Hardik Pandya: ટીમ ઇન્ડિયામાં પરત ફરવુ હાર્દિક પંડ્યા માટે મુશ્કેલ, BCCI અને પસંદગીકારોએ આ કારણો થી કરી દીધો બહાર

T20 વર્લ્ડ કપ 2021 (T20 World Cup 2021) માં કારમી હાર બાદ ભારતીય ટીમ (Team India) સ્વદેશ પરત ફરી છે. હવે ટીમની સામે ન્યુઝીલેન્ડ (New Zealand) T20 સિરીઝ છે, જેના માટે ટીમની પણ જાહેરાત કરવામાં આવી છે. મંગળવારે ટીમની જાહેરાત કરવામાં આવી હતી અને રોહિત શર્મા (Rohit Sharma) ના નેતૃત્વમાં ઘણા યુવા ખેલાડીઓને ટીમમાં જગ્યા મળી હતી. બીજી તરફ વિરાટ કોહલી (Virat Kohli), જસપ્રિત બુમરાહ જેવા સિનિયર ખેલાડીઓને આરામ આપવામાં આવ્યો હતો.

પરંતુ ઓલરાઉન્ડર હાર્દિક પંડ્યા (Hardik Pandya) ને આરામ આપવામાં આવ્યો નથી, પરંતુ તેને ટીમમાંથી બહાર કરી દેવામાં આવ્યો છે. એવા અહેવાલો છે કે હાર્દિક પંડ્યા લાંબા સમય સુધી ટીમ ઈન્ડિયામાં વાપસી કરી શકશે નહીં. BCCI અને ટીમ સિલેક્ટર તેનાથી નારાજ હોવાનું કહેવાય છે.

હાર્દિક પંડ્યાને ટીમ ઈન્ડિયામાંથી બહાર રાખવા પાછળનું સાચું કારણ તેની ફિટનેસ છે. બોલિંગ કરવા માટે ફિટ ન હોવા છતાં હાર્દિક પંડ્યાને T20 વર્લ્ડની પ્લેઈંગ ઈલેવનમાં પસંદ કરવામાં આવ્યો હતો. ટીમને નુકસાન થયું હતું. એવા અહેવાલો છે કે BCCI આનાથી ખૂબ નારાજ છે અને ટીમ મેનેજમેન્ટ પાસેથી આ મુદ્દે રિપોર્ટ પણ માંગવા જઈ રહ્યું છે.

પંડ્યાને ટીમમાંથી બાકાત રાખવાના મુદ્દે, એક પસંદગીકારે નામ ન આપવાની શરતે કહ્યું, ચોક્કસ રીતે હાર્દિક પંડ્યાને ટીમમાંથી બહાર કરવામાં આવ્યો છે. હવે પંડ્યાએ પોતાનું ફોર્મ અને ફિટનેસ સાબિત કરવી પડશે, તો જ તે ટીમ ઈન્ડિયામાં વાપસી કરી શકશે. બેટ્સમેન તરીકે પંડ્યા ટીમમાં ફિટ નથી. પંડ્યાને ઘરેલુ ક્રિકેટ રમવા માટે કહેવામાં આવશે, ત્યાં સારું પ્રદર્શન કર્યા બાદ જ તે ટીમ ઈન્ડિયામાં પરત ફરશે.

હાર્દિક પંડ્યાની મુશ્કેલીઓ વધી

T20 વર્લ્ડ કપમાં હાર્દિક પંડ્યા નિષ્ફળ રહ્યો હતો. તેણે દબાણમાં 4 ઓવર ફેંકી અને તે એક પણ વિકેટ મેળવી શક્યો નહીં. આ સાથે જ પંડ્યાએ પાંચ ઇનિંગ્સમાં 69 રન બનાવ્યા હતા. પંડ્યાનું ફોર્મ અને ફિટનેસ તેની બહાર થવાનું મુખ્ય કારણ બની ગયું. તમને જણાવી દઈએ કે હાર્દિક પંડ્યાનું ટીમ ઈન્ડિયામાંથી બહાર થવું તેના માટે ચિંતાનો વિષય છે.

BCCIને વેંકટેશ ઐયરના રૂપમાં તેમનો વિકલ્પ પણ મળ્યો છે. વેંકટેશ અય્યર મધ્યમ ગતિની બોલિંગ સાથે સારી બેટિંગ કરે છે. હવે જોવાનું એ રહે છે કે આ ઓલરાઉન્ડર ક્યારે ફિટનેસ હાંસલ કરે છે અને ક્યારે મેદાન પર પોતાને સાબિત કરે છે. હાર્દિક પાસે ઓછો સમય છે કારણ કે 2022નો T20 વર્લ્ડ કપ બહુ દૂર નથી.

આ પણ વાંચોઃ  ICC T20I Rankings: વિરાટ કોહલી રેન્કિંગમાં પછડાયો, કેએલ રાહુલને થયો ફાયદો, આફ્રીકન બેટસમેનોની લાંબી છલાંગ

આ પણ વાંચોઃ  Sanju Samson: સંજુ સેમસનની ટીમ ઇન્ડિયામાં પસંદગી નહી થતા ફેન્સ સોશિયલ મીડિયા પર ન્યાય માંગવા લાગ્યા, BCCI અને સિલેક્ટર પર લગાવ્યા ભેદભાવના આરોપ