IPL 2022: હાર્દિક પંડ્યા અને પૃથ્વી શોનો યો-યો ટેસ્ટ થયો, આ સ્ટાર ખેલાડી થયો ફેલ હવે તે આઇપીએલ રમી શકશે ? જાણો અહીં
હાર્દિક પંડ્યા (Hardik Pandya) ફિટનેસના કારણે લાંબા સમયથી સંઘર્ષ કરી રહ્યો છે. આ વખતે તે IPL માં ગુજરાત ટાઇટન્સ (Gujarat Titans) તરફથી રમશે અને ટીમનું સુકાન સંભાળશે.
ઈજાગ્રસ્ત ભારતીય ઓલરાઉન્ડર હાર્દિક પંડ્યા બેંગલુરુમાં નેશનલ ક્રિકેટ એકેડમી (NCA) ખાતે ફિટનેસનું મૂલ્યાંકન કરવા માટે યો-યો ટેસ્ટમાં સફળ રહ્યો હતો અને હવે ઈન્ડિયન પ્રીમિયર લીગમાં ગુજરાત ટાઈટન્સ (Gujarat Titans) નું નેતૃત્વ કરી રહ્યો છે. નેતૃત્વ કરવા માટે સંપૂર્ણપણે તૈયાર છે. . ભારતીય ક્રિકેટ કંટ્રોલ બોર્ડ (BCCI) IPL 2022 પહેલા તેના કેન્દ્રિય કરાર ધરાવતા ખેલાડીઓની ફિટનેસની તપાસ કરી રહ્યું છે અને NCA ખાતે પંડ્યાનું બે દિવસીય પ્રદર્શન ભારતીય ક્રિકેટ માટે શુભ સંકેત છે.
બીસીસીઆઈના સૂત્રોએ નામ જાહેર ન કરવાની શરતે ન્યૂઝ એજન્સી પીટીઆઈને જણાવ્યું કે, ફિટનેસ ટેસ્ટ એવા ખેલાડીઓ માટે છે જેઓ ઈજામાંથી પરત આવ્યા છે. વ્યસ્ત IPL સિઝન પહેલા ફિટનેસનું આ સામાન્ય મૂલ્યાંકન છે. તે એક મહત્વપૂર્ણ ખેલાડી છે અને તેની વર્તમાન ફિટનેસ સ્થિતિનું મૂલ્યાંકન કરવું જરૂરી છે.
પૃથ્વી શો નિષ્ફળ રહ્યો
NCA ના એક ખેલાડી વિશે પણ ખરાબ સમાચાર આવ્યા છે. મળતી માહિતી મુજબ, પોતાની વર્તમાન ફિટનેસથી નિરાશ થયેલા એક ખેલાડીનું નામ પૃથ્વી શૉ છે. પૃથ્વી શૉએ પણ યો-યો ટેસ્ટ આપ્યો હતો પરંતુ તે આ ટેસ્ટ પાસ કરી શક્યો નહોતો. યો-યો ક્વોલિફિકેશનનો વર્તમાન આંકડો 16.5 છે, જ્યારે એવું જાણવા મળ્યું છે કે ઓપનર શો આમાં માત્ર 15 જ સ્કોર કરી શક્યો છે.
શૉ હજુ સુધી કેન્દ્રિય કરાર ધરાવતા ખેલાડીઓમાં સામેલ નથી પરંતુ તે NCAમાં તેની ફિટનેસ વિશે જાણકારી આપવા માટે હતો. સૂત્રોએ કહ્યું, “તે માત્ર ફિટનેસનું મૂલ્યાંકન છે. તેનાથી પૃથ્વીને IPLમાં દિલ્હી કેપિટલ્સ તરફથી રમવાથી રોકી શકાશે નહીં.
મુંબઇ ઇન્ડિ.ન્સે રિટેન નહોતો કર્યો
પંડ્યા અત્યાર સુધી આઈપીએલમાં મુંબઈ ઈન્ડિયન્સ તરફથી રમતો હતો, પરંતુ આ વખતે પાંચ વખતના ચેમ્પિયને પંડ્યાને રિટેન નહોતો કર્યો અને આ સિઝનમાં પ્રથમ વખત આઈપીએલમાં પ્રવેશી રહેલ ગુજરાત ટાઈટન્સે તેને ખરીદ્યો હતો. પંડ્યા લાંબા સમયથી ઈજાઓથી પરેશાન છે. તે બોલિંગ કરવામાં અસમર્થ હતો. એટલા માટે ટીમ ઈન્ડિયામાં પણ તેની પસંદગી પર સવાલો ઉઠ્યા હતા. જોકે, પસંદગીકારોએ હવે સ્પષ્ટ કર્યું છે કે તેઓ પંડ્યાને ત્યારે જ ટીમમાં પસંદ કરશે જ્યારે તે બોલિંગ કરવા માટે સંપૂર્ણ રીતે ફિટ હશે. આવી સ્થિતિમાં પંડ્યા માટે આ IPL ખૂબ જ મહત્વપૂર્ણ છે.
આ પણ વાંચોઃ Womens World Cup 2022: 4 મેચ બાદ ટીમ ઇન્ડિયાની સ્થિતી મુશ્કેલ, સેમીફાઇનલમાં કેવી રીતે પહોંચી શકાશે, જાણો પુરુ ગણિત
આ પણ વાંચો: ISL: હૈદરાબાદે હારીને પણ ફાઇનલમાં બનાવ્યુ સ્થાન, પ્રથમવાર ટાઇટલ માટે જંગ ખેલશે, એટીકે મોહન બાગાનની છાવણી નિરાશ
Published On - 8:19 am, Thu, 17 March 22
