VIDEO: ટીમ ઈન્ડિયા એડિલેડથી 1100 KM દૂર પહોંચી, બીજી ટેસ્ટ પહેલા કરશે આ કામ

ભારત અને ઓસ્ટ્રેલિયા વચ્ચે એડિલેડમાં બીજી ટેસ્ટ મેચ રમાઈ રહી છે. પરંતુ પર્થથી ટેકઓફ કર્યા બાદ ટીમ ઈન્ડિયા એડિલેડ જવાને બદલે ત્યાંથી 1100 કિલોમીટર દૂર પહોંચી ગઈ હતી. BCCIએ ટીમ ઈન્ડિયાના ત્યાં પહોંચવાનો વીડિયો શેર કર્યો છે. ટીમ ઈન્ડિયા વાસ્તવમાં કેનબેરા પહોંચી ગઈ છે, જે એડિલેડથી એટલા જ અંતર પર છે. ભારતીય ટીમનું કેનબેરા પહોંચવાનું કારણ ખાસ છે, અને જો યોગ્ય રીતે આ કામ પાર પડ્યું તો ભારતીય ખેલાડીઓ ઓસ્ટ્રેલિયન પ્લેયર્સનો પસીનો છોડાવી દેશે.

ટીમ ઈન્ડિયા કેનબેરા પહોંચી

BCCIએ ભારતીય ટીમના પર્થથી ટેકઓફ કરીને કેનબેરા પહોંચવાનો વીડિયો શેર કર્યો છે. કેનબેરા પહોંચ્યા બાદ ટીમ ઈન્ડિયા ઓસ્ટ્રેલિયાના વડાપ્રધાનને પણ મળી હતી. ટીમ ઈન્ડિયા શનિવારથી કેનબેરામાં પોતાનું મિશન શરૂ કરશે, ત્યારબાદ તે ત્યાંથી એડિલેડ જશે.

ટીમ ઈન્ડિયા કેનબેરામાં પ્રેક્ટિસ મેચ રમશે

હવે સવાલ એ છે કે ટીમ ઈન્ડિયા કેનબરામાં શું કરવા જઈ રહી છે? તે ત્યાં બીજી ટેસ્ટ માટે પોતાને તૈયાર કરશે. ભારતીય ટીમ બે દિવસ સુધી પ્રેક્ટિસ મેચ રમીને આ કરશે. ડે-નાઈટ એટલે કે પિંક બોલ ટેસ્ટ ભારત અને ઓસ્ટ્રેલિયા વચ્ચે એડિલેડમાં યોજાવાની છે. તેની તૈયારી કરવા માટે, ટીમ ઈન્ડિયા સૌથી પહેલા કેનબેરા પહોંચી છે, જ્યાં તે પ્રેસિડન્ટ ઈલેવન સાથે બે દિવસીય પિંક બોલ મેચ રમશે.

ટેસ્ટ શ્રેણીમાં ભારત 1-0થી આગળ

ભારત અને ઓસ્ટ્રેલિયા વચ્ચે પ્રથમ ટેસ્ટ મેચ પર્થમાં રમાઈ હતી. તે ટેસ્ટ 295 રનથી જીતીને ભારતે સિરીઝમાં 1-0ની લીડ મેળવી લીધી છે. ભારત અને ઓસ્ટ્રેલિયા વચ્ચે 5 ટેસ્ટ શ્રેણી થવાની છે. પિંક બોલ ટેસ્ટ મેચ એડિલેડમાં 6 થી 10 ડિસેમ્બર દરમિયાન રમાશે. બુમરાહની કેપ્ટન્સીમાં ભારતે પર્થ ટેસ્ટ જીતી હતી. જ્યારે એડિલેડમાં રોહિત શર્મા કેપ્ટનશિપની બાગડોર સંભાળશે.

આ પણ વાંચો: IND vs AUS: ઓસ્ટ્રેલિયન PM ટીમ ઈન્ડિયાના ખેલાડીઓને મળ્યા, વિરાટ-રોહિત-બુમરાહ સાથે કરી વાતચીત

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો