World Championship of Legends : સોમવારે ભારત ચેમ્પિયન્સ અને ઓસ્ટ્રેલિયા ચેમ્પિયન્સ વચ્ચે ટક્કર થશે, જાણો ક્યારે રમાશે ફાઈનલ
વર્લ્ડ ચેમ્પિયનશીપ ઓફ લીજેન્ડસમાં ક્રિકેટના મેદાન પર કેટલાક દિગ્ગજ ખેલાડીઓની વાપસી જોવા મળશે. ટૂર્નામેન્ટની પહેલી સીઝનમાં 6 ટીમ એક ટ્રોફી માટે ટકરાશે. જાણો કેટલી ટીમ ભાગ લઈ રહી છે, સેમિફાઈનલ અને ફાઈનલ મેચ ક્યારે રમાશે,
વર્લ્ડ ચેમ્પિયનશીપ ઓફ લીજેન્ડસની પહેલી સીઝનનું આયોજન 3 જુલાઈથી 13 જુલાઈ સુધી યૂનાઈટેડ કિંગડમમાં કરવામાં આવ્યું છે. 10 દિવસ સુધી ચાલનારી આ ટૂર્નામેન્ટમાં અનેક દિગ્ગજ ક્રિકેટરો ફરી એક વખત ક્રિકેટના મેદાનમાં ઉતરવા માટે તૈયાર છે. આ ટૂર્નામેન્ટમાં ટ્રોફી માટે 6 ટીમો વચ્ચે કાંટાની ટકકર થવાની આશા છે. ભારતના અનેક પૂર્વ સ્ટાર ખેલાડી પણ આ ટૂર્નામેન્ટમાં ભાગ લઈ રહ્યા છે. તો ચાલો આ ટૂર્નામેન્ટ શરુ થતાં પહેલા શેડ્યૂલ, ફોર્મેટ અને તમામ ટીમો વિશે જાણીએ.
WCLમાં ભાગ લેશે આ ટીમ
વર્લ્ડ ચેમ્પિયન ઓફ લીજેન્ડસમાં કુલ 6 ટીમ ભાગ લઈ રહી છે. આ ટીમોના નામ વિશે જાણીએ તો ભારત ચેમ્પિયન, પાકિસ્તાન ચેમ્પિયન, ઈંગ્લેન્ડ ચેમ્પિયન, ઓસ્ટ્રેલિયા ચેમ્પિયન, સાઉથ આફ્રિકા ચેમ્પિયન અને વેસ્ટઈન્ડિઝ ચેમ્પિયન છે. આ તમામ ટીમ રાઉન્ડ-રોબિન સ્ટેજમાં એક બીજા સામે ટકરાશે કારણ કે, તેમને એક જ ગ્રુપમાં રાખવામાં આવી છે. ગ્રુપ ચરણ બાદ 4 ટીમ સેમીફાઈનલમાં પહોંચશે અને 2 ફાઈનલિસ્ટ 13 જુલાઈના રોજ ટકરાશે. ટૂર્નામેન્ટમાં કુલ 18 મેચ રમાશે.
આ છે WCL વેન્યુ
વર્લ્ડ ચેમ્પિયનશીપ ઓફ લીજેન્ડ્સ ઈંગ્લેન્ડના 2 વેન્યુ બર્મિધમના એજબેસ્ટન અને નૉર્થહૈમ્પનટનના કાઉન્ટી ગ્રાઉન્ડમાં રમાશે. પહેલી 10 મેચ એજબેસ્ટનમાં હશે. જ્યારે આગામી 7 મેચ જેમાં 2 સેમીફાઈનલ સામેલ છે.કાઉન્ટી ક્રિકેટ ગ્રાઉન્ડમાં છે. ત્યારબાદ ફાઈનલ મેચ બર્મિધમમાં રમાશે. તમામ મેચ ભારતીય સમયઅનુસાર રાત્રે 5:30 કલાકે અને રાત્રે 10:30 કલાકે રમાશે.
ટુર્નામેન્ટ શેડ્યૂલ
07 જુલાઈ, રવિવાર
- સાઉથ આફ્રિકા ચેમ્પિયન્સ વિ વેસ્ટ ઈન્ડિઝ ચેમ્પિયન્સ
- ઈંગ્લેન્ડ ચેમ્પિયન્સ વિ પાકિસ્તાન ચેમ્પિયન્સ
- એજબેસ્ટન ક્રિકેટ ગ્રાઉન્ડ, બર્મિંગહામ
08 જુલાઈ, સોમવાર
- ભારત ચેમ્પિયન વિ ઓસ્ટ્રેલિયા ચેમ્પિયન
- નોર્થમ્પ્ટનશાયર સ્ટેડિયમ
09 જુલાઈ, મંગળવાર
- વેસ્ટ ઈન્ડિઝ ચેમ્પિયન્સ વિ ઈંગ્લેન્ડ ચેમ્પિયન્સ
- સાઉથ આફ્રિકા ચેમ્પિયન્સ વિ પાકિસ્તાન ચેમ્પિયન્સ
- નોર્થમ્પ્ટનશાયર સ્ટેડિયમ
10 જુલાઈ, બુધવાર
- વેસ્ટ ઈન્ડિઝ ચેમ્પિયન્સ વિ ઓસ્ટ્રેલિયા ચેમ્પિયન્સ
- ભારત ચેમ્પિયન વિ સાઉથ આફ્રિકા ચેમ્પિયન
- નોર્થમ્પ્ટનશાયર સ્ટેડિયમ
12 જુલાઈ, બુધવાર
- પ્રથમ સેમિફાઇનલ
- બીજી સેમિફાઇનલ
- નોર્થમ્પ્ટનશાયર સ્ટેડિયમ
13 જુલાઈ, શનિવાર
- ફાઈનલ મેચ
- એજબેસ્ટન ક્રિકેટ ગ્રાઉન્ડ, બર્મિંગહામ