Breaking News: Joe Root બન્યો નંબર-1 બેટ્સમેન, 5 સદી અને 1272 રન સાથે Top પર પહોંચ્યો

ટેસ્ટ ક્રિકેટમાં જો રૂટ હાલ જોરદાર ફોર્મમાં ચાલી રહ્યો છે. આ સાથે જ તેણે પોતાના જ સાથી હેરી બ્રુકને પાછળ છોડી દીધો છે. વર્લ્ડ ટેસ્ટ ચેમ્પિયનશિપ 2025-27 માં રૂટ સૌથી વધુ રન બનાવનાર બેટ્સમેન બની ગયો છે.

ખાસ વાત એ છે કે, નંબર-1 ની આ રેસમાં રૂટ અને બ્રુક વચ્ચે માત્ર 1 રનનો જ તફાવત છે. જો રૂટે આ દરમિયાન અત્યાર સુધી 30 ઇનિંગ્સમાં 1272 રન બનાવ્યા છે. બીજું કે, તેના બેટમાંથી 5 સદી પણ નીકળી છે. રૂટે સતત પોતાના પ્રદર્શનથી ટીમ માટે રન જોડ્યા છે અને આ જ કારણે તે લિસ્ટમાં સૌથી ઉપર પહોંચી ગયો છે.

‘બ્રુક’ પણ બહુ પાછળ નથી

હેરી બ્રુકે પણ આ દરમિયાન શાનદાર બેટિંગ કરી છે. તે 29 ઇનિંગ્સમાં 1271 રન બનાવીને બીજા નંબર પર છે. રૂટ અને બ્રુક વચ્ચે માત્ર એક રનનું અંતર છે. ટૂંકમાં, બ્રુકને રૂટથી આગળ નીકળવા માટે માત્ર બે રન બનાવવા પડશે.

શુભમન ગિલ પણ લિસ્ટમાં

ભારતનો કેપ્ટન શુભમન ગિલ આ લિસ્ટમાં ત્રીજા નંબર પર છે. તેણે માત્ર 17 ઇનિંગ્સમાં 1024 રન બનાવ્યા છે. ગિલના નામે પણ આમાં 5 સદી છે. ઓછી ઇનિંગ્સમાં 1000થી વધુ રન બનાવવા તેના શાનદાર પ્રદર્શનને દર્શાવે છે. જો કે, હાલમાં તે રૂટથી 248 રન પાછળ છે.

નંબર-1ની રેસ થઈ રોમાંચક

રૂટ અને બ્રુક વચ્ચે માત્ર 1 રનનો તફાવત હોવાથી સૌથી વધુ રન બનાવનાર બેટ્સમેનોની રેસ વધારે રોમાંચક બની ગઈ છે. હાલમાં જો રૂટ 1272 રન સાથે પહેલા, હેરી બ્રુક 1271 રન સાથે બીજા અને શુભમન ગિલ 1024 રન સાથે ત્રીજા નંબર પર છે. આવનારી ટેસ્ટ મેચોમાં આ લિસ્ટમાં ફેરફાર થવો નક્કી માનવામાં આવી રહ્યો છે, ખાસ કરીને રૂટ અને બ્રુક વચ્ચેનો મુકાબલો જોવા જેવો રહેશે.

શું વૈભવ સૂર્યવંશી ‘રાજસ્થાન રોયલ્સ’ છોડી દેશે? LSGના માલિક સંજીવ ગોયન્કાએ કરી ‘મોટી ભવિષ્યવાણી’