IPL 2022 : ગુજરાતના સામે હાર્યા બાદ RCB ના સુકાની ફાફ ડુ પ્લેસિસે પોતાની ભૂલ જણાવી
IPL 2022: શનિવારે બ્રેબોર્ન સ્ટેડિયમ ખાતે IPL 2022 ની 43મી મેચમાં ગુજરાત ટાઇટન્સ ટીમે 6 વિકેટે રોયલ ચેલેન્જર્સ બેંગ્લોરને માત આપી હતી. જોકે વિરાટ કોહલીની અડધી સદી એળે ગઇ હતી.
રોયલ ચેલેન્જર્સ બેંગ્લોર (Royal Challengers Bangalore) ને શનિવારે ગુજરાત ટાઇટન્સ (Gujarat Titans) ના હાથે 6 વિકેટે હારનો સામનો કરવો પડ્યો હતો. મુંબઈના બ્રેબોર્ન સ્ટેડિયમમાં રમાયેલી મેચમાં RCB બેએ પ્રથમ બેટિંગ કરતા 20 ઓવરમાં 6 વિકેટ ગુમાવીને 170 રન બનાવ્યા હતા. જવાબમાં ગુજરાત ટાઇટન્સે 19.3 ઓવરમાં 4 વિકેટ ગુમાવીને લક્ષ્યનો પીછો કરી લીધો હતો. બેંગ્લોરની આ સતત ત્રીજી હાર હતી. ફાફ ડુ પ્લેસિસની આગેવાની હેઠળની બેંગ્લોર માટે 10 મેચોમાં આ પાંચમી હાર હતી અને તે પોઈન્ટ ટેબલમાં પાંચમા સ્થાને છે. ગુજરાતના હાથે હાર બાદ RCBના સુકાની ફાફ ડુ પ્લેસિસે પોતાની ટીમની ભૂલ કહી હતી.
અમે 175-180 નો સ્કોર કરવાનો પ્રયાસ કર્યો હતોઃ ફાફ ડુ પ્લેસિસ
મેચ બાદ ફાફ ડુ પ્લેસિસે કહ્યું, ‘અમે 175-180 નો સ્કોર કરવાનો પ્રયાસ કર્યો હતો. ગુજરાત ટાઇટન્સના બોલરોએ મધ્ય ઓવરોમાં શાનદાર બોલિંગ કરીને અમને આકર્ષિત કર્યા. અમે બોલથી પણ સારી શરૂઆત કરી હતી. પરંતુ તેણે દબાણમાં સારું રમ્યું, જેવું તે ટુર્નામેન્ટમાં કરી રહ્યો છે.
રજત પાટીદાર (52) અને વિરાટ કોહલી (58)એ આરસીબીને 170 રનના સ્કોર સુધી પહોંચાડવામાં મહત્વની ભૂમિકા ભજવી હતી. બંનેએ બીજી વિકેટ માટે 99 રનની ભાગીદારી કરી હતી. ફાફ ડુ પ્લેસિસે મધ્યપ્રદેશના બેટ્સમેન રજત પાટિદારની પ્રશંસા કરતા કહ્યું કે તેણે આત્મવિશ્વાસ સાથે બેટિંગ કરી, જે સારી વાત છે. ફાફ ડુ પ્લેસિસે કહ્યું, રજત પાટીદાર શાનદાર રીતે રમ્યો હતો અને તેણે આત્મવિશ્વાસથી બેટિંગ કરી હતી. બેટ સાથે બે ખરાબ પ્રદર્શન બાદ આ રીતે વાપસી કરવી સારી વાત છે.
ફાફ ડુ પ્લેસિસે વધુમાં કહ્યું કે, ગુજરાત તરફથી સારી બેટિંગે અમારી બોલિંગને બગાડી નાખી અને તેમને જીત મળી. મેદાનની એક બાજુની બાઉન્ડ્રી મોટી હતી અને એક ઓવર હતી જ્યાં મોટા ભાગના બોલ લેગ સાઇડમાં ગયા હતા. વિરાટ કોહલીએ ફોર્મમાં પરત ફરવાના સંકેત આપ્યા અને આ વિશે વાત કરતાં સુકાની ફાફ ડુ પ્લેસીસે કહ્યું કે, ‘અર્ધ સદી ફટકારવી એ યોગ્ય દિશામાં એક મોટું પગલું છે. તમે આશા રાખશો કે તમારા ટોપ 4માં બેટ્સમેન ભવિષ્યમાં 70 કે તેથી વધુ રન બનાવશે. તેથી તે ઘણું સારૂ છે.’
આ પણ વાંચો : RCB vs GT IPL Match Result: ગુજરાત ટાઈટન્સનો બેંગ્લોર સામે 6 વિકેટ વિજય, વિરાટ કોહલીની અડધી સદી એળે ગઈ
આ પણ વાંચો : IPL 2022: કૃણાલ પંડ્યામાં એકા એક કંજૂસાઈ ક્યાંથી આવી ગઈ? જાતે જ બતાવ્યુ રન બચાવવાની આવડતનુ રાઝ