BCCIએ અનુષ્કા શર્માને બનાવી કેપ્ટન, ઓલ-ફોર્મેટ શ્રેણી માટે ઈન્ડિયા A ટીમની જાહેરાત કરી
ભારતીય મહિલા ક્રિકેટમાં યુવા ખેલાડીઓને તક આપવાના હેતુથી BCCIએ ઈંગ્લેન્ડ A સામે રમાનારી ઓલ-ફોર્મેટ શ્રેણી માટે ઈન્ડિયા A ટીમની જાહેરાત કરી છે. આ શ્રેણીમાં ત્રણ T20, ત્રણ વનડે અને એક ચાર દિવસીય મેચ રમાશે. અનુષ્કા શર્માને T20 અને વનડે ટીમની કમાન સોંપવામાં આવી છે, જ્યારે મિન્નુ મણિ ચાર દિવસીય મેચમાં ટીમનું નેતૃત્વ કરશે.
ભારતીય મહિલા પસંદગી સમિતિએ ઇંગ્લેન્ડ A મહિલા ટીમ સામે આગામી ઘરઆંગણે રમાનારી ઓલ-ફોર્મેટ શ્રેણી માટે ઈન્ડિયા A ટીમોની જાહેરાત કરી છે. આ પ્રવાસમાં ત્રણ T20I, ત્રણ ODI અને એક ચાર દિવસીય મલ્ટી-ડે મેચ રમાશે. યુવા બેટ્સમેન અનુષ્કા શર્માને T20I અને ODI શ્રેણી માટે ટીમની કેપ્ટનશીપ સોંપવામાં આવી છે, જ્યારે ઓલરાઉન્ડર મિન્નુ મણિ ઉપ-કેપ્ટન રહેશે. મિન્નુ મણિ પ્રવાસના એકમાત્ર મલ્ટી-ડે મેચમાં ઇન્ડિયા A ટીમનું નેતૃત્વ કરશે, જેમાં તેજલ હસાબનીસ ઉપ-કેપ્ટન હશે.
પુણે અને મુંબઈ મેચોનું આયોજન કરશે
આ આખી શ્રેણી મહારાષ્ટ્રના બે મુખ્ય આંતરરાષ્ટ્રીય ક્રિકેટ સ્ટેડિયમમાં યોજાશે. ત્રણેય T20 મેચ 30 નવેમ્બરથી 5 ડિસેમ્બર, 2026 દરમિયાન પુણેના મહારાષ્ટ્ર ક્રિકેટ એસોસિએશન (MCA) સ્ટેડિયમ ખાતે રમાશે. પહેલી T20 બપોરે 1:00 વાગ્યે શરૂ થશે, જ્યારે બીજી અને ત્રીજી મેચ સાંજે 6:00 વાગ્યે ફ્લડલાઇટ્સ હેઠળ રમાશે.
વાનખેડે સ્ટેડિયમમાં રમાશે મેચ
મુંબઈના વાનખેડે સ્ટેડિયમમાં ODI અને મલ્ટી-ડે મેચ બંને રમાશે. ત્રણ મેચની ODI શ્રેણી 8 થી 14 ડિસેમ્બર દરમિયાન રમાશે, ત્યારબાદ 19 ડિસેમ્બરે એકમાત્ર મલ્ટી-ડે મેચ રમાશે.
BCCIએ અનુષ્કા શર્માને બનાવી કેપ્ટન, ઓલ-ફોર્મેટ શ્રેણી માટે ઈન્ડિયા A ટીમની જાહેરાત કરી
#Cricket #TeamIndia #IndiaA #AnushkaSharma
BCCIએ અનુષ્કા શર્માને બનાવી કેપ્ટન, ઓલ-ફોર્મેટ શ્રેણી માટે ઈન્ડિયા A ટીમની જાહેરાત કરી
ત્રણેય ફોર્મેટ માટે પસંદ કરાયેલી ટીમો
ઈન્ડિયા A T20I ટીમ
અનુષ્કા શર્મા (કેપ્ટન), મિનુ મણિ (વાઈસ-કેપ્ટન), વૃંદા દિનેશ, તનિષા સિંહ, સાનિકા ચાલકે, નિકી પ્રસાદ, જી કમલિની (વિકેટકીપર), શિપ્રા ગિરી (વિકેટકીપર), અમનજોત કૌર, શ્રેયંકા પાટિલ, વૈષ્ણવી શર્મા, પ્રેમા રાવત, સાયમા ઠાકોર, મોનિકા પટેલ, કાશવી ગૌતમ.
ઈન્ડિયા A ODI ટીમ
અનુષ્કા શર્મા (કેપ્ટન), મિન્નુ મણિ (વાઈસ-કેપ્ટન), વૃંદા દિનેશ, તનિષા સિંહ, પ્રિયા પુનિયા, નિકી પ્રસાદ, જી કમલિની (વિકેટકીપર), શિપ્રા ગિરી (વિકેટકીપર), તેજલ હસબનીસ, શ્રેયંકા પાટીલ, અમીષા બહુખંડી, શબનમ શકીલ, સાયમા ઠાકોર, અક્ષિતા ભગત, કાશવી ગૌતમ.
ઈન્ડિયા A મલ્ટી-ડે સ્ક્વોડ
મિન્નુ મણિ (કેપ્ટન), તેજલ હસબનીસ (વાઈસ-કેપ્ટન), શુભા સતીશ, પ્રિયા પુનિયા, તનિષા સિંઘ, પૂર્વજા વર્લેકર, હેનરીએટા પરેરા, શિપ્રા ગિરી (વિકેટકીપર), ઉમા છેત્રી (વિકેટકીપર), શ્રેયંકા પાટિલ, સાયમા ઠાકોર, અક્ષિતા ભગત, અમિષા બહુખંડી, હેપ્પી કુમારી, શબનમ શકીલ.
IND vs NZ: ત્રીજી મેચ રદ થઈ, હવે ચોથી મેચનું શું થશે? માઉન્ટ મૌંગાનુઈમાં આવું રહેશે હવામાન
Published On - 7:39 pm, Wed, 11 November 26
