IND vs NZ: મુંબઇ ટેસ્ટમાં એક જ દાવમાં 10 વિકેટ લઇ ઇતિહાસ રચનારા એજાઝ પટેલે કહી ખાસ વાત, સિદ્ધિથી ખુશ બોલરે હારના ખતરાંને લઇ નિરાશ !

ન્યુઝીલેન્ડના બોલર એજાજ પટેલે (Ajaz Patel) ઈતિહાસ રચી દીધો છે. જિમ લેકર અને અનિલ કુંબલે (Anil Kumble) ની ક્લબમાં તેનું નામ મળ્યું. એક ઇનિંગ્સમાં 10 વિકેટ લેનારો તે ત્રીજો બોલર બન્યો. તે જ સમયે, તે પ્રથમ બોલર હતો જેણે વિદેશી ધરતી પર એક ઇનિંગમાં 10 વિકેટ લેવાનો કરિશ્મા કર્યો હતો. એજાઝ પટેલ આ કરિશ્માથી ખુશ છે અને તે તેનો ઉલ્લેખ પણ કરતા જોવા મળ્યા હતા. એજાઝ પટેલે બીજા દિવસની રમત પૂરી થયા બાદ એક ઇનિંગમાં 10 વિકેટ લેવાની ક્ષણને પોતાના માટે સૌથી ઐતિહાસિક અને યાદગાર ગણાવી હતી.

એજાઝે કહ્યું, વ્યક્તિગત રીતે, તે મારા ક્રિકેટના દિવસોના સૌથી અદ્ભુત દિવસોમાંથી એક હશે અને કદાચ કાયમ રહેશે. અમારે હવે ત્રીજા દિવસે સામનો કરવો પડશે અને શક્ય તેટલો પ્રયાસ કરવો પડશે અને જોવું પડશે કે અમે કેવી રીતે મેચને અમારા પક્ષમાં ફેરવી શકીએ. જો આપણે આ ટેસ્ટમાં આપણી હાર ટાળવી હોય તો અમારે કંઈક અલગ કરવું પડશે.

મારા માટે આ એક અદ્ભુત ક્ષણ છે- એજાઝ પટેલ

એજાઝે કહ્યું, મારા, મારા પરિવાર અને મારી પત્ની માટે આ એક અદ્ભુત ક્ષણ છે. તમે ક્રિકેટર તરીકે આ જ ઈચ્છો છો. હું આ ક્ષણ માટે ભગવાનનો આભાર માનું છું. આ મારા માટે ખૂબ જ ખાસ સિદ્ધિ છે. તેણે કુંબલેના ટ્વિટ પર પણ ખુશી વ્યક્ત કરી અને કહ્યું, હા, મને યાદ છે કે તેમણે 10 વિકેટ લીધી હતી. મેં તે મેચની ‘હાઈલાઈટ’ ઘણી વખત જોઈ છે. આ સમૂહનો ભાગ બનવું અદ્ભુત છે. તેમનો સંદેશ જોવો અદ્ભુત હતો. આ સિદ્ધિમાં તેમની સાથે જોડાઈને હું ભાગ્યશાળી માનું છું.

મુંબઈ ટેસ્ટ હાલમાં ભારતની પકડમાં જોવા મળી રહી છે. પ્રથમ દાવમાં ભારતના 325 રનના જવાબમાં ન્યૂઝીલેન્ડનો પ્રથમ દાવ માત્ર 62 રનમાં સમેટાઈ ગયો હતો. જો એજાઝ પટેલ તેની 10 વિકેટથી ખુશ છે તો તેને થોડો અફસોસ પણ છે. તેણે કહ્યું કે મેદાનની બહાર આવતાની સાથે જ ઘણી બધી વસ્તુઓ ઝડપથી થઈ ગઈ. પટેલે કબૂલ્યું કે અમે પોતાને મુશ્કેલીમાં મૂકી દીધી છે. મુંબઈ ટેસ્ટમાં ભારતની કુલ લીડ 332 રન થઈ ગઈ છે.

આ પણ વાંચોઃ  Aadhaar Card અંગે લાપરવાહી છેતરપિંડીનો શિકાર બનાવશે, જોખમ ટાળવા આ બાબતોનું ધ્યાન રાખો