World Cup Schedule : શશિ થરૂરના ટ્વિટ પર કેરળ ક્રિકેટ એસોસિયેશનના પ્રમુખની તીખી પ્રતિક્રિયા

આ વર્ષે ભારતમાં યોજાનાર ODI વર્લ્ડ કપનું મંગળવારે શેડ્યૂલ જાહેર કરવામાં આવ્યા બાદ શશી થરૂરે નારાજની વ્યક્ત કરી હતી અને આ અંગે કટાક્ષભર્યુ ટ્વિટ પણ કર્યું હતું. જે અંગે કેરળ ક્રિકેટ એસોસિયેશનના પ્રમુખની તરફથી પ્રતિક્રિયા સામે આવી છે.

મેચની યજમાનીને લઈ નારાજગી

ભારતના 10 શહેરોની આ વર્ષે યોજાનાર વર્લ્ડ કપની યજમાની માટે પસંદગી કરવામાં આવી હતી. ત્યારે જે શહેરોને યજમાની ન મળી તેમના ક્રિકેટ બોર્ડ આનાથી નિરાશ થયા છે. સાથે જ તે શહેરના નેતાઓએ પણ નારાજગી વ્યક્ત કરી હતી, જેમાં કોંગ્રેસના સાંસદ શશી થરૂરનું નામ પણ સામેલ છે.

શશી થરૂરે કર્યું હતું ટ્વિટ

કોંગ્રેસના સાંસદ શશી થરૂરે આ અંગે ટ્વિટ કરી નારાજગી વ્યક્ત કરી હતી અને જણાવ્યું હતું કે, તિરુવનંતપુરમનું નામ વર્લ્ડ કપની મેચોની યજમાનીમાં ન હોવાથી દુઃખ થયું છે. દેશના બીજા અનેક ક્રિકેટ સ્ટેડિયમોને આમાંથી બાકાત રાખવામાં આવ્યા છે. અમદાવાદ હવે દેશની નવી ક્રિકેટ રાજધાની બની રહી છે. કેરળને અમુક મેચની યજમાની મળી શકી હોત.

આ પણ વાંચોઃ BCCI ચીફ સિલેક્ટરની રેસમાં અજીત અગરકર સૌથી આગળ, વર્લ્ડ કપ માટે ભારતીય ટીમ પસંદ કરશે!

કેરળ ક્રિકેટ એસોસિએશનની પ્રતિક્રિયા

કેરળ ક્રિકેટ એસોસિએશન (KCA) ના પ્રમુખ જયેશ જ્યોર્જ દ્વારા આ અંગે નિવેદન આપવામાં આવ્યું છે, જેમાં તેમણે જણાવ્યું હતું કે, અમદાવાદ સ્ટેડિયમમાં વિશાળ ક્ષમતા છે. અમદાવાદ પહેલા તે ઈડન ગાર્ડન્સ હતું જેમાં 60,000-70,000ની ક્ષમતા હતી, તેથી મોટાભાગની મેચો ઈડન ગાર્ડન્સમાં થતી હતી. હવે કારણ કે અમદાવાદ શ્રેષ્ઠ સુવિધા છે અને વિશ્વનું સૌથી મોટું સ્ટેડિયમ છે, ચોક્કસપણે વધુ મેચો ત્યાં જ યોજાશે. શશિ થરૂરના ટ્વિટમાં તથ્યોની કમી હતી.