IND vs WI: અમદાવાદમાં જીતના ઇરાદા સાથે 1000 મી વન ડે રમવા ટીમ ઇન્ડિયા મેદાને ઉતરશે, વેસ્ટ ઇન્ડિઝ સંપૂર્ણ આત્મવિશ્વાસમાં

વેસ્ટ ઈન્ડિઝ (West Indies) સામેની મેચનો સમય આવી ગયો છે. ODI સિરીઝનો શંખનાદ થઇ રહ્યો છે. ભારતની 1000મી ODIનો સ્ટેજ સજાવવા જઈ રહ્યો છે. ઈતિહાસ રચાશે. અમદાવાદનું નરેન્દ્ર મોદી સ્ટેડિયમ (Narendra Modi Stadium) ભારતીય ક્રિકેટ સાથે સંબંધિત વધુ એક ઐતિહાસિક ક્ષણનું સાક્ષી બનશે. વેસ્ટ ઈન્ડિઝ સામે ટક્કર થશે. ભારત જીતની પ્રતિજ્ઞા લેશે. કારણ કે તેના માટે આ મેચ અને તેમાં જીત બંને ખૂબ જ ખાસ હશે. આ ઐતિહાસિક વનડેમાં રોહિત શર્મા (Rohi Sharma) ભારતનો સુકાની હશે, જેણે આ શ્રેણીમાંથી સફેદ બોલની કેપ્ટનશીપની બાગડોર સંપૂર્ણપણે પોતાના હાથમાં લઈ લીધી છે.

મોટેરાના મેદાન પર ભારત 7 વર્ષ બાદ વનડે મેચ રમવા જઈ રહ્યું છે. વેસ્ટ ઈન્ડિઝની ટીમ 11 વર્ષ બાદ આ મેદાન પર રમવા જઈ રહી છે. ઘરઆંગણે ભારતનો એકંદર રેકોર્ડ વેસ્ટ ઈન્ડિઝ સામે થોડો સારો છે. પરંતુ, મોટેરા પર પ્રશ્ન આવતાની સાથે જ આંકડા ઉલટા થઈ જાય છે.

ઘરેલું મેદાન પર ભારતનો એકંદર રેકોર્ડ સારો

વેસ્ટ ઈન્ડિઝની ટીમ છેલ્લા 20 વર્ષથી ભારતમાં એક પણ વનડે શ્રેણી જીતી શકી નથી. તેણે વર્ષ 2002માં ભારતમાં છેલ્લી વનડે શ્રેણી જીતી હતી. જે બાદ તેને સતત 7 વનડે સિરીઝ ભારતના હાથે હારવી પડી હતી. વેસ્ટ ઈન્ડિઝે ભારતીય મેદાન પર 58 ODI રમી, જેમાં ભારતે 29 જીત્યા જ્યારે વેસ્ટ ઈન્ડિઝે 28 મેચ જીતી. તે જ સમયે, બંને ટીમો વચ્ચે 1 મેચ અનિર્ણિત રહી હતી.

મોટેરામાં કેરેબિયનનો હાથ ઉપર

જો કે, મોટેરાના મેદાન પર, જ્યાં ભારતને ઐતિહાસિક 1000મી ODI રમવાની છે, ત્યાં કેરેબિયન ટીમ સંપૂર્ણ રીતે વર્ચસ્વ ધરાવતી જોવા મળી રહી છે. વેસ્ટ ઈન્ડિઝે મોટેરામાં ભારત સામે 5 ODI રમી હતી, જેમાં માત્ર 1 જ મેચ ભારત જીતી શક્યું છે. જ્યારે વેસ્ટ ઈન્ડિઝની ટીમ 4 મેચમાં વિજયી રહી હતી.

ભારતની છેલ્લી 999 વનડેનું ગણિત

ભારતની 1000મી ODI પહેલા તેની છેલ્લી 999 ODIનું ગણિત સમજવું પણ જરૂરી છે. ભારત, 1000મી ODI રમનાર પ્રથમ દેશ બનવા જઈ રહ્યું છે, ભારતે છેલ્લી 999 ODIમાં 518 જીતી છે, જ્યારે 431 મેચ હારી છે. આ સિવાય ભારત માટે 9 મેચ અનિર્ણિત રહી છે. આ રીતે, છેલ્લી 999 વનડેમાં ભારતની જીતની ટકાવારી 54.4 રહી છે.

1000મી વનડેમાં જીતનો માર્ગ સરળ નથી

ટીમ ઈન્ડિયા આ વર્ષે અત્યાર સુધી એક પણ ઈન્ટરનેશનલ મેચ જીતી શકી નથી. આવી સ્થિતિમાં 1000મી વનડેમાં પણ તે પોતાની જીતની રાહ પૂરી કરવા માંગશે. બીજી તરફ વેસ્ટ ઈન્ડિઝની ટીમ પોતાના ઘરે આયર્લેન્ડ સામેની વનડે શ્રેણી 2-1થી અને ઈંગ્લેન્ડ સામે 3-2થી ટી20 શ્રેણી જીતીને આવી હતી. આ સંદર્ભે, તેમના આત્મવિશ્વાસ પણ ખૂબ ઉંચો છે. સૌથી ઉપર, મોટેરા ખાતે ભારત સામે તેની શાનદાર જીતનો રેકોર્ડ છે. એટલે કે ભારત માટે ઐતિહાસિક વનડેને ખાસ બનાવવાનો રસ્તો આસાન બનવાનો નથી.

આ પણ વાંચોઃ IND vs WI: ટીમ ઈન્ડિયામાં મહેન્દ્રસિંહ ધોનીની ખોટ છે! જાણો શા માટે રોહિત શર્માને યાદ આવ્યો પૂર્વ કેપ્ટન?

આ પણ વાંચોઃ  Sabarkantha: આખરે તલોદ નગર પાલિકાનુ ગુંચવાયેલુ કોકડું ઉકેલાયુ, 7 ભાજપના નારાજ કોર્પોરેટરોએ સમાધાન કર્યુ