Breaking News: ટીમ ઈન્ડિયાએ છેલ્લા 3 વર્ષથી તક ન આપી, હવે આ દેશમાં રમવા પહોંચી ગયો ચહલ
ભારતીય ટીમમાં લાંબા સમયથી સ્થાન ન મળ્યા બાદ યુઝવેન્દ્ર ચહલ ફરી એકવાર ઈંગ્લેન્ડમાં કાઉન્ટી ક્રિકેટ રમવા તૈયાર છે. અનુભવી લેગ-સ્પિનરને નોર્થમ્પ્ટનશાયરે 2026 સિઝન માટે ટીમમાં સામેલ કર્યો છે. ચહલ કાઉન્ટી ચેમ્પિયનશિપ અને વન-ડે કપ બંનેમાં રમશે. પોતાના અનુભવ અને પ્રદર્શનથી તે ફરી ભારતીય પસંદગીકારોનું ધ્યાન ખેંચવાનો પ્રયાસ કરશે.
સ્ટાર ભારતીય લેગ-સ્પિનર યુઝવેન્દ્ર ચહલ છેલ્લા કેટલાક સમયથી આંતરરાષ્ટ્રીય ક્રિકેટમાં સતત અવગણનાનો સામનો કરી રહ્યા છે. ચહલ છેલ્લે 2023 માં ભારતીય જર્સીમાં રમ્યો હતો. જોકે તે 2024 માં T20 વર્લ્ડ કપ જીતનાર ભારતીય ટીમનો ભાગ હતો, પરંતુ તેને સમગ્ર ટુર્નામેન્ટ દરમિયાન એક પણ મેચ રમવાની તક મળી ન હતી. ટીમ ઈન્ડિયામાં તક ન મળવા છતાં, ચહલે હાર માની નથી અને મેદાન પર પોતાનો સ્પિન જાદુ ફેલાવવા માટે સંપૂર્ણપણે તૈયાર છે.
ચહલ ઈંગ્લેન્ડમાં કાઉન્ટી ક્રિકેટમાં રમશે
યુઝવેન્દ્ર ચહલ હવે ઈંગ્લેન્ડમાં 2026 કાઉન્ટી ક્રિકેટ સિઝનના બીજા ભાગમાં નોર્થમ્પ્ટનશાયર કાઉન્ટી ક્રિકેટ ક્લબમાં જોડાયો છે. ચહલ ક્લબ કલ્ચરથી અજાણ્યો નથી. તે અગાઉ 2024 અને 2025 ની સ્થાનિક સિઝનમાં નોર્થમ્પ્ટનશાયર માટે થોડા સમય માટે રમ્યો હતો. હવે, તે 2026 માં ફરીથી ટીમ માટે રમતા જોવા મળશે. આ વખતે, ચહલ કાઉન્ટી ચેમ્પિયનશિપ અને વન-ડે કપ બંને ફોર્મેટમાં ટીમ માટે પસંદગી માટે ઉપલબ્ધ રહેશે. વન-ડે કપ 21 જુલાઈથી શરૂ થશે.
Yuzi is back in Northamptonshire colours! ✨
The leg-spinner returns to the club and gets to work in the nets. #YuzvendraChahal #CountyCricket #Sportskeeda pic.twitter.com/pWAUCvpxvk
— Sportskeeda (@Sportskeeda) July 20, 2026
નોર્થમ્પ્ટનશાયર ચહલની ત્રીજી ઈનિંગ
ઈંગ્લેન્ડની પિચો પર જ્યાં સામાન્ય રીતે ઝડપી બોલરોનું વર્ચસ્વ હોય છે, યુઝવેન્દ્ર ચહલે તેના સ્પિન બોલિંગથી બેટ્સમેનોને મુશ્કેલીમાં મુક્યા છે. નોર્થમ્પ્ટનશાયર માટે રમતા ચહલે તેના છેલ્લા બે કાઉન્ટી ચેમ્પિયનશિપ ટૂરમાં કાઉન્ટી ગ્રાઉન્ડ પર અસાધારણ રીતે સારું પ્રદર્શન કર્યું છે અને કુલ 31 વિકેટ લીધી છે. તેના પ્રભાવશાળી ટ્રેક રેકોર્ડને જોતાં ક્લબે ફરી એકવાર તેના પર વિશ્વાસ મૂક્યો છે.
ચહલનો અનુભવ ફાયદાકારક રહેશે
35 વર્ષીય યુઝવેન્દ્ર ચહલ પાસે આંતરરાષ્ટ્રીય ક્રિકેટનો લાંબો અને ખૂબ જ સફળ અનુભવ છે. તેણે લગભગ સાત વર્ષના આંતરરાષ્ટ્રીય કારકિર્દીમાં ભારત માટે ODI અને T20 બંને ફોર્મેટમાં 217 વિકેટ લીધી છે. ચહલનો અનુભવ અને પ્રભાવશાળી પ્રદર્શન 2026ની સિઝનમાં ટીમના અન્ય બોલરો અને યુવા ખેલાડીઓ માટે ખૂબ મદદરૂપ થઈ શકે છે. ચહલનો ધ્યેય આગામી મેચોમાં પોતાના પ્રભાવશાળી પ્રદર્શનથી ફરી એકવાર પસંદગીકારોનું ધ્યાન આકર્ષિત કરવાનો રહેશે.
Breaking News: રણજી ટ્રોફીથી SMAT સુધી ભારતીય ક્રિકેટમાં મોટો ફેરફાર, BCCIએ લાગુ કર્યા નવા નિયમ
Published On - 9:49 pm, Mon, 20 July 26
