ટીમ ઈન્ડિયાનો સ્ટાર ઓલરાઉન્ડર રવિન્દ્ર જાડેજા (Ravindra Jadeja) એક એવો ખેલાડી છે, જે પોતાની ફિલ્ડિંગથી જ રમતને બદલી શકે છે. વિશ્વ ક્રિકેટના સર્વશ્રેષ્ઠ ફિલ્ડરોમાંના એક જાડેજાએ આ વાત ઘણી વખત સાબિત કરી છે. મેચ જીતવા માટે કેચ પકડવા જરૂરી છે. આ વાત ક્રિકેટની શરૂઆતથી આ રમતનો સૌથી મહત્વપૂર્ણ ભાગ છે. જે કહેવામાં આવ્યું છે તે સાચું જ છે. એવું જ થાય છે. એટલા માટે દરેક ટીમ પોતાની ફિલ્ડિંગ પર ખૂબ ધ્યાન આપે છે. તેમ છતાં, કેટલાક ખેલાડીઓ એવા છે, જેઓ આખી ટીમમાં ટોપર હોય છે, જેમાંનો જાડેજા છે. ઈંગ્લેન્ડ સામેની ત્રીજી વન ડે (India vs England) માં, તેણે ફરી એકવાર આ જ વાત સાબિત કરી છે, તે પણ એક જ ઓવરમાં બે વાર. તેનો બીજો કેચ એવો હતો કે તે તમને દંગ રાખી દેશે.
એક તરફ ઇંગ્લેન્ડ મુશ્કેલ તબક્કામાંથી બહાર નિકળી રહ્યુ હતુ અને જોસ બટલરની અડધી સદી થઈ ચુકી હતી. બટલરે 65 બોલમાં પોતાની અડધી સદી પુરી કરી હતી. આ દરમિયાન લિયામ લિવિંગસ્ટોન સાથે મળીને ઈંગ્લેન્ડના સ્કોર બોર્ડને આગળ વધારી રહ્યો હતો. પરંતુ 37મી ઓવરમાં હાર્દિક પંડ્યાએ પહેલા લિવિંગ સ્ટોન અને બાદમાં બટલરને પોતાની જાળમાં ફસાવ્યો હતો. જે મુજબ બટલરે ઉંચો શોટ રમ્યો હતો. જોકે તેને કેચમાં તબદીલ કરવો ફિલ્ડર માટે મુશ્કેલ હતુ. બોલ નિચે આવવાનુ સ્થળ અને ફિલ્ડરનુ સ્થાન બંને વચ્ચે ખૂબ અંતર હતુ. જોકે જાડેજાએ મહત્વની વિકેટ મળનારી હોવાની આશાએ તેણે ખૂબ જ દોટ લગાવીને કેચ ઝડપી લીધો હતો. તેના ચહેરાની ખુશી જ એ જ બતાવી રહી હતી કે વિકેટ ભારત માટે કેટલી મહત્વની છે.
A fine catch from Jadeja removes Buttler.
Scorecard/clips: https://t.co/2efir2v7RD
🏴 #ENGvIND 🇮🇳 pic.twitter.com/5zIQnQ8Nh4
— England Cricket (@englandcricket) July 17, 2022
આ જ ઓવરમાં રવિન્દ્ર જાડેજાએ વધુ એક કેચ ઝડપ્યો હતો. આ ઓવર 37મી હતી. જે ઓવરમાં બટલરની પહેલા લિયામ લિવિંગસ્ટોનનો કેચ ઝડપ્યો હતો. આમ હાર્દિકની જાળમાં પહેલા લિયામ લિવિંગ સ્ટોન ઝડપાયો હતો અને બાદમાં બટલરને ઓવરના અંતિમ બોલ પર પેવેલિયન પરત મોકલ્યો હતો. લિવિંગસ્ટોન ઓવરના ત્રીજા બોલ પર ઝડપાયો હતો.
Published On - 8:41 pm, Sun, 17 July 22