video: ગુજરાતમાં હાલમાં નેશનલ ગેમ્સ રમાઈ રહી છે. ભારતીય ખેલાડીઓ આ ગેમ્સ (National Games) માં સતત પોતાનું કૌશલ્ય બતાવી રહ્યા છે. આ ગેમ્સમાં રાષ્ટ્રીય સ્તરથી લઈને આંતરરાષ્ટ્રીય સ્તર સુધીના ખેલાડીઓ ભાગ લઈ રહ્યા છે, પરંતુ હાલના દિવસોમાં એક યુવા ખેલાડી ચર્ચામાં છે. 36મી નેશનલ ગેમ્સ ( 36 National Games)માં જ્યારે 10 વર્ષના એક છોકરાએ પોતાની કરતબ બતાવવાનું શરૂ કર્યું તો બધા આશ્ચર્યચકિત થઈ ગયા.

પોતાના પરાક્રમથી ચોંકાવનાર 10 વર્ષના છોકરાનું નામ શૌર્યજીત છે અને તે ગુજરાતનો રહેવાસી છે. તેણે જે રમત પસંદ કરી છે તે સરળ નથી આ રમત છે મલખબની.આ રમતમાં શરીરની લચીલાપણું ખૂબ જ મહત્વપૂર્ણ છે અને શૌર્યજીતે તેના શરીર સાથે જે પ્રકારનું પરાક્રમ બતાવ્યું જેને હાજર લોકો જોતા જ રહી ગયા હતા.

સ્ટેડિયમમાં બધા થઈ ગયા આશ્ચર્યચકિત

શૌર્યજીત જ્યારે પોતાનું પરાક્રમ બતાવવા માટે આવ્યો ત્યારે બધા તેને જોઈને આશ્ચર્યચકિત થઈ ગયા. આ નાનો છોકરો શું કરશે તેની બધાને રાહ જોવાઈ રહી હતી. શૌર્યજીતે પોતાનું પરાક્રમ બતાવવાનું શરૂ કર્યું કે તરત જ બધા તેને જોઈને આશ્ચર્યચકિત થઈ ગયા. જે ચપળતાથી તે પોતાનું કામ કરી રહ્યો હતો તેણે બધાને પ્રભાવિત કર્યા. સ્પોર્ટ્સ ઓથોરિટી ઓફ ઈન્ડિયા (SAI) એ પોતાના ઓફિશિયલ ટ્વિટર હેન્ડલ પર આ વીડિયો અપલોડ કર્યો છે. તેની રમત શરૂ કરતાની સાથે જ આખા સ્ટેડિયમમાં તેને ઉત્સાહિત કરનારાઓના અવાજો જોરથી આવવા લાગ્યા.

મલખમ શું હોય છે

આ એક એવી રમત છે જેમાં ખેલાડી લાકડાના થાંભલા પર પોતાનું કરતબ બતાવે છે. તે આ સ્તંભ પર યોગ, જિમ્નેસ્ટિક્સ અને કુસ્તી પોઝ કરે છે.તેનું નામ બે શબ્દોને જોડવાથી બને છે. પહેલો શબ્દ મલ્લ એટલે કુસ્તીનો ખેલાડી, બીજો ખાંભ એટલે સ્તંભ. 2013માં, મધ્યપ્રદેશે મલખમને રાજ્યની રમત તરીકે જાહેર કરી.