IND vs SA, 1st ODI: શું પ્રથમ વનડેમાં વરસાદનું જોખમ છે? જાણો પાર્લમાં કેવું રહેશે હવામાન

રોમાંચક ટેસ્ટ શ્રેણી પછી, હવે ભારત અને દક્ષિણ આફ્રિકાની ટીમો બુધવારથી ત્રણ મેચની ODI શ્રેણી (India vs South Africa, 1st ODI) માં એકબીજાનો સામનો કરશે. પ્રથમ બે વનડે પાર્લના બોલેન્ડ પાર્ક (Paarl ODI) માં રમાશે. બંને ટીમો શ્રેણીમાં સારી શરૂઆત કરવા ઈચ્છે છે અને ખાસ કરીને ટીમ ઈન્ડિયા ઓછામાં ઓછી વનડે શ્રેણી જીતવા ઈચ્છે છે. ટેસ્ટ શ્રેણીમાં ટીમ ઈન્ડિયાને જીતની દાવેદાર માનવામાં આવી રહી હતી, પરંતુ બિનઅનુભવી દક્ષિણ આફ્રિકાની ટીમે શાનદાર પ્રદર્શન કર્યું અને શ્રેણી 2-1 થી જીતી લીધી. જો કે, ODI સિરીઝની શરૂઆત પહેલા સવાલ એ છે કે પાર્લ વેધર રિપોર્ટ (Paarl Weather Report) કેવો રહેશે? ટેસ્ટ શ્રેણી દરમિયાન વાદળોએ ટીમ અને ચાહકોને પરેશાન કર્યા, શું બોલેન્ડ પાર્કમાં વરસાદનો કોઈ ખતરો છે?

હવામાન વેબસાઇટ્સ અનુસાર, ચાહકો માટે સારા સમાચાર છે. બુધવારે પાર્લનું હવામાન એકદમ સાફ રહેવાનું છે. દિવસભર તડકો રહેશે અને રાત્રે પણ વરસાદ નહીં પડે. વરસાદની સંભાવના 5 ટકાથી ઓછી છે અને તાપમાન 34 ડિગ્રી રહેવાનું છે. જોકે, બાદમાં બોલિંગ કરનાર ટીમને મોટું નુકસાન વેઠવું પડી શકે છે કારણ કે રાત્રે ઝાકળ પડવાની શક્યતા છે, જેથી બોલેન્ડમાં ટોસ જીત્યા બાદ ફિલ્ડિંગ કરવી યોગ્ય રહેશે.

પાર્લનો પિચ રિપોર્ટ

પાર્લના બોલેન્ડ પાર્કની વાત કરીએ તો, ભારતે આ મેદાન પર દક્ષિણ આફ્રિકા સામે ક્યારેય કોઈ વનડે રમી નથી. વર્તમાન ટીમની વાત કરીએ તો આ મેદાન પર કોઈ ખેલાડી રમ્યો નથી. જો કે સારી વાત એ છે કે બોલેન્ડ પાર્કની પીચ બેટિંગ માટે આકર્ષક છે. અહીં મોટા સ્કોર બને છે અને જો કેએલ રાહુલની વાત માનીએ તો આ પીચ પર સ્પિનરોને મદદ મળી શકે છે. કેએલ રાહુલે મેચ પહેલાની પ્રેસ કોન્ફરન્સમાં અશ્વિન અને યુઝવેન્દ્ર ચહલ બંનેને રમાડવાનો સંકેત પણ આપ્યો છે.

ભારતની વન ડે ટીમ: કેએલ રાહુલ (કેપ્ટન), જસપ્રીત બુમરાહ (વાઈસ-કેપ્ટન), વિરાટ કોહલી, શિખર ધવન, ઋતુરાજ ગાયકવાડ, સૂર્યકુમાર યાદવ, શ્રેયસ અય્યર, વેંકટેશ ઐયર, ઋષભ પંત, ઈશાન કિશન, યુઝવેન્દ્ર ચહલ, રવિચંદ્રન અશ્વિન, ભૂવનેશ્વર કુમાર, દીપક ચાહર, પ્રસિદ્ધ કૃષ્ણા , શાર્દુલ ઠાકુર, મોહમ્મદ સિરાજ, જયંત યાદવ, નવદીપ સૈની.

સાઉથ આફ્રિકા વનડે ટીમઃ ટેમ્બા બાવુમા (કેપ્ટન), કેશવ મહારાજ (વાઈસ-કેપ્ટન), ક્વિન્ટન ડી કોક, ઝુબેર હમઝા, માર્કો યાનસન, યેનેમન મલાન, સિસાંડા મગાલા, એડન માર્કરામ, ડેવિડ મિલર, લુંગી એનગિડી, વેઈન પાર્નેલ, એન્ડીલે ફેહલુકવાયો, ડ્વેન પ્રેટોરિયસ, કાગીસો રબાડા, તબરેઝ શમ્સી, રાસી વાન ડેર ડુસૈ, કાયલ રેન

આ પણ વાંચોઃ IND VS SA: દક્ષિણ આફ્રિકા સામે ODI સિરીઝમાં ટીમ ઈન્ડિયાની શાખ દાવ પર, બોલ અને બેટથી ધાક જમાવવી પડશે

આ પણ વાંચોઃ PKL: મનજીત છિલ્લરે દબંગ દિલ્હીને પોતાના દમ પર જીતાડ્યુ, ગુજરાત-મુમ્બા મેચ ટાઈ રહી