Asia Cup 2023: એશિયા કપમાં નેપાળની સફર થઈ સમાપ્ત, ટીમે ક્રિકેટ ચાહકોનું જીત્યું દિલ
એશિયા કપમાં નેપાળ ટીમની સફર સમાપ્ત થઈ ગઈ છે. પરંતુ તેની રમતની ચર્ચા હજુ પણ થઈ રહી છે. ક્રિકેટ રમીને આ સ્થાન સુધી પહોંચેલા નેપાળના ખેલાડીઓના ઉત્સાહ અને જુસ્સાને સલામ. યુવા ખેલાડીઓથી સજ્જ તદ્દન નવી ટીમે ભારત અને પાકિસ્તાનની દમદાર ટીમો સામે લડાયક રમત બતાવી હતી. બંને દેશો સામે તેઓ ભલે હારી ગયા, છતાં પોતાની રમતથી દર્શકોના દિલ જીતી લીધા હતા.
નેપાળની ટીમે એશિયા કપ 2023 (Asia Cup 2023) માં પણ ઘણું કર્યું જેના માટે કહી શકાય કે ભલે તે મેચ જીતી ન શકી પરંતુ તેણે ક્રિકેટ ચાહકોનું દિલ ચોક્કસ જીતી લીધું. એશિયા કપમાં પાકિસ્તાને નેપાળ (Nepal) ને 238 રનના વિશાળ અંતરથી હરાવ્યું હતું. આ પછી ભારતે 10 વિકેટના અંતરથી પરાજય આપ્યો હતો. પરંતુ મેચમાં નેપાળના ખેલાડીઓ ક્યાંય હતા કે કેમ, આ સવાલનો જવાબ ભાગ્યે જ કોઈ ‘હા’માં આપી શકે છે. કારણ કે બંને મેચમાં નેપાળ ટીમના ખેલાડીઓની હિંમત અને ક્ષમતા સ્પષ્ટ દેખાતી હતી.
નેપાળે બંને મેચ જબરદસ્ત રીતે રમી હતી
નેપાળની ટીમની પ્રથમ મેચ પાકિસ્તાન સામે હતી. પાકિસ્તાને ટોસ જીતી પ્રથમ બેટિંગ કરવાનો નિર્ણય લીધો હતો. પાકિસ્તાને ચોક્કસપણે સ્કોરબોર્ડ પર 342 રન ઉમેર્યા હતા. પરંતુ યાદ રહે કે નેપાળના બોલરોએ ઓપનિંગ બેટ્સમેનોની જોડીને 25 રનમાં પેવેલિયન મોકલી દીધા હતા. ફકર ઝમાન અને ઇમામ ઉલ હક બંને નેપાળના બોલરોએ સસ્તામાં આઉટ થયા હતા. આ પછી, બેટિંગ વિશે પણ વાત કરીએ તો, તેમાં પણ નેપાળના બેટ્સમેનોએ દમદાર શોટ રમ્યા હતા.
પાકિસ્તાન સામે 60 ટકા રન બાઉન્ડ્રીથી બનાવ્યા
નેપાળના બેટ્સમેનોએ માત્ર 104 રન બનાવ્યા હોવા છતાં બાઉન્ડ્રી પર 64 રન બનાવ્યા હતા. નેપાળના બેટ્સમેનોએ 13 ચોગ્ગા અને 2 છગ્ગા ફટકાર્યા હતા. શાહીન શાહ આફ્રિદીએ પાંચ ઓવરમાં 27 રન આપ્યા હતા. આમાં તેણે પાંચ બાઉન્ડ્રી ફટકારી હતી. નેપાળના બેટ્સમેનોએ તેમના 60 ટકા રન બાઉન્ડ્રીથી બનાવ્યા હતા. આ સરળ કાર્ય નથી. તેનું ‘એક્સટેન્શન’ ભારત સામેની મેચમાં જોવા મળ્યું હતું.
આ પણ વાંચો : Asia Cup 2023: ચાલુ મેચમાં પાકિસ્તાની ખેલાડીનો થયો ‘અકસ્માત’, ડોક્ટરોને મેદાનમાં આવવું પડ્યું
નેપાળના બેટ્સમેનોએ ભારત સામે 18 ચોગ્ગા 4 છગ્ગા ફટકાર્યા
નેપાળે ભારત સામે 230 રન બનાવ્યા હતા. માત્ર 8.5 ઓવરમાં નેપાળના સ્કોરબોર્ડ પર પચાસ રન જમા થઈ ગયા હતા. એટલે કે 53 બોલમાં 50 રન. નેપાળનો સ્કોર 9.5 ઓવરમાં 65 રન હતો. આ સ્કોર પર નેપાળની પ્રથમ વિકેટ પડી હતી. ઓપનર કુશલ ભુર્તેલે 25 બોલમાં 38 રન બનાવ્યા હતા. નેપાળના બેટ્સમેનોએ ભારતીય બોલરો સામે 18 ચોગ્ગા અને 4 છગ્ગા ફટકાર્યા હતા. એટલે કે બાઉન્ડ્રીથી 96 રન બનાવ્યા હતા. ફાસ્ટ બોલરો સામે નેપાળના બેટ્સમેનોને જોઈને એવું લાગતું નહોતું કે આ ટીમ તેના પ્રારંભિક તબક્કામાં આંતરરાષ્ટ્રીય ક્રિકેટ રમી રહી છે. હા, સ્પિનરો સામે ચોક્કસ નબળાઈ હતી.