Suryakumar Yadav: સૂર્યકુમાર યાદવે ફરી મચાવી તબાહી, 29 બોલમાં 82 રન ફટકારી મુંબઈને અપાવી જીત
સૈયદ મુશ્તાક અલી ટ્રોફીના ગ્રુપ D મેચમાં ગુજરાત સામે મુંબઈના કેપ્ટન સૂર્યકુમાર યાદવે ધમાકેદાર અડધી સદી ફટકારીને પોતાની ટીમને વિજય અપાવ્યો હતો. ટીમ ઇન્ડિયાની બહાર ચાલી રહેલા વર્લ્ડ કપ વિજેતા કેપ્ટને દમદાર બેટિંગથી ટીકાકારોને જડબાતોડ જવાબ આપ્યો છે. સાથે જ ટીમ ઈન્ડિયામાં કમબેક માટે દાવેદારી પણ નોંધાવી છે.

સૂર્યકુમાર યાદવે ફરી એકવાર પોતાની બેટિંગથી ટીકાકારોને યોગ્ય જવાબ આપ્યો હતો. જમણા હાથના બેટ્સમેને ગુજરાત સામે તોફાની અડધી સદી ફટકારી હતી. આ વખતે સૂર્યકુમાર યાદવે માત્ર 29 બોલમાં 82 રન બનાવ્યા હતા. તેણે પોતાની તોફાની ઇનિંગમાં 7 છગ્ગા અને 9 ચોગ્ગા ફટકાર્યા હતા. સૂર્યકુમાર યાદવનો સ્ટ્રાઇક રેટ 282 થી વધુ હતો, અને તેની શાનદાર બેટિંગને કારણે મુંબઈએ માત્ર 15.4 ઓવરમાં 198 રનના લક્ષ્યનો પીછો કર્યો હતો.
સૂર્યકુમાર યાદવે મચાવી તબાહી
મોટા સ્કોરનો પીછો કરવા ઉતરેલી મુંબઈ ટીમે બે ઓવરમાં બે વિકેટ ગુમાવી દીધી. અંગક્રિશ રઘુવંશી 4 અને મુશીર ખાન 14 રન બનાવીને આઉટ થયા. ત્યારબાદ સૂર્યા મેદાનમાં આવ્યો અને તેના ત્રીજા બોલ પર છગ્ગો ફટકાર્યો. તેણે પાંચમી ઓવરમાં વધુ બે છગ્ગા ફટકાર્યા. સૂર્યાએ માત્ર 18 બોલમાં પોતાની અડધી સદી પૂરી કરી. સૂર્યા સાથે સરફરાઝ ખાને 17 બોલમાં અણનમ 40 રન બનાવ્યા, જેનાથી મુંબઈને સતત બીજી જીત મળી.
Suryakumar Yadav show in SMAT:
SKY smashed 82 runs off just 29 balls while chasing a massive target of 198 against Gujarat.
60* (21) vs Hyderabad 82 (29) vs Gujarat
This is strongest statement by SKY to the selectors https://t.co/wKNqBn00iw
— Indian Cricket Ministry (@Tejashyyyyyy) November 16, 2026
SKY has taken SMAT 2026 by storm! ️
Back-to-back 50+ scores and a blistering 284 strike rate!
#SuryakumarYadav #SKY https://t.co/8AYyhN79d6
— CREX (@Crex_live) November 16, 2026
સૂર્યકુમાર યાદવની શાનદાર બેટિંગ
સૂર્યકુમાર યાદવને સૈયદ મુશ્તાક અલી ટ્રોફીમાં મુંબઈના કેપ્ટન તરીકે નિયુક્ત કરવામાં આવ્યો છે અને તેણે બંને ઇનિંગ્સમાં દમદાર અડધી સદી ફટકારી છે. પહેલી મેચમાં તેણે 21 બોલમાં અણનમ 60 રન બનાવ્યા હતા. આ ટુર્નામેન્ટમાં તેણે 50 બોલમાં 12 છગ્ગા અને 15 ચોગ્ગા ફટકાર્યા છે. સૂર્યકુમાર યાદવ ફરી એકવાર પસંદગીકારોને તેની પસંદગી કરવા માટે મજબૂર કરી રહ્યો છે. સૂર્યા ટીમ ઇન્ડિયામાં કમબેક કરી શકે છે, સૂર્યાને ફક્ત સતત સારું પ્રદર્શન કરવાની જરૂર છે.
