IPL 2023 Final GT vs CSK: રિઝર્વ ડે પર વરસાદ વરસશે તો ક્યારે અને કેવી રીતે થશે મેચ, 5 પોઈન્ટ્સમાં સમજો પૂરુ ગણિત

IPL 2023 Final રવિવારે રમાઈ શકી નહોતી, હવે સોમવારે થઈ રહી છે. રવિવારે ટોસ થવાના પહેલા જ વરસાદ વરસવા લાગ્યો હતો. ધોધમાર વરસાદ બાદ સતત વરસાદની આવન-જાવન રહેતા આખરે મેચને રિઝર્વ ડે પર લઈ જવાનો નિર્ણય કરવામાં આવ્યો હતો. આવી સ્થિતીમાં હજુ પણ ક્રિકેટના ચાહકોના જીવ ઉંચા જ છે. મેચ શરુ થશે કે કેમ એ વાતની ચિંતા સતાવી રહી છે. જોકે આજે પણ વરસાદ વિલન બનીને ઉતરી આવે તો શુ થઈ શકે છે છે. તેને પાંચ પોઈન્ટ્સમાં સમજીશું

હાર્દિક પંડ્યા અને મહેન્દ્ર સિંહ ધોની બંને ચેમ્પિયન બનવા માટે ફાઈનલ મેચમાં પૂરો દમ લગાવવા તૈયાર છે. ચેન્નાઈ પાંચમી વાર ચેમ્પિયન બનવાનો ઈરાદો રાખી રહ્યુ છે, જ્યારે ગુજરાત ટાઈટન્સ સતત બીજી સિઝનમાં જ ચેમ્પિયન બનવાનો ઈરાદો રાખે છે. ગુજરાતે પોતાની ડેબ્યૂ સિઝનમાં જ ચેમ્પિયન બનીને ધમાકેદાર એન્ટ્રી આઈપીએલમાં કરી હતી. હવે સળંગ બીજી વાર ગુજરાત ચેમ્પિયન બનવા ચેન્નાઈ સામે સોમવારે રિઝર્વ ડે પર ટકરાશે.

આજે પણ વરસાદ થશે તો કેવી રીતે અને ક્યારે થશે ફાઈનલની શરૂઆત, જાણો 5 પોઈન્ટ્સમાં

1. રિઝર્વ ડે પર ટોસનો સમય સાંજે 7 વાગ્યાનો છે અને પ્રથમ બોલ સાંજે 7.30 વાગ્યે નાખવામાં આવશે.
2. જો વરસાદના કારણે મેચ નિર્ધારિત સમયે શરૂ નહીં થાય તો રાત્રે 9.35 વાગ્યા સુધી તેની રાહ જોવામાં આવશે. જો મેચ 9.35 વાગ્યે શરૂ થાય છે, તો સંપૂર્ણ 20-20 ઓવરની રમત હશે.
3. જો 9.35 સુધી પણ મેચ શરૂ નહીં થાય તો 12.06 સુધી ઓવરોની સંખ્યા ઓછી કરી દેવામાં આવશે અને પરિણામ માટે 5-5 ઓવર રમાશે.
4. જો વરસાદના કારણે 12.06 વાગ્યે પણ મેચ શરૂ નહીં થાય તો પરિણામ માટે સુપર ઓવર રમવાનો પ્રયાસ કરવામાં આવશે.
5. જો સુપર ઓવર પણ શક્ય ન બને, તો આવી સ્થિતિમાં ગુજરાત ટાઇટન્સને વિજેતા જાહેર કરવામાં આવશે, કારણ કે તે પોઈન્ટ ટેબલમાં ટોચ પર હતી.

આ પણ વાંચોઃ GT vs CSK, IPL 2023 Final: વરસાદ ને લઈ Reserve Day પર ફાઈનલ રદ્દ થાય તો કોને લાગશે લોટરી, હાર્દિક પંડ્યા કે ધોની? આ ટીમના ફેન્સ ઝૂમી ઉઠશે!

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો