ઝુલન ગોસ્વામી (Jhulan Goswami) રાષ્ટ્રીય મહિલા ક્રિકેટ ટીમ (Women cricket team)ની ખેલાડી રહી ચુકી છે. સૌથી વધુ વિકેટ લેવાનો રેકોર્ડ તેના નામે છે. તે મહિલા ક્રિકેટ ટીમની મજબૂત બોલર છે. મિતાલી રાજ (Mithali Raj) પહેલા ઝુલન ભારતીય મહિલા ક્રિકેટ ટીમની કેપ્ટન હતી. ઝુલન ગોસ્વામી (Jhulan Goswami) આંતરરાષ્ટ્રીય ક્રિકેટ (International cricket)માં 2000થી વધુ ઓવર લેનારી વિશ્વની એકમાત્ર બોલર હોવાનો ખિતાબ પણ ધરાવે છે. આવો જાણીએ દેશની આ મજબૂત મહિલા બોલર ઝુલન ગોસ્વામી વિશે.
ભારતીય ક્રિકેટ ટીમનું મોટું નામ બની ગયેલી ઝુલન ગોસ્વામી (Jhulan Goswami) પશ્ચિમ બંગાળની છે. ઝુલન ગોસ્વામીનો જન્મ 25 નવેમ્બર 1982ના રોજ નાદિયા જિલ્લામાં થયો હતો. ઝુલનની માતાનું નામ ઝર્ના અને પિતાનું નામ નિશિત ગોસ્વામી છે.
ઝુલનના પિતા ઈન્ડિયન એરલાઈન્સમાં નોકરી કરે છે. ઝુલનનું પ્રારંભિક શિક્ષણ જિલ્લાના ચકડા શહેરમાં થયું હતું. તેને નાનપણથી જ રમતગમતમાં રસ હતો, પરંતુ તેની માતાને ઝુલનનું ગલીમાં છોકરાઓ સાથે ક્રિકેટ રમવાનું પસંદ નહોતું.
તે દિવસોમાં ઝુલન ટેનિસ બોલથી બોલિંગ કરતી હતી. બાળકો તેના બોલ પર ચોગ્ગા અને છગ્ગા ફટકારતા હતા અને ઝુલનની ધીમી બોલિંગની મજાક ઉડાવતા હતા. અહીંથી ઝુલને નક્કી કર્યું કે તે એક ઝડપી અને શાનદાર બોલર બનીને રહેશે.
ઝુલને એમઆરએફ એકેડમીમાંથી ટ્રેનિંગ લીધી હતી. 15 વર્ષની ઉંમરે તેની બોલિંગે પસંદગીકારોનું ધ્યાન ખેંચ્યું હતું. ઝુલનને જાન્યુઆરી 2002માં ઈંગ્લેન્ડ સામેની વન-ડે શ્રેણીમાં ભારતીય મહિલા ક્રિકેટ ટીમમાં પ્રથમ વખત રમવાની તક મળી.