મોહમ્મદ રિઝવાને મોહમ્મદ શામીના સમર્થનમાં સુંદર મેસેજ પોસ્ટ કર્યો, ભારતીય ક્રિકેટરોએ પણ કહ્યું અમે તારી સાથે છીએ

ICC T20 વર્લ્ડ કપ 2021માં પાકિસ્તાન સામે ભારતની 10 વિકેટની હાર બાદ ભારતીય ઝડપી બોલર મોહમ્મદ શામીને મેન ઈન ગ્રીન સામેના પ્રદર્શન બદલ ટ્રોલ કરવામાં આવ્યો હતો. ઘણા લોકો હતા જેમણે શામીને પાકિસ્તાની (Pakistan) ગણાવીને તેમની ટીકા કરી તો કેટલાક લોકોએ તેમના પર મેચ હારવા માટે પૈસા લેવાનો પણ આરોપ લગાવ્યો હતો. જેણે પાકિસ્તાન સામે 3.5 ઓવરમાં 43 રન આપ્યા હતા.

પાકિસ્તાનના ઓપનર મોહમ્મદ રિઝવાન (Mohammed Rizwan), જેણે વિરાટ કોહલી એન્ડ કંપની સામે મેચ વિનિંગ ઈનિંગ રમી હતી, તેણે પણ શામીને સમર્થન આપ્યું છે. રિઝવાને સોશિયલ મીડિયા (Social media) પર શમીના નફરત કરનારાઓ માટે એક સુંદર સંદેશ પોસ્ટ કર્યો છે. એક ખેલાડીને તેના દેશ અને તેના લોકો માટે જે પ્રકારના દબાણ, સંઘર્ષ અને બલિદાનમાંથી પસાર થવું પડે છે @MdShami11 એક સ્ટાર છે અને ખરેખર વિશ્વના શ્રેષ્ઠ બોલર છે. કૃપા કરીને તમારા સ્ટાર્સનો આદર કરો.

સચિને ટ્વિટ કર્યું, “જ્યારે અમે #TeamIndiaને સમર્થન કરીએ છીએ, ત્યારે અમે ટીમ ઈન્ડિયાનું પ્રતિનિધિત્વ કરતા દરેક વ્યક્તિને સમર્થન કરીએ છીએ. @MdShami11 એક પ્રતિબદ્ધ, વિશ્વ-કક્ષાનો બોલર છે. હું શામી અને ટીમ ઈન્ડિયાની સાથે ઉભો છું,

સેહવાગે ટ્વિટ કરી લખ્યું કે “મોહમ્મદ શામી પરનો ઓનલાઈન એટેક ચોંકાવનારો છે અને અમે તેની સાથે ઊભા છીએ. તે ચેમ્પિયન છે અને કોઈપણ ખેલાડી જે ઈન્ડિયાની જર્સી પહેરે છે તેનામાં ઓનલાઈન ભીડ કરતા વધુ દેશભક્તિ હોય છે. અમે શામી તમારી સાથે છીએ.”

સોશિયલ મીડિયા પર શામી ટ્રોલ થતાં ભારતીય ક્રિકેટરો તેમના સમર્થનમાં આવ્યા હતા. હરભજને ટ્વિટ કરીને લખ્યું કે “અમે તમને પ્રેમ કરીએ છીએ મોહમ્મદ શામી.”

ચહલે લખ્યું “અમને તમારા પર અત્યંત ગર્વ છે મોહમ્મદ શામી.”

આ પણ વાંચો : IPLની 2 નવી ટીમો પર પૈસાનો વરસાદ જોઈને શેન વોર્ન કહ્યું, માનવું પડશે કેમ ક્રિકેટ વિશ્વની બીજી લોકપ્રિય રમત છે ?