Video : ટીમ ઈન્ડિયાની જર્સી પહેરી હાથમાં બેટ સાથે હોસ્પિટલની બહાર આવ્યો વિનોદ કાંબલી, વીડિયો થયો વાયરલ

ટીમ ઈન્ડિયાના પૂર્વ ક્રિકેટર વિનોદ કાંબલી છેલ્લા કેટલાક દિવસોથી સ્વાસ્થ્ય સમસ્યાઓથી ઝઝૂમી રહ્યા છે. તાજેતરમાં કાંબલીની તબિયત અચાનક બગડી હતી. જે બાદ તેને થાણેની આકૃતિ હોસ્પિટલમાં દાખલ કરવામાં આવ્યો હતો. હાલમાં સ્વાસ્થ્યની સાથે વિનોદ કાંબલીની આર્થિક સ્થિતિ પણ સારી નથી. જોકે લગભગ 10 દિવસની સારવાર બાદ તેને રજા આપવામાં આવી છે. હાલ વિનોદ કાંબલીની હાલત સ્થિર છે. મેડિકલ રિપોર્ટમાં સામે આવ્યું છે કે કાંબલીના મગજમાં લોહીના ગઠ્ઠા હતા. હોસ્પિટલમાંથી રજા મળ્યા બાદ તેનો એક વીડિયો પણ સામે આવ્યો છે.

ટીમ ઈન્ડિયાની જર્સીમાં જોવા મળ્યો કાંબલી

વિનોદ કાંબલી ઘણી બીમારીઓથી પીડિત છે, તેમને હાર્ટ એટેક પણ આવ્યો છે. તાજેતરમાં, યુરિન ઈન્ફેક્શન પણ જોવા મળ્યું હતું, અને મગજમાં લોહીના ગંઠાવાનું પણ એકઠું થયું હતું. જોકે દસ દિવસની સારવાર બાદ તે ઘરે પરત ફર્યો હતો. પરંતુ તે બરાબર ચાલી પણ શકતો નથી. તે ટેકો લઈને ચાલતો જોવા મળ્યો હતો. કાંબલી ટીમ ઈન્ડિયાની જર્સી પહેરીને હોસ્પિટલની બહાર આવ્યો અને તેના હાથમાં બેટ પણ હતું. આ ઉપરાંત તેમણે નવા વર્ષમાં નાગરિકોએ દારૂ અને અન્ય નશાથી દૂર રહેવાનો સંદેશ આપ્યો કે, કોઈપણ વ્યસન જીવનને નષ્ટ કરી શકે છે. સાથે જ કાંબલીએ કહ્યું કે ‘હું ટૂંક સમયમાં મેદાનમાં પાછો ફરીશ.’

10 દિવસ બાદ હોસ્પિટલમાંથી મળી રજા

હાલમાં જ વિનોદ કાંબલીની એક તસવીર સોશિયલ મીડિયા પર વાયરલ થઈ હતી. આ વીડિયોમાં તે સચિન તેંડુલકર સાથે જોવા મળ્યો હતો, જેમાં તે ખૂબ જ બીમાર દેખાઈ રહ્યો હતો. ત્યારથી, તેમની સ્થિતિ વિશે ઘણી ચિંતા વ્યક્ત કરવામાં આવી હતી. દારૂની લતના કારણે વિનોદ કાંબલીની તબિયત દિવસેને દિવસે બગડી રહી છે. ગયા મહિને વિનોદ કાંબલીએ યુરિન ઈન્ફેક્શન અને ખેંચાણની ફરિયાદ કરી હતી, ત્યારબાદ તેમને હોસ્પિટલમાં દાખલ કરવામાં આવ્યા હતા. અહીં ટેસ્ટ કરાવ્યા બાદ કાંબલીના મગજમાં લોહીનો ગઠ્ઠો હોવાનું જણાયું હતું.

ડાન્સનો વીડિયો વાયરલ થયો

હાલમાં જ વિનોદ કાંબલીનો વધુ એક વીડિયો વાયરલ થયો છે. આ વીડિયોમાં તે હોસ્પિટલના રૂમમાં સ્ટાફ સાથે ડાન્સ કરી રહ્યો હતો અને જોર જોરથી ગાતો હતો. વીડિયોમાં કાંબલી શાહરૂખ ખાનની પ્રખ્યાત ફિલ્મ ચક દે ઈન્ડિયાના ટાઈટલ સોંગ પર હોસ્પિટલની મહિલા કર્મચારી સાથે ડાન્સ કરતો જોવા મળ્યો હતો.

આ પણ વાંચો: 2025માં BCCI રોહિત-વિરાટને આપશે મોટો ઝટકો? કરોડોનું થઈ શકે છે નુકસાન, આ ખેલાડીઓને થશે બમ્પર ફાયદો

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો