
ટેસ્ટ ઈતિહાસના સૌથી સફળ ફાસ્ટ બોલરોમાંના એક જેમ્સ એન્ડરસને ગયા વર્ષે આંતરરાષ્ટ્રીય ક્રિકેટમાંથી નિવૃત્તિની જાહેરાત કરી હતી. તેણે જુલાઈ 2024માં લોર્ડ્સમાં વેસ્ટ ઈન્ડિઝ સામે પોતાની છેલ્લી ટેસ્ટ મેચ રમી હતી. જોકે, તે હજુ પણ ઘરેલુ ક્રિકેટમાં રમે છે. જેમ્સ એન્ડરસન તાજેતરમાં 11 વર્ષ પછી T20 ફોર્મેટમાં પાછો ફર્યો હતો. તે ઈંગ્લેન્ડની ફેમસ T20 લીગ વાઈટાલિટી બ્લાસ્ટમાં રમ્યો હતો. જ્યાં તેનું પ્રદર્શન ખૂબ જ સારું રહ્યું હતું, જેના કારણે તેમને હવે એક મોટી તક મળી છે.
ઈંગ્લેન્ડની ફેમસ 100-બોલ ક્રિકેટ લીગ, ધ હંડ્રેડની 2025 સિઝન માટે વાઈલ્ડકાર્ડ ડ્રાફ્ટમાં કેટલાક મોટા નામો સામેલ કરવામાં આવ્યા છે. ખાસ વાત એ છે કે 42 વર્ષીય જેમ્સ એન્ડરસનનું નામ પણ તેમાં સામેલ છે. ધ હંડ્રેડ 5 ઓગસ્ટથી શરૂ થવા જઈ રહ્યું છે, તે પહેલા તમામ 8 ટીમોએ વાઈલ્ડ કાર્ડ ખેલાડીઓના નામ જાહેર કર્યા છે. એન્ડરસનને માન્ચેસ્ટર ઓરિજિનલ્સ દ્વારા પસંદ કરવામાં આવ્યો છે. આ પહેલીવાર છે જ્યારે ઈંગ્લેન્ડનો આ દિગ્ગજ બોલર ધ હંડ્રેડ લીગમાં રમતો જોવા મળશે.
From the James Anderson end….
Sir James Anderson joins Manchester Originals for The Hundred 2025! pic.twitter.com/pm0sOYLIu0
— The Hundred (@thehundred) July 15, 2025
જેમ્સ એન્ડરસનને T20 બ્લાસ્ટમાં તેના પ્રદર્શનના આધારે તક મળી છે. તાજેતરમાં, તેણે T20 બ્લાસ્ટમાં લેન્કેશાયર માટે 8 મેચમાં 14 વિકેટ લીધી હતી. ખાસ વાત એ હતી કે તેણે ફક્ત 7.75ની ઈકોનોમીથી રન આપ્યા હતા. એન્ડરસને અત્યાર સુધીમાં કુલ 52 T20 મેચ રમી છે અને 55 વિકેટ લીધી છે. તેણે ઈંગ્લેન્ડ માટે 19 T20 મેચ પણ રમી છે, જેમાં તે ફક્ત 18 વિકેટ લઈ શક્યો હતો. એટલું જ નહીં, એન્ડરસને IPL 2025 ઓક્શન માટે પણ પોતાનું નામ આપ્યું હતું, પરંતુ તેને હરાજી માટે શોર્ટલિસ્ટ કરવામાં આવ્યો ન હતો.
17 વર્ષીય રોકી ફ્લિન્ટોફે પણ આ લીગમાં પ્રવેશ કર્યો છે. રોકી ફ્લિન્ટોફ તેના પિતા એન્ડ્રુ ફ્લિન્ટોફની કોચિંગવાળી નોર્ધન સુપરચાર્જર્સ ટીમનો ભાગ બનશે. રોકી ફ્લિન્ટોફે હજુ સુધી કોઈ પ્રોફેશનલ T20 મેચ રમી નથી, પરંતુ તેની પ્રતિભાને કારણે તે સતત ચર્ચામાં રહ્યો છે. તે હાલમાં ભારતની અંડર-19 ટીમ સામે રમી રહ્યો છે. જ્યાં તેનું પ્રદર્શન સારું રહ્યું છે.
આ પણ વાંચો: World Cup 2025 : ટીમ ઈન્ડિયા ઈંગ્લેન્ડ-ન્યુઝીલેન્ડ સામે રમશે વોર્મ-અપ મેચ, આ દિવસે યોજાશે મુકાબલા