London : અંગ્રેજોની ધરતી પર 7 જૂનથી ભારત અને ઓસ્ટ્રેલિયા વચ્ચે વર્લ્ડ ટેસ્ટ ચેમ્પિયનશિપની ફાઈનલ મેચ શરુ થઈ હતી. ભારતીય ટીમે ટોસ જીતીને પહેલા બોલિંગ પસંદ કરી હતી. આજે 8 જૂનના રોજ બીજા દિવસના રમતની શરુઆત થઈ હતી. આજે પહેલા સેશનમાં ઓસ્ટ્રેેલિયા ટીમની ( Australian Cricket Team) વિકેટો લઈને ભારતીય ટીમે શાનદાર વાપસી કરી હતી. પણ બીજા સેશનથી જ કાંગારુઓ એ શાનદાર બોલિંગ કરીને બીજા દિવસે પણ પોતોના દબદબો સાબિત કર્યો હતો.
પ્રથમ ઈનિંગમાં ઓસ્ટ્રેલિયાની ટીમ 469 રનના સ્કોર પર ઓલઆઉટ થઈ હતી. બીજા દિવસની રમતના અંતે ભારતીય ટીમે 38 ઓવરમાં 5 વિકેટ ગુમાવીને 151 રન બનાવ્યા હતા. 18 મહિના બાદ ટેસ્ટમાં વાપસી કરી રહેલા રાહાણે અને કેએસ ભરત હાલમાં અણનમ છે. જાડેજા અને રાહાણે વચ્ચે 60+ રનની પાર્ટનરશિપ થઈ હતી. ભારતીય ટીમ ઓસ્ટ્રેલિયાથી 318 રન પાછળ છે, ફોલોઓનથી બચવા ભારે 269 રન બનાવવા પડશે.
બીજા દિવસની શરુઆતમાં ટ્રેવિસ હેડના 150 રન અને સ્ટીવ સ્મિથની સેન્ચુરી પૂરી થઈ હતી. સિરાજ, શાર્દુલ અને જાડેજાની આક્રમક બોલિંગને કારણે ઓસ્ટ્રેલિયાની ટીમ 469 રનના સ્કોર પર ઓલઆઉટ થઈ હતી. બીજી ઈનિંગમાં રોહિત-શુભમન એ ચોગ્ગા સાથે શાનદાર શરુઆત કરી હતી. પણ કાંગારુઓની ઘાતક બોલિંગને કારણે રોહિત શર્મા 15 રન, શુભમન ગિલ 13 રન, ચેતેશ્વર પૂજારા 14 રન અને વિરાટ કોહલી 14 રન બનાવી આઉટ થયા હતા.
પ્રથમ દિવસની રમત સંપૂર્ણ રીતે ઓસ્ટ્રેલિયન ટીમના નામે રહી હતી. દિવસની રમતના અંતે કાંગારૂ ટીમે 3 વિકેટના નુકસાને 327 રન બનાવ્યા હતા. ટ્રેવિસ હેડ 146 અને સ્ટીવ સ્મિથ 95 રન બનાવીને રમી રહ્યા હતા. ભારત તરફથી પ્રથમ દિવસે મોહમ્મદ શમી, મોહમ્મદ સિરાજ અને શાર્દુલ ઠાકુરે 1-1 વિકેટ લીધી હતી.
ઓસ્ટ્રેલિયા ટીમની પ્લેઈંગ ઈલેવન: ડેવિડ વોર્નર, ઉસ્માના ખ્વાજા, સ્ટીવ સ્મિથ, માર્નસ લાબુશેન, ટ્રેવિસ હેડ, એલેક્સ કેરી, કેમેરોન ગ્રીન, પેટ કમિન્સ (કેપ્ટન), મિશેલ સ્ટાર્ક, સ્કોટ બોલેન્ડ, નાથન લિયોન
ભારતીય ટીમની પ્લેઈંગ ઈલેવન: રોહિત શર્મા (કેપ્ટન), શુભમન ગિલ, ચેતેશ્વર પુજારા, વિરાટ કોહલી, અજિંક્ય રહાણે, કેએસ ભરત, રવિન્દ્ર જાડેજા, મોહમ્મદ શમી, શાર્દુલ ઠાકુર, ઉમેશ યાદવ, મોહમ્મદ સિરાજ
Published On - 10:35 pm, Thu, 8 June 23