MI vs CSK: ઈન્ડિયન પ્રીમિયર લીગ (Indian Premier League) 2021ના બીજા તબક્કાની પ્રથમ મેચ મુંબઈ ઈન્ડિયન્સ અને ચેન્નઈ સુપર કિંગ્સ વચ્ચે રમાઈ હતી. મેચ દરમિયાન દર્શકોને મેદાનમાં ભાગ્યે જ જોવા મળે છે.
CSKના કેપ્ટન એમએસ ધોની કેપ્ટન કૂલ તરીકે લોકપ્રિય છે. પરંતુ આ મેચમાં તે ગુસ્સામાં દેખાયો. માહીના ગુસ્સાનું કારણ બ્રાવો હતું. હકીકતમાં, બ્રાવો (Darren Bravo)એ મેચ દરમિયાન મુંબઈ ઇન્ડિયન્સ (Mumbai Indians)ના ખેલાડી સૌરભ તિવારીનો કેચ છોડ્યો હતો. જે બાદ ધોનીએ બંને હાથ ફેલાવીને પોતાની નારાજગી વ્યક્ત કરી હતી. આ વીડિયો સોશિયલ મીડિયા (Social Media) પર ખૂબ વાયરલ થઈ રહ્યો છે.
— Maqbool (@im_maqbool) September 20, 2021
બ્રાવો નજર પણ મેળવી શકતો નોહતો
મુંબઈના બેટ્સમેન (Batsman) સૌરભ તિવારીનો કેચ બ્રાવોએ છોડી દીધો, ધોનીએ તેના બંને હાથ ફેલાવ્યા અને તેને ઈશારામાં પૂછ્યું, તેણે શું કર્યું? આ દરમિયાન માહી ગુસ્સામાં હતો. પોતાના કેપ્ટનને ગુસ્સામાં જોઈને, બ્રાવો તેની આંખો મેળવી શક્યો નહીં.
18 મી ઓવરમાં કેચ ચૂકી ગયો હતો
આ ઘટના મુંબઈની ઇનિંગની 18 મી ઓવરની છે. ત્યાં સુધીમાં મુંબઈએ 6 વિકેટે 115 રન બનાવ્યા હતા. દીપક ચાહર મુંબઈ ઈન્ડિયન્સની ઈનિંગની 18 મી ઓવર ફેંકી રહ્યો હતો. મનોજ તિવારીએ તેની ઓવરના ચોથા બોલ પર સ્કૂપ કરવાનો પ્રયાસ કર્યો. બાઉન્ડ્રની બહાર જવાને બદલે, બોલ હવામાં ઉછર્યો હતો. કેચ સર્કલના 30 ગજની અંદર હતો. બોલ ધોની અને બ્રાવો (Darren Bravo)ની નજીક હતો.
માહીએ કોલ કરી કેચ લેવા દોડે છે. આ દરમિયાન, બ્રાવો ધોનીનો કોલ સાંભળી શક્યો નહીં અને તે પણ કેચ પકડવા દોડી ગયો. બ્રાવો (Darren Bravo) અચાનક ધોનીની સામે આવી ગયો, જેના કારણે સૌરભ તિવારીનો કેચ છુટી ગયો. ચેન્નાઇની ટીમે 6 વિકેટ ગુમાવીને મુંબઇને 157 રન પડકાર આપ્યો હતો. જેને પાર પાડવામાં મુંબઇની ટીમ નિષ્ફળ રહી હતી. આમ ધોની (MS Dhoni) ની ટીમે સિઝનમાં છઠ્ઠી જીત મેળવી હતી.
રોહિત શર્મા (Rohit Sharma) ફીટ નહી હોવાને લઇને મેદાનમાં ઉતર્યો નહોતો. તેના બદલે કિયરોન પોલાર્ડ ટીમની આગેવાની સંભાળી રહ્યો છે. તેની ખોટ આજે સાલતી હોય એમ લાગી રહ્યુ હતુ. ઓપનીગમાં તેના સ્થાને અણમોલપ્રિતને ઉતાર્યો હતો. તિવારીને બાદ કરતા મધ્યમક્રમ પણ ખાસ પ્રદર્શન કરી શક્યો નહોતો. ચેન્નાઇને તેના ઓપનર ગાયકવાડ (Ruturaj Gaikwad) ની રમતે મુશ્કેલ સ્થિતીમાં જીત લખી આપી હતી. મુંબઇની ટીમે જવાબમાં સૌરભ તિવારી (Saurabh Tiwary) ના અર્ધશતક વડે 136 રન 8 વિકેટે કર્યા હતા. આમ 20 રને હાર થઇ હતી.
આ પણ વાંચો : Speed Testing : દિલ્હી-મુંબઈ એક્સપ્રેસ વે પર 170 કિમીની ઝડપે દોડી નીતિન ગડકરીની કાર: જુઓ video
Published On - 1:33 pm, Mon, 20 September 21