Breaking News : જીત બાદ નાઈટક્લબમાં કર્યો ઝઘડો, આ વિવાદે કેપ્ટન અને ખેલાડીની ચિંતા વધારી

ન્યુઝીલેન્ડ વિરુદ્ધ લોર્ડર્સ ટેસ્ટ મેચમાં શાનદાર જીત પછી થોડા જ કલાકોમાં ઈંગ્લેન્ડની ક્રિકેટ ટીમ એક નવા વિવાદમાં ફસાય છે. ટીમના કેપ્ટન બેન સ્ટોક્સ અને ફાસ્ટ બોલર ગસ એટકિસન પર ઈંગ્લેન્ડ ક્રિકેટ બોર્ડે તપાસ શરુ કરી છે.બંન્ને ખેલાડી સોમવારના રોજ એક નાઈટ ક્લબમાં જોવા મળ્યા હતા. અહી એક ઘટના બની હતી. જેમણે ઈસીબીએ ટીમના પ્રોટોકોલનું ઉલ્લંધન માન્યું છે.

ઈસીબીએ તપાસ શરુ કરી

ESPN-Cricinfoના રિપોર્ટ મુજબ, ECB એ તેના સત્તાવાર નિવેદનમાં જણાવ્યું હતું કે પ્રથમ ટેસ્ટના અંત પછી ટીમ પ્રોટોકોલના ભંગની તપાસ કરવામાં આવી રહી છે. બોર્ડે પુષ્ટિ કરી છે કે, પ્રતિબંધ સ્ટોકસ અને ગસ એટકિસન તે સમયે નાઈટક્લબમાં હાજર હતા. જ્યાં આ ઘટના બની હતી. આ સમગ્ર મામલાની જાણકારી ક્રિકેટ રેગુલેટરને પણ આપવામાં આવી છે. તેમજ આગળની તપાસ શરુ છે. રિપો્ર્ટ મુજબ આ ઘટના એક વિવાદ બાદ થઈ જેમાં ગસ એટકિસન અને એક એકેડમીના ખેલાડીઓ વચ્ચે ઝઘડો થયો હતો. પરંતુ કોઈ ખેલાડી ઈજાગ્રસ્ત થયું હોવાની વિગતે સામે આવી નથી.

તપાસ પૂર્ણ થયા પછી બંન્ને ખેલાડીઓને 17 જૂનથી ઓવરમાં શરુ થાનારી બીજી ટેસ્ટ મેચમાં રમવાની તક મળશે નહી તેવી શક્યતાઓ છે. જો સ્ટોક્સ ટીમમાંથી બહાર થાય છે. તો વાઈસકેપ્ટન હૈરી બ્રુક ઈંગ્લેન્ડની કમાન સંભાળી શકે છે. મીડિયા રિપોર્ટ મુજબ આ સમગ્ર મામલો એટલો ગંભીર માનવામાં આવી રહ્યો છે કે, સ્ટકોસ પોતાની કેપ્ટનશીપને લઈ વિચાર કરી રહ્યો છે.જોકે, આ સંદર્ભમાં ECB દ્વારા હજુ સુધી કોઈ સત્તાવાર પુષ્ટિ કરવામાં આવી નથી.

પહેલા પણ વિવાદમાં રહી ચૂક્યો છે સ્ટોકસ

બેન સ્ટોક્સના કરિયર મેદાનની અંદર જેટલું શાનદાર રહ્યું છે. તેટલું મેદાનની બહાર પણ વિવાદો સાથે જોડાયેલું છે 2017માં એક વનડે મેચ દરમિયાન મોડી રાત્રે રસ્તા પર મારપીટની ઘટના બની હતી. જોકે પાછળથી તેમને કાનૂની રાહત મળી, પરંતુ ECB એ તેમને દંડ ફટકાર્યો.

ઇંગ્લેન્ડના ઓસ્ટ્રેલિયા પ્રવાસની પણ તેમના ખેલાડીઓના વર્તન માટે નોંધપાત્ર ટીકા થઈ હતી. આ પછી, ટીમ મેનેજમેન્ટે ખેલાડીઓ અને સપોર્ટ સ્ટાફ માટે મધ્યરાત્રિ કર્ફ્યુ લાદ્યો હતો. તાજેતરના મહિનાઓમાં હેરી બ્રુક, જેકબ બેથેલ અને બેન ડકેટ જેવા ખેલાડીઓ સાથે સંકળાયેલા વિવાદો પણ સામે આવ્યા છે, જેનાથી ટીમ સંસ્કૃતિ અને શિસ્ત પર પ્રશ્નો ઉભા થયા છે.

ક્રિકેટ એ વિશ્વની સૌથી લોકપ્રિય રમતોમાંની એક છે. આ રમત ત્રણ ફોર્મેટમાં રમાય છે, જેમાંથી સૌથી લાંબુ ફોર્મેટ ટેસ્ટ ક્રિકેટ છે. વધુ સમાચાર માટે અહી ક્લિક કરો