ટીમ ઈન્ડિયા માટે ક્યારેય નથી રમી મેચ, હવે ફટકારી 34મી સદી, પસંદગીકારો ક્યારે આપશે તક?
દુલીપ ટ્રોફી 2024ની ચોથી મેચ ઈન્ડિયા B અને ઈન્ડિયા Cની ટીમો વચ્ચે રમાઈ રહી છે. આ મેચમાં ઈન્ડિયા Bના કેપ્ટન અભિમન્યુ ઈશ્વરનના બેટમાંથી કેપ્ટનશીપની ઈનિંગ જોવા મળી હતી. અભિમન્યુ ઈશ્વરને પોતાના ઘરેલુ કરિયરની 34મી સદી ફટકારી છે.
દુલીપ ટ્રોફી 2024ની ચોથી મેચમાં ઈન્ડિયા Bના કેપ્ટન અભિમન્યુ ઈશ્વરને શાનદાર સદી ફટકારી છે. આ એ જ અભિમન્યુ ઈશ્વરન છે જે ડોમેસ્ટિક ક્રિકેટમાં બંગાળ માટે રમે છે અને ઘણી વખત ભારતીય ટેસ્ટ ટીમમાં પસંદગી પામ્યો છે. પરંતુ તેને ક્યારેય ડેબ્યૂ કરવાની તક મળી નથી. અભિમન્યુ ઈશ્વરને ફરી એકવાર પોતાની બેટિંગથી બધાનું ધ્યાન ખેંચ્યું છે. તેની ટીમમાં મુશીર ખાન, સરફરાઝ ખાન, રિંકુ સિંહ અને નીતિશ રેડ્ડી જેવા સ્ટાર ખેલાડીઓ છે. આ બધાની વચ્ચે તેણે ફરી એકવાર પોતાની છાપ છોડી છે.
અભિમન્યુ ઈશ્વરને 34મી સદી ફટકારી
અભિમન્યુ ઈશ્વરને આ મેચમાં ઈન્ડિયા C ટીમ સામે શાનદાર પ્રદર્શન કર્યું હતું. મેચમાં પ્રથમ બેટિંગ કરતા ઈન્ડિયા Cએ 525 રન બનાવ્યા હતા. આવી સ્થિતિમાં ટીમ માટે સારી શરૂઆતની જરૂર હતી. આ અવસર પર અભિમન્યુ ઈશ્વરને કેપ્ટન ઈનિંગ રમી છે. તેણે 175 બોલમાં પોતાની સદી પૂરી કરી હતી. ત્રીજા દિવસની રમત પૂરી થઈ ત્યાં સુધી ઈશ્વરન 262 બોલમાં 143 અણનમ રન બનાવ્યા હતા. ડોમેસ્ટિક ક્રિકેટમાં અભિમન્યુ ઈશ્વરની આ 34મી સદી છે. તેણે ઘણા પ્રસંગો પર મહત્વપૂર્ણ ઈનિંગ્સ રમી છે, પરંતુ તે હજી પણ ટીમ ઈન્ડિયા માટે ડેબ્યૂ કરવાની રાહ જોઈ રહ્યો છે.
ડોમેસ્ટિક ક્રિકેટમાં મજબૂત પ્રદર્શન
અભિમન્યુ ઈશ્વરને છેલ્લા કેટલાક વર્ષોમાં ખૂબ જ સારું પ્રદર્શન કર્યું છે. અત્યાર સુધીમાં તેણે 96 ફર્સ્ટ ક્લાસ મેચ, 88 લિસ્ટ A મેચ અને 34 T20 મેચ રમી છે. તેની ફર્સ્ટ ક્લાસ કારકિર્દીમાં તેણે 47 થી વધુની એવરેજથી રન બનાવ્યા છે. તેણે અત્યાર સુધીમાં 7000થી વધુ રન બનાવ્યા છે, જેમાં 29 અડધી સદી અને 24 સદી સામેલ છે. જ્યારે લિસ્ટ A માં, તેણે 47.49 ની એવરેજ અને 9 સદીની મદદથી 3847 રન બનાવ્યા છે. T20ની વાત કરીએ તો તેણે 37.53ની એવરેજ અને 1 સદીની મદદથી 976 રન બનાવ્યા છે. છેલ્લી વખત વર્ષ 2022માં બાંગ્લાદેશ પ્રવાસ પર ભારતીય ટેસ્ટ ટીમમાં તેની પસંદગી કરવામાં આવી હતી. પરંતુ તેને ડેબ્યૂ કરવાની તક મળી ન હતી. ત્યારે તેને રિપ્લેસમેન્ટ તરીકે ટીમમાં સામેલ કરવામાં આવ્યો હતો.
– 95 FC Match.
– 7000+ runs.
– 48+ average.
– 24 Hundreds.
– 29 Fifties.Abhimanyu Easwaran has been just phenomenal in First Class & domestic cricket in last 4-5 years. Whether he gets selected in Indian team or not but he’s just doing his work with honesty – What a player. pic.twitter.com/jehSMH6CED
— Tanuj Singh (@ImTanujSingh) September 14, 2024
સ્ટાર બેટ્સમેનો ફ્લોપ રહ્યા
અભિમન્યુ ઈશ્વરન સિવાય ટીમના ઘણા સ્ટાર બેટ્સમેન ફ્લોપ રહ્યા હતા. મુશીર ખાન 15 બોલમાં માત્ર 1 રન બનાવી શક્યો હતો, જ્યારે તેનો ભાઈ સરફરાઝ ખાન 55 બોલમાં 16 રન બનાવીને આઉટ થયો હતો. પ્રથમ દાવ પણ રિંકુ સિંહ માટે કંઈ ખાસ ન હતો, તેણે 16 બોલમાં 6 રન બનાવીને પોતાની વિકેટ ગુમાવી દીધી હતી. બીજી તરફ નીતીશ રેડ્ડી પણ 11 બોલમાં 2 રન બનાવીને પેવેલિયન પરત ફર્યો હતો.
આ પણ વાંચો: IND vs BAN: 1300 દિવસની રાહ પૂરી થશે! ચેન્નાઈ ટેસ્ટ આ ખેલાડી માટે રહેશે ખાસ