વિવાદોનો પર્યાય અને સિદ્ધિઓથી ભરેલી કારકિર્દી.. ઈંગ્લિશ ટીમના આ દિગ્ગજ ક્રિકેટરની અચાનક નિવૃતિથી ક્રિકેટ જગત સ્તબ્ધ
આધુનિક ક્રિકેટના સૌથી પ્રભાવશાળી ખેલાડી બેન સ્ટોક્સની સફર વિજય, વિવાદો અને માનસિક સંઘર્ષથી ભરેલી રહી. 2019ના વર્લ્ડ કપ અને હેડિંગ્લે ટેસ્ટ જેવી ઐતિહાસિક જીતોના હીરો હોવા છતાં, બ્રિસ્ટલ વિવાદ અને માનસિક સ્વાસ્થ્યના પડકારોનો તેણે સામનો કર્યો. તેની પ્રામાણિકતા અને મેદાન પરના પર્ફોર્મેન્સથી તે સાચા અર્થમાં અસાધારણ ઓલરાઉન્ડર બનીને નિખર્યો છે.
આધુનિક ક્રિકેટમાં જો એવા ખેલાડીઓની યાદી બનાવવામાં આવે જેમણે એકલા હાથે પોતાના દમ પર મેચને પલટી નાખી હોય તો તેમા બેન સ્ટોક્સનું નામ સૌથી ઉપર રહેશે. 2019ના વર્લ્ડ કપ ફાઈનલની ઐતિહાસિક જીત હોય કે હેડિંગ્લે ટેસ્ટમાં ઓસ્ટ્રેલિયા સામે ચમત્કારિક જીત કે બેઝબોલ યુગમાં ઈંગલેન્ડની આક્રમક ટેસ્ટ ક્રિકેટ, સ્ટોક્સે દરેક વખતે સાબિત કર્યુ છે કે પ્રેશર ગમે તેટલુ કેમ ન હોય, તેની રમત વધુ નિખરીને બહાર આવશે. પરંતુ સ્ટોક્સની ક્રિકેટ કેરિયર તેની પ્રતિભા ઉપરાંત વિવાદો, માનસિક સંઘર્ષ, ડિસિપ્લીન સંબંધી સવાલો સહિત અનેક કઠિન સમયમાંથી પસાર થઈ. આ જ કારણ છે કે તેને ક્રિકેટનો સૌથી જટિલ અને પ્રભાવશાળી કિરદાર માનવામાં આવે છે. મેદાન પર બેમિસાલ, મેદાન બહાર વિવાદોમાં ઘેરાયેલો રહ્યો સ્ટોક્સ ન્યુઝીલેન્ડના ક્રાઈસ્ટ ચર્ચ માં જન્મેલ સ્ટોક્સનું ફેમિલી તે બહુ નાનો હતો ત્યારથી ઈંગ્લેન્ડમાં શિફ્ટ થઈ ગયુ. ડાબા હાથે તોફાની બેટીંગ અને જમણા હાથના ફાસ્ટ બોલર ના રૂપે સ્ટોક્સે બહુ જલદી અલગ જ ઓળખ બનાવી લીધી. પરંતુ તેની કરિયરનો બીજો હિસ્સો હંમેશા વિવાદોમાં જોડાયેલો...
Published On - 9:13 pm, Mon, 29 June 26
