Saeed Anwar on Virat Kohli: વિરાટ કોહલી ઓસ્ટ્રેલિયા સામે 2 સદી નોંધાવે એવી આશા પાકિસ્તાનના દિગ્ગજે રાખી!

IPL 2023 માં વિરાટ કોહલી સારા ફોર્મમાં જોવા મળ્યો હતો. સિઝનના અંતિમ તબક્કામાં પણ કોહલીએ શાનદાર બેટિંગ કરી હતી. સિઝન દરમિયાન વિરાટ કોહલીએ સળંગ બે સદી નોંધાવી હતી. જોકે કોહલીની ટીમ રોયલ ચેલેન્જર્સ બેંગ્લોર લીગ તબક્કામાં જ બહાર થઈ ગઈ હતી. આમ બેંગ્લોરના ચાહકો ફરી એકવાર નિરાશ થયા હતા. કોહલીની ટીમ પ્લેઓફમાં નહીં પહોંચતા ચાહકો નિરાશ થયા હતા. જોકે હવે વિશ્વ ટેસ્ટ ચેમ્પિયનશિપની ફાઈનલ રમવા માટે વિરાટ કોહલી ઈંગ્લેન્ડ પહોંચી ચૂક્યો છે, જ્યાં તે આ જ અંદાજ સાથે સદી નોંધાવે એવી શુભેચ્છા પાકિસ્તાનથી આવી છે.

આગામી 7 જૂનથી વિશ્વ ટેસ્ટ ચેમ્પિયનશિપની ફાઈનલ મેચ શરુ થનારી છે. ભારત અને ઓસ્ટ્રેલિયા વચ્ચે રમાનારી ફાઈનલ મેચ માટે ભારતીય ટીમના કેટલાક ખેલાડીઓ અને સપોર્ટ સ્ટાફ લંડન પહોંચી ચૂક્યા છે. જ્યાં ખેલાડીઓએ ટેસ્ટ ચેમ્પિયનશિપ ફાઈનલ મેચના માટેની તૈયારીઓ શરુ કરી છે.

આઈપીએલમાં બે સદી નોંધાવી

સળંગ બે સદી આઈપીએલના લીગ તબક્કાની અંતિમ બંને મેચમાં વિરાટ કોહલીએ નોંધાવી હતી. સનરાઈઝર્સ હૈદરાબાદની સામે કોહલીએ 100 રનની ઈનીંગ રમી હતી. જ્યારે ગુજરાત ટાઈટન્સ સામે અંતિમ લીગ મેચમાં સદી નોંધાવી હતી. કોહલીની સદી વડે બેંગ્લોરે જીત હૈદરાબાદ સામે નોંધાવી હતી, જ્યારે ગુજરાત સામે સદી એળે ગઈ હતી અને બેંગ્લોરની હાર થઈ હતી. આ હાર સાથે જ બેંગ્લોરની સફર લીગ તબક્કામાંજ પુરી થઈ ગઈ હતી.

હવે પાકિસ્તાનથી વિરાટ કોહલીના માટે શુભેચ્છાઓ આવી છે. વિરાટ કોહલી સામે હવે વિશ્વ ટેસ્ટ ચેમ્પિયનશિપ ફાઈનલ છે. જેમાં કોહલીની ફોર્મ જળવાઈ રહે એવી આશા રાખવામાં આવી રહી છે. કોહલીએ પોતાના સોશિયલ મીડિયા પર બે જુદી જુદી પોતાની જ તસ્વીરો શેર કરી છે. આમ ઈશારામાં બતાવ્યુ કે, પોતાનુ ધ્યાન આ તરફ છે.

પાકિસ્તાનથી આવી શુભેચ્છા

વિરાટ કોહલીએ પોતાની તસ્વીરો શેર કરવા બાદ ચાહકો મોટી સંખ્યામાં તેને પસંદ કરી રહ્યા છે. આ દરમિયાન પાકિસ્તાનથી એક ખાસ રિએક્શન તેની પોષ્ટ પર આવ્યુ હતુ. પૂર્વ તોફાની ક્રિકેટર સઈદ અનવરે વિરાટ કોહલીના ટ્વીટને રિટ્વીટ કરીને પોતાની ખ્વાઈશ બતાવી હતી. અનવરે વિરાટ કોહલીએ ફાઈનલના માટે શુભકામનાઓ પાઠવી હતી અને આ મહત્વની મેચની બંને ઈનીંગમાં સદી નોંધાવે તેવી આશા દર્શાવી છે.

ભારતીય સ્ટાર બેટર વિરાટ કોહલીના દિવાના પાકિસ્તાનમાં મોટી સંખ્યામાં છે. પૂર્વ ક્રિકેટરો પણ કોહલીની બેટિંગના આશિક છે. આવામાં પૂર્વ ઓપનર સઈદ અનવરે પણ કોહલીની ટેસ્ટમાં બંને ઈનીંગમાં સદીની આશા રાખી છે. આવામાં અનવરની આ અપેક્ષાથી કોઈ આશ્ચર્ય નથી, કારણ કે અનેક પાકિસ્તાની ખેલાડીઓ તેની બેટિંગને પસંદ કરે છે.

આ પણ વાંચોઃ  IPL 2023 Final : રવિવારે વરસાદ વરસવાની સ્થિતીમાં ફાઈનલ માટે શુ છે નિયમ? કેવી રીતે સામે આવશે ચેમ્પિયન માટે મેચનુ પરિણામ

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો