Breaking News: રાહુલ દ્રવિડના પુત્રની ટીમ ઈન્ડિયામાં એન્ટ્રી, શ્રીલંકા પ્રવાસમાં બતાવશે તાકાત

રાહુલ દ્રવિડના નાના પુત્ર અન્વય દ્રવિડને ભારતીય અંડર-19 ટીમમાં સામેલ કરવામાં આવ્યો છે. શ્રીલંકા પ્રવાસ માટે તેને ભારતની ODI ટીમમાં પસંદગી કરવામાં આવી છે. અન્વય દ્રવિડ હવે તેના પિતાની જેમ ભારતીય જર્સીમાં રમતો જોવા મળશે.

Rahul Dravid & son AnvayImage Credit source: X

Smit Chauhan | Updated on: Jun 11, 2026 | 5:31 PM

ભારતીય ક્રિકેટ કંટ્રોલ બોર્ડ (BCCI) ની જુનિયર ક્રિકેટ પસંદગી સમિતિએ શ્રીલંકા પ્રવાસ માટે ભારતની અંડર-19 ટીમની જાહેરાત કરી છે. આ ટીમ પસંદગી સાથે જોડાયેલા સૌથી મોટા અને રસપ્રદ સમાચાર એ છે કે ભૂતપૂર્વ ભારતીય કેપ્ટન અને દિગ્ગજ બેટ્સમેન રાહુલ દ્રવિડના નાના પુત્ર અન્વય દ્રવિડને પહેલીવાર ભારતીય ટીમમાં સામેલ કરવામાં આવ્યો છે. 17 વર્ષનો અન્વય દ્રવિડ હવે તેના પિતાની જેમ ભારતીય જર્સીમાં રમતો જોવા મળશે.

દ્રવિડના દીકરાને મળી મોટી તક

ભારતીય ટીમનો શ્રીલંકા પ્રવાસ 4 જુલાઈથી હંબનટોટામાં શરૂ થઈ રહ્યો છે, જ્યાં ટીમ ત્રણ ODI અને બે મલ્ટી-ડે મેચ રમશે. અન્વયને વિકેટકીપર તરીકે 15 સભ્યોની ODI ટીમમાં સામેલ કરવામાં આવ્યો છે. અન્વય દ્રવિડે ઘરેલું ક્રિકેટની એજ ગ્રુપ ટૂર્નામેન્ટમાં સતત શાનદાર પ્રદર્શન કર્યું છે, જેના કારણે તેણે પસંદગીકારોનું ધ્યાન આકર્ષિત કર્યું. આ સાથે જ મધ્યપ્રદેશના યશવર્ધન સિંહ ચૌહાણને ટીમનો કેપ્ટન બનાવવામાં આવ્યો છે. આ સિવાય લક્ષ્ય રાયચંદાનીને વાઈસ કેપ્ટન બનાવવામાં આવ્યો છે.

The Dravid Legacy continues to thrive in Indian Cricket!

Rahul Dravid’s younger son, Anvay Dravid, has earned his maiden India U19 call-up for the upcoming One-Day tour of Sri Lanka.

After elder brother Samit’s selection in 2024 (unfortuntely cut short by injury), the… pic.twitter.com/3pAFsnJB2V

— Hemant Bhavsar (@hemantbhavsar86) June 11, 2026

અન્વય દ્રવિડની કારકિર્દી

અન્વય દ્રવિડે વિનુ માંકડ ટ્રોફીમાં કર્ણાટક અંડર-19 ટીમનું નેતૃત્વ કર્યું ત્યારે તે હેડલાઇન્સમાં ચમક્યો હતો. તેણે પોતાની ટીમને ક્વાર્ટર ફાઇનલ સુધી પહોંચાડી. તેણે છ ઇનિંગ્સમાં 220 રન બનાવીને મધ્યમ ક્રમમાં મુખ્ય ભૂમિકા ભજવી. હિમાચલ પ્રદેશ સામેની મહત્વપૂર્ણ રન-ચેઝ દરમિયાન અન્વયે શાનદાર અણનમ 82 રન બનાવીને પોતાની ટીમને વિજય અપાવ્યો. તેણે અગાઉ અંડર-16 વિજય મર્ચન્ટ ટ્રોફીમાં શાનદાર સદી ફટકારી હતી.

ભારતની અંડર-19 ODI ટીમ

સાગર વિર્ક, લક્ષ્ય રાયચંદાની (વાઈસ-કેપ્ટન), યશબર્ધન સિંહ ચૌહાણ (કેપ્ટન), વિનીત વીકે, અર્જુન રાજપૂત, કુશાગ્ર ઓઝા, રજત બઘેલ (વિકેટકીપર), અન્વય દ્રવિડ (વિકેટકીપર), અનમોલજીત સિંહ, વુટકુરી યશવીર ગૌર, રોહિત અનિલ યાદવ, શવિન વી, કાવ્યા પરેશ પટેલ, મોહિત ઉલવા, ઈશાન સૂદ.

News

India Men’s U19 squads for Sri Lanka series announced.

More Details https://t.co/tGJ7FRywxK

— BCCI (@BCCI) June 11, 2026

ભારતની અંડર-19 મલ્ટી-ડે ટીમ

સાગર વિર્ક, લક્ષ્ય રાયચંદાની (વાઈસ-કેપ્ટન), યશવર્ધન સિંહ ચૌહાણ (કેપ્ટન), પટેલ કુશ, મનલ ચૌહાણ, કુશાગ્ર ઓઝા, માનવ ક્રિષ્ના (વિકેટકીપર), આર્યન સંદેશ સકપાલ (વિકેટકીપર), હેમચુડેસન જે, બીકે કિશોર, રોહિત અનિલ યાદવ, કાવ્યા પરેશ પટેલ, પ્રિયાંશુ સિંહ, પ્રણવ રાઘવેન્દ્ર, ચિગુરુપતિ વેંકટ.