IPL Media Rights: સ્ટારને ટીવી તો Viacom18એ જીત્યા ડિજીટલ રાઇટ્સ, જય શાહે જણાવ્યું BCCIને કેટલા પૈસા મળ્યા

ઈન્ડિયન પ્રીમિયર લીગ (IPL 2023 to 2027)ના 2023થી 2027 માટે તમામ શ્રેણીઓની હરાજી (IPL Media Rights)ની પ્રક્રિયા પૂર્ણ થઈ ગઈ છે. આ વખતે બીસીસીઆઈ (BCCI)એ ચાર જૂથોમાં મીડિયા અધિકારો વેચવાનો નિર્ણય લીધો હતો. પહેલું જૂથ ભારતમાં ટીવી મીડિયા અધિકારોનું હતું અને તેના માટે 23,575 કરોડની બોલી લગાવવામાં આવી છે. બીજું જૂથ OTT પ્લેટફોર્મ (OTT Platform) પર ટેલિકાસ્ટ અધિકારોનું હતું અને તેના માટે રૂ. 20,500 કરોડની બોલી લગાવવામાં આવી છે. ત્રીજું જૂથ સ્પેશિયલ કેટેગરીની મેચ માટે હતું. જેના માટે રૂ. 3,258 કરોડની બિડ મળી છે. જ્યારે ચોથું જૂથ વિદેશી પ્રસારણ અધિકારો માટેનું હતું. જેના માટે રૂ. 1,057 કરોડની બિડ મળી છે.

અલગ અલગ કંપનીને મળ્યા અધિકાર

ટીવી અને ડિજિટલ પ્રસારણના અધિકારો અલગ-અલગ કંપનીઓને આપવામાં આવ્યા છે. સ્ટાર સ્પોર્ટ્સે આઈપીએલના ટીવી અધિકાર જીત્યા છે અને વાયાકોમ 18એ ડિજિટલ અધિકારો જીત્યા છે. બીજી તરફ Viacom18 સ્પેશિયલ કેટેગરીના અધિકારો અને Viacom18 તથા Times Internetએ વિદેશી મીડિયાના અધિકારો ખરીદ્યા છે.

– પેેકેજ A: 23,575 કરોડ, 57.5 કરોડ પ્રતિ મેચ (Star)
– પેેકેજ B: 20,500 કરોડ, 50 કરોડ પ્રતિ મેચ (Viacom18)
– પેકેજ C: 3,258 કરોડ, 33.24 કરોડ પ્રતિ મેચ (Viacom18)
– પેકેજ D: 1,057 કરોડ, 2.6 કરોડ પ્રતિ મેચ (Viaco18 & Times Internet)

BCCI સચિવ જય શાહે ટ્વીટ કરી આપી જાણકારી

બીસીસીઆઈ (BCCI)ના સચિવ જય શાહ (Jay Shah)એ ટ્વીટ કર્યું હતું કે હું એ જાહેરાત કરતાં રોમાંચિત છું કે સ્ટાર ઈન્ડિયાએ આઈપીએલના ટીવી રાઈટ્સ રૂ. 23,575 કરોડની બોલીમાં ખરીદ્યા છે. આ હરાજી મહામારીના બે વર્ષો છતાં બીસીસીઆઈની સંગઠનાત્મક ક્ષમતાઓની સીધી સાક્ષી છે.

IPL તેની શરૂઆતથી જ વૃદ્ધિનો સમાનાર્થી રહ્યો છે. IPL સાથે ભારતીય ક્રિકેટ માટે આજનો દિવસ સારો છે. ઈ-ઓક્શનમાં આઈપીએલ નવી ઊંચાઈઓને સ્પર્શી છે. હવે IPL પ્રતિ મેચની દ્રષ્ટિએ વિશ્વની બીજી સૌથી ધનિક લીગ બની ગઈ છે.

હવે સમય આવી ગયો છે કે રાજ્ય એસોસિએશનો અને IPL ફ્રેન્ચાઈઝીઓ IPL સાથે મળીને ચાહકોના અનુભવને વધારવા અને ખાતરી કરે કે અમારા સૌથી મોટા હિતધારક ‘ક્રિકેટ ચાહકો’ની સારી રીતે દેખરેખ રાખવામાં આવે અને વિશ્વ કક્ષાની હોય. સુવિધાઓમાં ઉચ્ચ ગુણવત્તાની ક્રિકેટનો આનંદ માણો.