IND Vs SA, 1st T20I Live Streaming: જાણો તમે ક્યારે, ક્યાં અને કેવી રીતે મેચ જોઈ શકશો

IND Vs SA : ઓસ્ટ્રેલિયાને 2-1થી હાર આપ્યા બાદ હવે ટીમ ઈન્ડિયા (Team India)ની સામે સાઉથ આફ્રિકાનો પડકાર છે. સાઉથ આફ્રિકા ( South Africa)એ થોડા સમય પહેલા જ ભારત વિરુદ્ધ ટી20 સિરીઝ રમી હતી. પાંચ મેચની સિરીઝ 2-2થી બરાબર પર રહી હતી અને છેલ્લી મેચ વરસાદના કારણે બંધ રહી હતી. સાઉથ આફ્રિકાની ટીમમાં એવા કેટલાક ખેલાડી છે જે કોઈ પણ ટીમને હરાવી શકે છે. ટી20 ફોર્મેટમાં સાઉથ આફ્રિકાનું પ્રદર્શન અલગ લેવલ પર જોવા મળે છે. હાલમાં જ ટી20 સીરિઝમાં સાઉથ આફ્રિકાએ ઈંગ્લેન્ડને તેના ઘર આંગણે હરાવ્યું હતુ.

મહેમાનની ટીમ માટે ભારતીય ટીમનો સામનો કરવો એટલું સરળ નહીં હોય. સાઉથ આફ્રિકાએ છેલ્લી સિરીઝમાં જેની સાથે ભાગ લીધો હતો તે ભારતીય ટીમમાં ઘણા મોટા નામ હતા, પરંતુ હવે ભારતની ભરચક ટીમ મેદાનમાં ઉતરવાની છે. ટીમની કપ્તાની રોહિત શર્માના હાથમાં છે. વિરાટ કોહલી અને સૂર્યકુમાર જેવા બેટ્સમેનો રંગમાં જોવા મળી રહ્યા છે. આ સાથે ભુવનેશ્વર કુમાર જેવો બોલર પણ બોલિંગમાં સામેલ છે. ચાલો અમે તમને જણાવીએ કે તમે ભારત અને સાઉથ આફ્રિકા વચ્ચેની પ્રથમ T20 ક્યારે, ક્યાં અને કેવી રીતે જોઈ શકો છો.

ભારત અને સાઉથ આફ્રિકા વચ્ચે પ્રથમ T20 મેચ ક્યારે રમાશે?

ભારત અને સાઉથ આફ્રિકા વચ્ચે પ્રથમ T20 મેચ 28 સપ્ટેમ્બર (બુધવાર)ના રોજ રમાશે.

ભારત અને સાઉથ આફ્રિકા વચ્ચે પ્રથમ T20 મેચ ક્યાં રમાશે?

ભારત અને સાઉથ આફ્રિકા વચ્ચે પ્રથમ મેચ તિરુવનંતપુરમના ગ્રીનફીલ્ડ ઈન્ટરનેશનલ સ્ટેડિયમમાં રમાશે.

ક્યારે શરુ થશે ભારત અને સાઉથ આફ્રિકા વચ્ચે પ્રથમ ટી20 મેચ ?

ભારત અને સાઉથ આફ્રિકા વચ્ચેની આ મેચ રાત્રે 7 કલાકે શરુ થશે. જ્યારે મેચ માટેનો ટોસ 6.30 કલાકે થશે.

ક્યાં જોઈ શકશો ભારત અને સાઉથ આફ્રિકા વચ્ચેની પ્રથમ ટી20 મેચનું લાઈવ ટેલીકાસ્ટ?

ભારત અને સાઉથ આફ્રિકા વચ્ચેની પ્રથમ ટી20 મેચનું લાઈવ ટેલીકાસ્ટ સ્ટાર સ્પોર્ટસ નેટવર્કની ચેનલ પર અલગ-અલગ ભાષામાં જોઈ શકાશે.

ક્યાં જોઈ શકાશે ભારત અને સાઉથ આફ્રિકા વચ્ચે પ્રથમ ટી 20 મેચનું ઓનલાઈન લાઈવ સ્ટ્રીમિંગ ?

મેચનું ઓનલાઈન લાઈવ સ્ટ્રીમિંગ સબ્સક્રિપ્શનની સાથે હોટસ્ટાર પર જોઈ શકાશે. આ સિવાય મેચની લાઈવ અપટેડ tv9gujarati.com પર વાંચી શકાશે.