Kapil Dev Kidnapping : શું કપિલ દેવનું અપહરણ કરવામાં આવ્યું ? ગૌતમ ગંભીરે ટ્વીટ કરીને આપી જાણકારી, જુઓ Video

ટીમ ઈન્ડિયા (Team India) હાલમાં ODI વર્લ્ડ કપની તૈયારી કરી રહી છે અને હવે ટૂર્નામેન્ટ શરૂ થવામાં થોડા જ દિવસો બાકી છે. પરંતુ આ ઈવેન્ટ શરૂ થતા પહેલા જ ટીમ ઈન્ડિયાને પહેલો વર્લ્ડ કપ (World Cup) જીતાડનાર કેપ્ટન કપિલ દેવ સાથે કોઈ દુર્ઘટના થઈ હતી. 2011ના વર્લ્ડ કપ વિજેતા ખેલાડી અને ભારતીય જનતા પાર્ટીના સાંસદ ગૌતમ ગંભીરે (Gautam Gambhir) સોમવારે કંઈક એવું ટ્વિટ કર્યું હતું, જેના પછી હોબાળો થયો હતો. આખરે તેનું સત્ય શું છે?

ગૌતમ ગંભીરે કપિલ દેવના અપહરણનો વીડિયો ટ્વીટ કર્યો

ભૂતપૂર્વ ક્રિકેટર ગૌતમ ગંભીરે સોમવારે એક વીડિયો ટ્વીટ કર્યો હતો, જેમાં કોઈ કપિલ દેવને મોં પર પટ્ટી બાંધીને અને હાથ પીઠ પાછળ છે. વીડિયોમાં લાગી રહ્યું છે કે કપિલ દેવનું અપહરણ કરવામાં આવી રહ્યું છે. ગૌતમે કેપ્શનમાં લખ્યું છે કે શું અન્ય કોઈને આ વીડિયો મળ્યો છે? આશા છે કે આ અસલી કપિલ દેવ નહીં હોય અને કપિલ પાજી એકદમ ઠીક છે.

એક જાહેરાતના શૂટિંગનો છે આ વીડિયો

ગૌતમ ગંભીરના આ ટ્વિટ બાદ વીડિયો વાયરલ થયો અને અનેક અટકળો શરૂ થઈ ગઈ. જો કે, સત્ય એ છે કે આ વીડિયો કોઈ જાહેરાતનું શૂટિંગ લાગે છે, ચાહકોએ સોશિયલ મીડિયા પર પણ લખ્યું છે કે આ એક જાહેરાતનું શૂટિંગ છે અને કપિલ દેવને કંઈ થયું નથી.

આ પણ વાંચો : ICC Ranking : ભારતીય ટીમ ત્રણેય ફોર્મેટમાં નંબર વન, વિશ્વ ક્રિકેટના ઈતિહાસમાં ભારતીય ટીમ આવું કારનામું કરનારી માત્ર બીજી ટીમ

ભારતમાં 5 ઓક્ટોબરથી ODI વર્લ્ડ કપ

જો આપણે ક્રિકેટ મંચની વાત કરીએ તો ટીમ ઈન્ડિયા હાલમાં વર્લ્ડ કપની તૈયારી કરી રહી છે, ભારતમાં 5 ઓક્ટોબરથી ODI વર્લ્ડ કપ શરૂ થઈ રહ્યો છે. ભારત અત્યાર સુધી 1983 અને 2011માં બે વખત વર્લ્ડ કપ જીતી ચૂક્યું છે અને હવે ત્રીજી વખત ઈતિહાસ રચવાનો પ્રયાસ કરી રહ્યું છે. ટીમ ઈન્ડિયા છેલ્લા 10 વર્ષથી કોઈ ICC ટ્રોફી જીતી શકી નથી, તેથી ICC ટ્રોફીના દુષ્કાળને સમાપ્ત કરવાનો પ્રયાસ પણ કરવામાં આવી રહ્યો છે.