ઓસ્ટ્રેલિયન ક્રિકેટના સૌથી મોટા વિવાદ, 2018 ના બોલ ટેમ્પરિંગ કૌભાંડની આગ ફરી એકવાર ભડકી ઉઠી છે. ઉસ્માન ખ્વાજાની આત્મકથા ‘સબર’ અને ટેસ્ટ કેપ્ટન પેટ કમિન્સની મેરેથોન પ્રેસ કોન્ફરન્સમાં થયેલા ખુલાસા બાદ, હવે ભૂતપૂર્વ ઓપનર ડેવિડ વોર્નરે ક્રિકેટ ઓસ્ટ્રેલિયાને સીધા જ કઠેડામાં ઉભું કરી દીધું છે.

બોલ ટેમ્પરિંગ કૌભાંડ

2018 ની તપાસને છુપાવવાનો બોર્ડ પર ગંભીર આરોપ લગાવતા, વોર્નરે કહ્યું કે બોર્ડે પહેલાથી જ નક્કી કરી લીધું હતું કે કોને બલિનો બકરો બનાવવામાં આવશે. શનિવારે સોશિયલ મીડિયા પ્લેટફોર્મ ઇન્સ્ટાગ્રામ પર એક પોસ્ટ શેર કરતા, વોર્નરે દાવો કર્યો હતો કે કેપટાઉન ટેસ્ટ પછી હાથ ધરવામાં આવેલી તપાસમાં, ક્રિકેટ ઓસ્ટ્રેલિયાએ મુખ્ય બોલરો જોશ હેઝલવુડ, મિશેલ સ્ટાર્ક અને નાથન લિયોન પર પૂછપરછ કરી ન હતી.

ડેવિડ વોર્નરે ગંભીર આરોપ લગાવ્યા

2018ના કેપટાઉન ટેસ્ટ વિવાદ બાદ એક વર્ષનો પ્રતિબંધ ભોગવનારા ડેવિડ વોર્નરે બોર્ડની તપાસ પ્રક્રિયાની નિષ્પક્ષતા પર તીવ્ર પ્રશ્ન ઉઠાવ્યો હતો. એક ઇન્સ્ટાગ્રામ પોસ્ટમાં, તેમણે લખ્યું, “જ્યાં સુધી હું જાણું છું, ક્રિકેટ ઓસ્ટ્રેલિયાએ 2018ની તેમની તપાસમાં જોશ હેઝલવુડ, મિશેલ સ્ટાર્ક અથવા નાથન લિયોનનો ઇન્ટરવ્યુ લીધો ન હતો. જો આ સાચું હોય, તો ઓસ્ટ્રેલિયન ક્રિકેટ કેવી રીતે આગ્રહ કરી શકે છે કે બોલરો આ વાતથી અજાણ હતા?”

શરૂઆતથી જ નક્કી હતું કે કોને દોષ આપવો

ડેવિડ વોર્નરે આગળ લખ્યું, “એવું લાગે છે કે તેઓએ શરૂઆતથી જ નક્કી કરી લીધું હતું કે કોને દોષ આપવો, તેમના ઉદ્દેશ્યને પ્રાપ્ત કરવા માટે નબળી તપાસ હાથ ધરી હતી, અને હવે તેઓ ખોટા કથનને ચાલુ રાખવા માંગે છે કે બોલરો અજાણ હતા. આ સંપૂર્ણ રીતે ઢાંકપીછોડો કરવાની ગંધ આપે છે.”

વોર્નર પેટ કમિન્સ પર ગુસ્સે થયો

શુક્રવારે સિડનીમાં ટેસ્ટ કેપ્ટન પેટ કમિન્સની પ્રેસ કોન્ફરન્સના એક દિવસ પછી જ વોર્નરનું આ નિવેદન આવ્યું છે, જ્યાં તેણે ખ્વાજાના પુસ્તકમાં જણાવેલા આરોપોને “100% ખોટા અને બકવાસ” ગણાવીને ફગાવી દીધા હતા કે આખી ટીમ સેન્ડપેપરના ઉપયોગથી વાકેફ હતી. શુક્રવારે બપોરે, વોર્નરે કમિન્સના નિવેદન પ્રત્યે નારાજગી વ્યક્ત કરતા કહ્યું કે તેને લાગે છે કે કેપ્ટને ઉસ્માન ખ્વાજાને મૂંઝવણમાં મૂકી દીધો છે.

6 ચોગ્ગા અને 5 છગ્ગા… સૂર્યકુમાર યાદવની તોફાની વાપસી, માત્ર 15 બોલમાં ફટકારી અડધી સદી