Virat Kohli IPL 2023: નવીન ઉલ હકને કેરી મીઠી લાગી, વિરાટ કોહલીના આઉટ થતા શેર કરેલી તસ્વીરે હંગામો મચાવ્યો!
MI VS RCB, IPL 2023: મુંબઈ ઈન્ડિયન્સ અને રોયલ ચેલેન્જર્સ બેંગ્લોર વચ્ચે વાનખેડેમાં રમાઈ રહેલી મેચમાં વિકાટ કોહલી માત્ર 1 જ રન નોંધાવીને વિકેટ ગુમાવી બેઠો હતો. આ સમયે નવીન ઉલ હકની એક પોસ્ટે સોશિયલ મીડિયા પર હંગામો મચાવી દીધો છે.
IPL 2023 ની 54 મી મેચ વાનખેડે સ્ટેડિયમમાં રમાઈ રહી છે. મેચમાં રોયલ ચેલેન્જર્સ બેંગ્લોરે ટોસ હારીને પ્રથમ બેટિંગ કરી હતી. આ દરમિયાન વિરાટ કોહલી પ્રથમ ઓવરમાં જ વિકેટ ગુમાવી બેઠો હતો. એક તરફ કોહલી સામે તેની ખેલ ભાવનાને લઈ સોશિયલ મીડિયા પર તેને નિશાને લેવામાં આવ્યો છે. ત્યાં લખનૌ સુપર જાયન્ટ્સના નવીન ઉલ હકની એક પોસ્ટ સોશિયલ મીડિયા પર શેર થતા હંગામો મચી ગયો છે. નવીન અને ગૌતમ ગંભીરના કોહલી સાથેના ઘર્ષણનો મામલો જાણે હજુ ઠંડો ના પડ્યો હોય એવી સ્થિતી આના પરથી લાગી રહી છે.
લખનૌ સુપર જાયન્ટ્સના ખેલાડી નવીન ઉલ હક અને વિરાટ કોહલી વચ્ચે ઈકાના સ્ટેડિયમમાં ઘર્ષણ થયુ હતુ. ગૌતમ ગંભીર પણ આ સંઘર્ષમાં પડ્યા બાદ મામલો વધારે વિવાદે વકર્યો હતો. કોહલી અને નવીનને દંડ પણ ફટકારાયો હતો. જોકે ત્યાર બાદ આ લડાઈ સોશિયલ મીડિયા પર શરુ થઈ હતી અને એ હજુ પણ જારી હોય એવી સ્થિતી છે.
કોહલીની વિકેટ પર નિશાન તાક્યુ
વાનખેડેમાં પ્રથમ ઓવરમાં જ વિરાટ કોહલીએ વિકેટ ગુમાવી દીધી હતી. વિરાટ કોહલી આગળ આવીને જેસન બેરહનોડોર્ફ પર મોટો શોટ જમાવવાના ચક્કરમાં તે વિકેટકીપર ઈશાન કિશનના હાથમાં કેચ આપી બેઠો હતો. વિરાટ કોહલીના બેટની કિનારીને અડકીને બોલ કીપરના હાથમાં કેચ થવા છતાં કોહલી ક્રિઝ પર રહ્યો હતો. જેને લઈ રોહિત શર્માએ રિવ્યૂ લીધો હતો અને ટીવી અંપાયરે ઝડપથી જ આઉટનો નિર્ણય જાહેર કરી દીધો હતો. આમ કોહલી માત્ર એક જ રન નોંધાવીને પરત ફર્યો હતો. હવે નવીન ઉલ હકે આ સમયે જ એક પોસ્ટ સોશિયલ મીડિયા પર શેર કરી હતી. જે બેંગ્લોરના ચાહકોને સ્વાભાવિક જ પસંદ આવી નહોતી.
Naveen ul haq is supporting Mumbai Indians tonight and posted this story after the fall of RCB’s first wicket.
Man this is getting wild. 😂😭 pic.twitter.com/rYBgK7Rw3v
— Vishal. (@SPORTYVISHAL) May 9, 2023
નવીન ઉલ હકે કેરીની તસ્વીર શેર કરી હતી. તેણે કોહલીની વિકેટ બાદ એક તસ્વીર શેર કરી હતી. જેમાં તેણે કાપેલી કેરી ટીવી સામે ટેબલ પર રાખેલી મુકી હતી અને લખ્યુ હતુ કે, સ્વીટ મેંગો. લખનૌના ખેલાડીની પોસ્ટને લઈ સોશિયલ મીડિયા પર માનવામાં આવી રહ્યુ છે કે, આ વિરાટ કોહલી પર નિશાન તાક્યુ છે. આ પોસ્ટ કોહલીના 1 રન પર આઉટ થવાને લઈ શેર કરવામાં આવી હોવાનુ માનવામાં આવી રહ્યુ છે.
આ પણ વાંચોઃ Virat Kohli, IPL 2023: વિરાટ કોહલીને ભૂલની મળી સજા, મોટા શોટના ચક્કરમાં વિકેટકીપરને આપી બેઠો કેચ
રમત ગમતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
રમતગમતના તાજા સમાચાર, IPL 2023, ફૂટબોલ, ટેનિસ, ક્રિકેટ સાથે જોડાયેલા તમામ સમાચાર જાણવા માટે જોડાયેલા રહો…
Published On - 10:26 pm, Tue, 9 May 23