Women’s World Cup 2022, Final: ઈંગ્લેન્ડે 4 બોલમાં એલિસા અને રશેલના કેચ છોડી દીધા, ફાઈનલમાં જ કરી દીધી મોટી ભૂલ Video

ક્રિકેટમાં, બેટિંગ અને બોલિંગ પર ઘણી વાર ધ્યાન આપવામાં આવે છે, પરંતુ વાસ્તવિક રીતે જીતવાની ચાવી ઉત્તમ ફિલ્ડિંગ છે. જો તમારી ફિલ્ડિંગ સારી હશે તો તમે સૌથી મોટી અને અઘરી મેચો જીતી શકો છો. પરંતુ જો ફિલ્ડિંગ ખરાબ હશે તો તમારી હાર હંમેશા તમારા માથા પર લટકતી રહેશે. મહિલા વર્લ્ડ કપ ફાઈનલ (Women’s World Cup 2022, Final) માં પણ કંઈક આવું જ જોવા મળ્યું. જ્યાં ઈંગ્લેન્ડની ટીમે ખૂબ જ નબળી ફિલ્ડિંગ કરી હતી અને તેનો ફાયદો ઓસ્ટ્રેલિયાની ઓપનર રશેલ હેન્સ (Rachael Haynes) અને એલિસા હીલી (Alyssa Healy) એ ઉઠાવ્યો હતો. તમને જાણીને નવાઈ લાગશે કે આ બંને ખેલાડીઓ એક જ ઓવરમાં કેચ છૂટી ગયા, તે પણ માત્ર 4 બોલના અંતરમાં જ.

21મી ઓવરમાં ઈંગ્લેન્ડની કેપ્ટન હીથર નાઈટે મીડિયમ પેસર કેટ ક્રોસને બોલિંગ પર મૂક્યો હતો. તેને તેના પહેલા જ બોલ પર હેન્સને આઉટ કરવાની તક મળી, પરંતુ પોઈન્ટ એરિયામાં ઉભેલી ડેનિયલ વ્યાટે તેનો આસાન કેચ છોડ્યો. એ જ ઓવરના ચોથા બોલ પર ઈંગ્લેન્ડે ફરી એકવાર ભૂલ કરી. આ વખતે સિવરે ઓસ્ટ્રેલિયાની વિકેટકીપર એલિસા હીલીનો કેચ છોડ્યો હતો.

એલિસા હીલી અને હેન્સને અડધી સદી પહેલા જીવત દાન મળ્યા

તમને જણાવી દઈએ કે જ્યારે રશેલ હેન્સનો કેચ છૂટ્યો હતો, તે સમયે તે માત્ર 41 રન પર રમી રહી હતી. તે જ સમયે, રશેલ હેન્સ તેની અડધી સદીથી ત્રણ રન દૂર હતી. દાન બાદ બંને બેટ્સમેનોએ ન માત્ર અડધી સદી પૂરી કરી હતી, પરંતુ તેની સાથે હિલી અને હેન્સની જોડી પણ વર્લ્ડ કપ ફાઇનલમાં 150 રનની ભાગીદારી કરનાર પ્રથમ જોડી બની હતી. બંનેએ 160 રનની ભાગીદારી નોંધાવી હતી. ઓસ્ટ્રેલિયાની પ્રથમ વિકેટ રશેલ હેન્સ તરીકે પડી અને તેણે 68 રનની ઇનિંગ રમી.

આ પણ વાંચોઃ Sabarkantha: ચિત્ર વિચિત્ર મેળો, નામ પ્રમાણેના મેળામાં રાતભર ખુશીઓ મનાવાય અને સવારે હૈયાફાટ રુદન

આ પણ વાંચોઃ IPL 2022: કેન વિલિયમસનના કેચ આઉટનો વિવાદ વકર્યો, સનરાઈઝર્સ હૈદરાબાદે અધિકારીક રુપે ફરિયાદ નોંધાવી