Harshal Patel : ગુજરાતમાં જન્મેલો ખેલાડી હરિયાણાની કેપ્ટનશીપ કરે છે, જાણો પર્પલ કેપ જીતનાર હર્ષલ પટેલની કહાની
હર્ષલ પટેલે IPL 2021માં પર્પલ કેપ પર કબજો કર્યો. આ સાથે તેણે પોતાના નામે ઘણા મોટા રેકોર્ડ પણ બનાવ્યા છે.
Harshal Patel : આ વખતે IPLમાં RCBના હર્ષલ પટેલે પર્પલ કેપ પર કબજો કર્યો. આ રેસમાં પટેલ સાથે સ્પર્ધા કરવા માટે કોઈ નહોતું. તે શરૂઆતથી અંત સુધી યાદીમાં ટોચ પર રહ્યો. પટેલ હાલમાં પોતાની કારકિર્દીના શ્રેષ્ઠ ફોર્મમાં છે. ગુજરાતનો વતની આ ખેલાડી અમેરિકા અને હરિયાણા સાથે પણ ખાસ ક્નેક્શન ધરાવે છે.
હર્ષલ હવે બ્રાવો સાથે સંયુક્ત નંબર વન પર પહોંચી ગયો છે, જેણે આઈપીએલની એક જ સિઝનમાં સૌથી વધુ વિકેટ ઝડપી છે. બ્રાવોએ વર્ષ 2013માં ચેન્નાઈ સુપર કિંગ્સ (Chennai Super Kings) તરફથી રમતા 32 વિકેટ લીધી હતી. પટેલે RCB તરફથી રમતી વખતે 15 મેચમાં 32 વિકેટ લીધી હતી. આ સિઝનમાં તેણે મુંબઈ ઈન્ડિયન્સ (Mumbai Indians)સામે હેટ્રિક પણ લીધી હતી.
અગાઉ, હર્ષલે (Harshal Patel) 2008-09 વિનુ માંકડ ટ્રોફી સીઝન દરમિયાન 11 ની સરેરાશથી 23 વિકેટ લીધી હતી. જોકે, રણજી ટ્રોફીમાં ગુજરાતની ટીમમાં સ્થાન ન મળ્યા બાદ હર્ષલ પટેલ હરિયાણા ક્રિકેટ ટીમમાં જોડાયો હતો અને હાલમાં તે ટીમનો કેપ્ટન છે. હર્ષલ પટેલે 2011-12 રણજી ટ્રોફી સિઝનમાં 28 વિકેટ લીધી હતી. 2010 અંડર -19 વર્લ્ડ કપ (World Cup) માટે પણ તેની ટીમમાં પસંદગી થઈ હતી.
હર્ષલ પટેલને મુંબઈ ઈન્ડિયન્સે વર્ષ 2010 માં 8 લાખ રૂપિયામાં ખરીદ્યો હતો. જોકે તેને IPL 2012 માં પ્રથમ વખત રમવાની તક મળી હતી. આરસીબી તરફથી રમતી વખતે તેણે દિલ્હી કેપિટલ્સ (Delhi Capitals) સામે ડેબ્યૂ કર્યું હતું. આ સિઝનમાં તેણે 12 મેચમાં 9 વિકેટ લીધી હતી. આ પછી તેને આઈપીએલ 2013માં રમવાની તક મળી ન હતી. આ પછી, તે ઘણી વખત ટીમમાં અને બહાર હતો. છેલ્લી સીઝનમાં તે દિલ્હી કેપિટલ્સ સાથે સંકળાયેલો હતો, ત્યારબાદ તેને RCB દ્વારા હરાજીમાં ખરીદવામાં આવ્યો હતો.
હર્ષલ પટેલનો જન્મ 23 નવેમ્બર 1990 ના રોજ ગુજરાતના સાણંદ (Sanand) માં થયો હતો. 2005 માં, તેમની પાસે પરિવારના અન્ય સભ્યો સાથે યુએસ જવાનો વિકલ્પ હતો. પરંતુ તેણે ક્રિકેટમાં કારકિર્દી બનાવવા માટે ભારતમાં રહેવાનો નિર્ણય કર્યો હતો. તેમના ભાઈ તપન પટેલ હર્ષલના નિર્ણય સાથે હતા. તેણે 2008-09માં અંડર -19 વિનુ માંકડ ટ્રોફીમાં 23 વિકેટ લીધી હતી.
IPL માં સૌથી વધુ વિકેટ લેનારને ટુર્નામેન્ટના અંતે પર્પલ કેપ (IPL 2021 Purple Cap) આપવામાં આવે છે. 17 ઓક્ટોબરથી શરૂ થનારા ટી 20 વર્લ્ડ કપ (T20 World Cup)માં ભારત અને પાકિસ્તાન (India and Pakistan)ને એક જ ગ્રુપમાં છે.
આ પણ વાંચો : T20 World Cup 2021: અફઘાનિસ્તાન ના કેપ્ટન મોહમ્મદ નબીને તાલિબાન પર સવાલ કરાયો, જવાબમાં બતાવ્યુ ‘દર્દ’