IPL 2023: આ છે ટીમ લખનઉ સુપર જાયન્ટ્સની તાકાત અને નબળાઈ, કેપ્ટન કેએલ રાહુલ પર રહેશે સૌની નજર

આઈપીએલ 2023ની શરુઆતને ગણતરીના દિવસો બાકી છે. તે બધા વચ્ચે ફેન્સમાં આઈપીએલને લઈને ભારે ઉત્સા જોવા મળી રહ્યો છે. 10 ટીમોના 243 જેટલા ખેલાડીઓ 1 મહિનાથી વધારે સમય સુધી 70 લીગ મેચ રમશે. આઈપીએલ 2023માં રાજસ્થાન રોયલ્સ, દિલ્હી કેપિટલ્સ, ગુજરાત ટાઇટન્સ, મુંબઈ ઈન્ડિયન્સ, કોલકાતા નાઈટ રાઈડર્સ, સનરાઈઝર્સ હૈદરાબાદ, ચેન્નાઈ સુપર કિંગ્સ, રોયલ ચેલેન્જર્સ બેંગ્લોર, લખનઉ સુપર જાયન્ટ્સ અને પંજાબ કિંગ્સની ટીમ ભાગ લઈ રહી છે. ચાલો જાણીએ ટીમ લખનઉ સુપર જાયન્ટ્સની તાકાત અને નબાઈ વિશે વિગતવાર.

IPL 2023માં સ્ટાર સ્પોર્ટ્સ નેટવર્ક એ ભારતમાં ઈન્ડિયન પ્રીમિયર લીગ 2023ને ટીવી પર લાઈવ બતાવવા માટે સત્તાવાર પ્રસારણકર્તા છે. તેથી ટીવી પર ઈન્ડિયન પ્રીમિયર લીગ 2023ની તમામ મેચોનું સ્ટાર સ્પોર્ટ્સ ચેનલો પર જીવંત પ્રસારણ કરવામાં આવશે. જ્યારે Viacom18 પાસે ટુર્નામેન્ટના ડિજિટલ અધિકારો છે. આથી, મેચોનું લાઇવ સ્ટ્રીમિંગ OTT પ્લેટફોર્મ પર જિયો સિનેમા એપ પર ઉપલબ્ધ રહેશે.

IPL 2023 માટે લખનઉ સુપર જાયન્ટ્સની ટીમ

આઈપીએલ 2022માં કેએલ રાહુલના નેતૃત્વમાં લખનઉ સુપર જાયન્ટ્સની ટીમ 14 લીગ મેચ અને એક એલિમિનેટર મેચ રમી હતી. 14 લીગ મેચમાંથી આ ટીમે 9 મેચમાં જીત મેળવી હતી. અને 5 મેચમાં હારનો સામનો કરવો પડયો હતો. બેંગ્લોર સામેની એલિમિનેટર મેચમાં લખનઉ સુપર જાયન્ટ્સની ટીમની 14 રનથી હારનો સામનો કરવો પડયો હતો. હાલમાં લખનઉ સુપર જાયન્ટસની ટીમે પોતાની નવી જર્સી લોન્ચ કરી હતી.

વિકેટકીપર્સ: ક્વિન્ટન ડી કોક (દક્ષિણ આફ્રિકા), મનન વોહરા, નિકોલસ પૂરન (વેસ્ટ ઈન્ડિઝ)

બેટ્સમેન: કેએલ રાહુલ, આયુષ બદોની

ઓલરાઉન્ડરઃ કૃષ્ણપ્પા ગૌતમ, દીપક હુડા, કાયલ મેયર્સ (વેસ્ટ ઈન્ડિઝ), કૃણાલ પંડ્યા, કરણ શર્મા, માર્કસ સ્ટોઈનિસ (ઓસ્ટ્રેલિયા), રોમારિયો શેફર્ડ (વેસ્ટ ઈન્ડિઝ), ડેનિયલ સેમ્સ (ઓસ્ટ્રેલિયા), પ્રેરક માંકડ, સ્વપ્નિલ સિંહ, યુદ્ધવીર ચરક

બોલરઃ અવેશ ખાન, મોહસિન ખાન, રવિ બિશ્નોઈ, માર્ક વૂડ , મયંક યાદવ, જયદેવ ઉનડકટ, યશ ઠાકુર, અમિત મિશ્રા, નવીન-ઉલ-હક

લખનઉ સુપર જાયન્ટ્સની તાકાત

લખનઉની તાકાત તેની ઓપનિંગ જોડી છે. ટીમ પાસે ક્વિન્ટન ડી કોક, કેએલ રાહુલના રૂપમાં બે દમદાર ખેલાડી છે. માર્કસ સ્ટોઇનિસ જેવો ખતરનાક ઓલરાઉન્ડર છે. ટીમમાં ઓલરાઉન્ડરોની કોઈ કમી દેખાતી નથી.

લખનઉ સુપર જાયન્ટ્સની નબળાઈ

લખનઉની નબળાઈ એ છે કે તેની પાસે કોઈ શાનદાર ફાસ્ટ બોલર નથી. સ્પિનર્સ ​​ટીમ સાથે છે. એકમાત્ર વસ્તુ ખૂટે છે તે છે ઝડપી બોલર. આઈપીએલ 2022 ની છેલ્લી સીઝનમાં પણ અમે આ ઉણપ જોવા મળી હતી.

