Ashes 2021: જો રુટને કેપ્ટન પદે થી આ ઓસ્ટ્રેલિયાના પૂર્વ દિગ્ગજે હટાવવાનુ કહી નિશાન સાધ્યુ, કહ્યુ બેન સ્ટોકને ઇંગ્લેન્ડનો સુકાની બનાવવા માંગ કરી

ઈંગ્લેન્ડની ક્રિકેટ ટીમ (England Cricket Team) અત્યારે ખરાબ તબક્કામાંથી પસાર થઈ રહી છે. ઓસ્ટ્રેલિયા સાથે રમાઈ રહેલી એશિઝ શ્રેણી (Ashes series) માં તેની હાલત ખરાબ છે. શ્રેણીમાં અત્યાર સુધીમાં બે મેચ રમાઈ છે અને બંનેમાં ટીમનો પરાજય થયો છે. હાર કરતાં પણ વધુ મુશ્કેલી ઈંગ્લેન્ડનું પ્રદર્શન રહ્યું છે. ટીમ હજુ સુધી ઓસ્ટ્રેલિયાને ટક્કર આપતી જોવા મળી નથી. ટીમના કેપ્ટન જો રૂટ (Joe Root) અને ડેવિડ મલાન (Dawid Malan) સિવાય અન્ય કોઈ બેટ્સમેન રન બનાવી શક્યો નથી. સાથે જ બોલિંગ પણ સંપૂર્ણ ફ્લોપ રહી છે. આ પછી ઈંગ્લેન્ડની ટીમ ટીકાઓનો શિકાર બની રહી છે.

ટીમ સિલેક્શનથી લઈને ટીમના સપોર્ટ સ્ટાફ સુધી આંગળીઓ ઉંચી થઈ રહી છે. હવે ઓસ્ટ્રેલિયાના ભૂતપૂર્વ વિકેટ કીપર બેટ્સમેન બ્રેડ હેડિને (Brad Haddin) જો રૂટ પર નિશાન સાધ્યું છે અને કહ્યું છે કે તેણે ટીમની કેપ્ટન્સી છોડી દેવી જોઈએ. હેડિને કહ્યું છે કે રુટની જગ્યાએ ઓલરાઉન્ડર બેન સ્ટોક્સને ટીમના કેપ્ટન તરીકે નિયુક્ત કરવામાં આવે.

મીડિયા રિપોર્ટનુસાર વાત કરતાં હેડિને કહ્યું, તેણે વ્યૂહરચના તરીકે જે સારું કામ કર્યું તે ચોથા દિવસે (બીજી ટેસ્ટમાં) સવારે હતું. તે સમયે મેદાનમાં કોણ નહોતું? જૉ રૂટ. બેન સ્ટોક્સે કેપ્ટનશીપ સંભાળી અને તે એકદમ શાંત દેખાતો હતો. તેનો પ્લાન હતો, બોલરો ફુલ લેન્થ બોલ ફેંકે છે. કેચ કરવા માટે તેની પાસે મિડવિકેટ અને શોર્ટ કવર હતું. તેણે સ્ટમ્પ પર બોલિંગ કરી અને ઓસ્ટ્રેલિયાને પડકાર ફેંક્યો. તેણે કદાચ 20 રનની અંદર ચાર વિકેટ લીધી અને ઓસ્ટ્રેલિયાને દબાણમાં લાવી દીધું.

રૂટના કારણે મામલો બગડ્યો

હેડિને કહ્યું કે જ્યારે રૂટ મેદાન પર પાછો આવ્યો તોવાત ઈંગ્લેન્ડના હાથમાંથી નીકળી ગઇ હતી. તેણે કહ્યું, રુટ મેદાન પર પાછો ફર્યો અને પછી ત્યાંથી બાબતો ખરાબ થઈ ગઈ. તેથી મને લાગે છે કે કંઈક ખોટું છે. મને લાગે છે કે રણનીતિની દૃષ્ટિએ બેન સ્ટોક્સ શ્રેષ્ઠ કેપ્ટન છે. જો તમે પ્રથમ બે મેચ જોશો તો તે સારી રહી નથી. રૂટ કોચ સાથે પસંદગી સમિતિમાં સામેલ છે અને કોચ આગળ આવીને કહે છે કે અમે યોગ્ય ટીમ પસંદ કરી છે. બોલિંગ કોચ કહે છે કે અમે યોગ્ય ટીમ પસંદ કરી નથી. રૂટ કહે છે કે અમે યોગ્ય લેન્થ પર બોલિંગ નથી કરી.

કોચે આમ કહ્યું હતુ

ઈંગ્લેન્ડના મુખ્ય કોચ ક્રિસ સિલ્વરવુડ પણ ઈંગ્લેન્ડના મુખ્ય પસંદગીકાર છે. જ્યારે મીડિયા દ્વારા તેને પૂછ્યું કે શું તેઓ આ ટીમ પસંદ કરશે? તો તેણે જવાબ આપ્યો, સાચું કહું તો હું તે કરીશ. આમાં હંમેશા વિભાજિત અભિપ્રાયો રહેશે. તમે એક ટીમ પસંદ કરો અને એ જરૂરી નથી કે દરેક તમારી સાથે સંમત થાય પરંતુ હું પિંક બોલ ટેસ્ટમાં અમારી કુશળતાથી ખુશ છું તેથી હું તે ટીમને ફરીથી પસંદ કરીશ.

આ પણ વાંચોઃ Sabarkantha: જયેશ પટેલ અને તેના કાકા માત્ર પેપર લીક જ નહી પરંતુ પહેલા થી જ લોકોને પૈસામાં નવડાવવામાં છે અઠંગ

આ પણ વાંચોઃ IPL 2022 Mega Auction: જાણો ક્યારે અને ક્યાં યોજાશે મેગા ઓક્શન, સામે આવ્યા સમાચાર