Tamim Iqbal Retires: વર્લ્ડકપ પહેલા બાંગ્લાદેશના કેપ્ટન તમીમ ઈકબાલે નિવૃત્તિની કરી જાહેરાત, આંખમાં આવ્યા આસું
એક તરફ જ્યાં તમામ ટીમો વર્લ્ડ કપ 2023ની તૈયારીમાં વ્યસ્ત છે તો બીજી તરફ બાંગ્લાદેશને ઝટકો લાગ્યો છે. બાંગ્લાદેશના કેપ્ટન અને તેના વિસ્ફોટક ઓપનર તમીમ ઈકબાલે નિવૃત્તિ લઈ લીધી છે. તમીમ ઈકબાલે ગુરુવારે પ્રેસ કોન્ફરન્સ દરમિયાન નિવૃત્તિ (Tamim Iqbal Retirement)ની જાહેરાત કરી હતી. નિવૃત્તિની જાહેરાત કરતી વખતે તમીમ ખૂબ જ ભાવુક થઈ ગયો હતો. તે રડતો જોવા મળ્યો હતો.
Tamim Iqbal Retirement: બાંગ્લાદેશના ODI કેપ્ટન તમીમ ઈકબાલે તમામ આંતરરાષ્ટ્રીય ક્રિકેટમાંથી તાત્કાલિક નિવૃત્તિની જાહેરાત કરી છેડાબોડી બેટ્સમેન અને બાંગ્લાદેશના કેપ્ટન તમિમ ઈકબાલ નિવૃત્ત થયા. પ્રેસ કોન્ફરન્સમાં તમીમ ઈકબાલ ખૂબ જ ભાવુક થઈ ગયો હતો અને તેની આંખોમાં આંસુ આવી ગયા હતા.
આ પણ વાંચો : આ ચેનલ પર India vs West Indiesની મેચ ફ્રીમાં જોઈ શકશો, જાણો તમામ વિગતો
તમીમ ઈકબાલનો રેકોર્ડ
જણાવી દઈએ કે તમીમ ઈકબાલ બાંગ્લાદેશના સૌથી મોટા બેટ્સમેનમાંથી એક છે. તમીમએ ટેસ્ટ ક્રિકેટમાં 10 સદીની મદદથી 5134 રન બનાવ્યા છે, વનડેમાં તેના બેટમાંથી 14 સદી અને તેના નામે 8313 રન છે ટી 20 ક્રિકેટમાં પણ એક સદીની સાથે 1758 રન બનાવ્યા છે. તમીમ ઈકબાલે ઈન્ટરનેશનલ ક્રિકેટમાં કુલ 25 સદી ફટકારી છે.
Tamim Iqbal retires from international cricket.#TamimIqbal #BANvAFG pic.twitter.com/MtGkgpwRAv
— Syed Sami (@SamisDaily) July 6, 2023
અફધાનિસ્તાન સામે હાર બાદ તમીમ ઈકબાલે સંન્યાસની જાહેરાત કરી
તમને જણાવી દઈએ કે, અફધાનિસ્તાન વિરુદ્ધ ચાલી રહેલી વનડે સિરીઝ વચ્ચે સંન્યાસ લેવાની જાહેરાત કરી છે. બુધવારના રોજ બંન્ને ટીમ વચ્ચે ટક્કર થઈ હતી. જેમાં બાંગ્લાદેશની ટીમે 17 રને જીત મેળવી હતી. આ મેચનો નિર્ણય ડર્કવર્થ લુઈસના નિયમ હેઠળ લેવામાં આવ્યો હતો. બાંગ્લાદેશની હાર બાદ 24 કલાકની અંદર તમીમ ઈકબાલે ઈન્ટરનેશનલ ક્રિકેટમાંથી અલવિદા કહ્યું છે.
આ પણ વાંચો : Virat Kohli Video: વિરાટ કોહલી નેટમાં વહાવી રહ્યો છે ખૂબ પરસેવો, એવા શોટ રમ્યો કે ભારત-પાકિસ્તાન ફેન્સ બાખડી પડ્યા!
તમીમ ઈકબાલનું કરિયર શાનદાર રહ્યું
તમીમ ઈકબાલને મહાન બેટ્સમેન કહેવામાં આવે છે તો તે કાંઈ ખોટું નથી. તમીમ ઈકબાલનો ઈન્ટરનેશનલ ક્રિકેટમાં રેકોર્ડ શાનદાર રહ્યો છે. તમીમ ઈકબાલના નામે એક ખાસ વર્લ્ડ રેકોર્ડ પણ છે. ડાબોડી બેટ્સમેને શેરે બાંગ્લા નેશનલ સ્ટેડિયમમાં સૌથી વધુ 2853 રન બનાવ્યા છે. આ મેદાન પર તેના બેટમાંથી 19 અડધી સદી અને 5 સદી આવી છે.
તેના કરિયરનો અંત
તમીમ ઈકબાલ વનડેમાં સૌથી ઓછી ઉંમરમાં સદી ફટકાવનાર બાંગ્લાદેશી ખેલાડી પણ છે. તમીમે અંદાજે 19 વર્ષ, 2 દિવસની ઉંમરમાં આયરલેન્ડ વિરુદ્ધ સેન્ચુરી ફટકારી હતી. આ મેચમાં તેમણે 129 રનની ઈનિગ્સ રમી હતી.તમીમ ઈકબાલે રિટાયરમેન્ટની જાહેરાત કરતા કહ્યું કે, આ તેના કરિયરનો અંત છે.તેણે પોતાનો શ્રેષ્ઠ પ્રયાસ કરવાનો પ્રયાસ કર્યો. તમીમે તેના તમામ સાથી ખેલાડીઓ, કોચ અને BCB અધિકારીઓનો આભાર માન્યો હતો. તમીમ ઈકબાલે પણ તમામ ચાહકોનો આભાર માન્યો હતો.
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
Published On - 1:41 pm, Thu, 6 July 23