ભારતની શરમજનક હાર પર ફેન્સ ભડક્યા, કહ્યું કે ‘સેમીફાઈનલ સુધી નહી પહોંચે ટીમ’

ICC ક્રિકેટ વલ્ડૅકપ 2019 માટે ઈંગ્લેન્ડ પહોંચેલી ભારતીય ટીમને તેમની પહેલી જ પ્રેકટિસ મેચમાં ન્યૂઝીલેન્ડે 6 વિકેટે પરાજય આપ્યો હતો. આ હાર પછી ટીમ ઈન્ડિયાની તૈયારીઓ પર લોકોએ પ્રશ્નો કર્યા છે. ફેન્સનું કહેવું છે કે ભારતીય ટીમ જો આ રીતે જ ટૂર્નામેન્ટમાં આગળ રમશે તો તે સેમીફાઈનલ સુધી પણ નહીં પહોંચી શકે.

ભારતે રવીન્દ્ર જાડેજાના 54 રનની મદદથી 39.2 ઓવરમાં 179 રન બનાવ્યા હતા. ન્યૂઝીલેન્ડ ટીમે આ લક્ષ્ય 37.1 ઓવરમાં પૂર્ણ કરીને 4 વિકેટ ગુમાવીને જીત મેળવી હતી. આ હાર પછી ફેન્સે ભારતીય ટીમની હારના ઘણાં કારણ પણ બતાવ્યા છે. ભારતીય કેપ્ટન વિરાટ કોહલીએ ટોસ જીતીને પહેલા બેટિંગ લીધી હતી પણ ટીમના બેટસમેન મોટો સ્કોર કરી શકયા ન હતા.

આ પણ વાંચો: મુસ્લિમ પરિવારમાં બાળકનો થયો જન્મ, માતાની જીદ પર નામ રાખવામાં આવ્યું ‘નરેન્દ્ર મોદી’

એક સમયે ભારતીય ટીમનો સ્કોર 100 રનથી વધારે થવો પણ મુશ્કેલ લાગી રહ્યો હતો પણ રવીન્દ્ર જાડેજા અને કુલદીપ યાદવે ટીમને આ સ્કોર સુધી પહોંચાડી હતી. જે વાતની ચિંતા ભારતીય બેટસમેનોને લઈને કરવામાં આવી રહી હતી તે પ્રેકિટસ મેચમાં સાચી સાબિત થઈ.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]