આઈપીએલ 2023નું સંપૂર્ણ શેડયૂલ

IPL 2023 માં કુલ 70 લીગ મેચો અને 4 પ્લેઓફ મેચો હશે, જો આપણે લીગ મેચોની વાત કરીએ તો કોઈ દિવસ બે મેચ અને કોઈ દિવસ એક મેચ રમાશે. જેના માટે તમને જણાવી દઈએ કે IPLમાં કોઈપણ દિવસે બે મેચ હોય તો તે દિવસે પહેલી મેચ બપોરે 3.30 વાગ્યે શરૂ થશે અને ત્યાર બાદ બીજી મેચ સાંજે 7:30 વાગ્યે શરૂ થશે. આ તમામ મેચોની ટોસ મેચની બરાબર 30 મિનિટ પહેલા કરવામાં આવશે એટલે કે બપોરની મેચ માટે ટોસ બપોરે 3 વાગ્યે અને સાંજની મેચ માટે ટોસ સાંજે 7 વાગ્યે કરવામાં આવશે.

બે ગ્રુપમાં વિભાજીત થઈ છે બંને ટીમ

ગ્રુપ A : મુંબઈ ઈન્ડિયન્સ, દિલ્હી કેપિટલ્સ, રાજસ્થાન રોયલ્સ અને લખનઉ સુપર જાયન્ટ્સ

ગ્રુપ B : રોયલ ચેલેન્જર બેંગ્લોર, ગુજરાત ટાઈટન્સ, સનરાઈઝર્સ હૈદરાબાદ અને પંજાબ કિંગ્સ

IPL 2023માં શું છે નવો નિયમ?

IPL 2023 સિઝનમાં, BCCIએ ઈમ્પેક્ટ પ્લેયર નિયમ રજૂ કર્યો છે, IPLના ઈતિહાસમાં પહેલીવાર આ નિયમનો ઉપયોગ કરવામાં આવશે.
મેચ પહેલા ટોસ દરમિયાન, દરેક કેપ્ટને તેની પ્લેઈંગ ઈલેવન સાથે 4 અવેજીનું નામ આપવું પડશે. આ ચાર ખેલાડીઓમાંથી માત્ર એક જ ઈમ્પેક્ટ પ્લેયર તરીકે પ્લેઈંગ ઈલેવનમાં સ્થાન મેળવી શકે છે. પ્લેઈંગ ઈલેવનમાં આ અવેજી ખેલાડીને સ્થાન આપનાર ખેલાડી ફરીથી મેચમાં ભાગ લઈ શકશે નહીં.

બીસીસીઆઈએ પહેલાથી જ જાહેર કર્યું છે કે પ્રભાવશાળી ખેલાડી સુકાનીની ભૂમિકા નિભાવી શકતો નથી અને તેણે ભારતીય ખેલાડી બનવું જોઈએ. જો કોઈ ટીમ પ્રભાવશાળી ખેલાડીનો વિદેશી ખેલાડી તરીકે ઉપયોગ કરવા માંગતી હોય તો તેણે પ્લેઈંગ ઈલેવનમાં પ્રથમ ચારને બદલે ત્રણ ખેલાડીઓની પસંદગી કરવી પડશે. મેચ દરમિયાન એક સાથે ચાર વિદેશી ખેલાડીઓ મેદાનમાં ઉતરી શકતા નથી.

આઈપીએલ 2023ના સૌથી મોંઘા ખેલાડીઓ

સેમ કરન IPL 2023નો સૌથી મોંઘો ખેલાડી છે, જેને પંજાબ કિંગ્સની ટીમે કુલ 18.50 કરોડ રૂપિયામાં ખરીદ્યો હતો. તે ઈંગ્લેન્ડની ટીમ માટે રમે છે અને ઓલરાઉન્ડર છે. સેમ કરન IPLના ઈતિહાસનો સૌથી મોંઘો ખેલાડી પણ બની ગયો છે. સેમ કરન બાદ આ લિસ્ટમાં મુંબઈ ઈન્ડિયન ટીમે કેમરૂન ગ્રીનને 17.50 કરોડ રૂપિયામાં ખરીદ્યો હતો, ત્યારબાદ બેન સ્ટોક્સનો નંબર આવે છે જેને ચેન્નાઈની ટીમે 16.25 કરોડ રૂપિયામાં ખરીદ્યો હતો.

10 ટીમના  243 ખેલાડીઓ

આઇપીએલ 2023ની હરાજી બાદ ચેન્નાઇ સુપર કિંગ્સ, દિલ્હી કેપિટલ્સ, ગુજરાત ટાઇટન્સ, રાજસ્થાન રોયલ્સ, રોયલ ચેલેન્જર્સ બેંગ્લોર, લખનઉ સુપર જાયન્ટ્સ અને સનરાઇઝર્સ હૈદરાબાદમાં કુલ 25 ખેલાડીઓ છે. જ્યારે  કોલકાતા નાઇટ રાઇડર્સ પાસે 22, મુંબઈ ઇન્ડિયન્સમાં 24, પંજાબ ધ કિંગ્સમાં કુલ 22 ખેલાડીઓ છે.