Olympic Medalist: લવલીનાને આસામ સરકાર વિશેષ ભેટ આપશે, ગ્રામજનો લાડલી લવલીનાની જોઈ રહ્યા છે રાહ
ગામલોકો હવે તેમની લાડલી લવલીનાની રાહ જોઈ રહ્યા છે. ગામલોકો હવે લવલીનાને મેડલ સાથે જોવા માંગે છે અને આશા રાખે છે કે તે ગોલ્ડ મેડલ સાથે આવશે અને તેનાથી તેમના ગામની સ્થિતિમાં સુધારો આવશે.
Olympic Medalist: ભારતની મહિલા બોક્સર લવલીના બોરગોહે(Lovlina Borgohain)ને ટોક્યો ઓલિમ્પિક 2020 (Tokyo Olympics-2020)ની સેમિફાઈનલમાં પહોંચીને મેડલ ફાઈનલ કર્યો છે. દરેક વ્યક્તિને તેની સફળતા પર ગર્વ છે. તે ઓલિમ્પિકમાં મેડલ જીતનાર ભારતની ત્રીજી બોક્સર (Boxer)બનશે. તેની સફળતા માટે અનેક લોકોએ તેને અભિનંદન આપ્યા છે, પરંતુ રાજ્ય સરકારે આસામ (Assam)ની આ બોક્સર (Boxer)ને એક અનોખી ભેટ આપવાનો નિર્ણય કર્યો છે.
આવી ભેટ, જે ફક્ત લવલીના અથવા તેના પરિવારના સભ્યોની જ નહીં પરંતુ તેના આખા ગામની રાહ જોઈ રહી હતી. રાજ્ય સરકારે નક્કી કર્યું છે કે તે લવલીનાના ગામ બારોમુખિયા 3.5 કિલોમીટર રોડનું નિર્માણ કરશે. આ બોક્સરનું ગામ આસામના ગોલાઘાટ પાસે છે. અંગ્રેજી સમાચાર પત્ર ટાઈમ્સ ઓફ ઈન્ડિયાના અહેવાલ મુજબ રાજ્ય સરકાર લવલીના ટોક્યોથી ઘરે પરત ફરે તે પહેલા આ રોડનું નિર્માણ કાર્ય પૂર્ણ કરવા માંગે છે અને તેથી ઓવરટાઈમ પણ કરી રહી છે. અત્યાર સુધી આ રસ્તો માટીનો હતો, જેના કારણે ગ્રામજનોને વરસાદની સિઝનમાં ઘણી મુશ્કેલી પડતી હતી.
અગાઉ પણ આ રોડ બનાવવા માટે અનેક પ્રયાસો કરવામાં આવ્યા હતા, પરંતુ આ કામ પૂર્ણ થઈ શક્યું નથી. હવે લવલીનાના મેડલે આ કામને અંત સુધી લાવ્યું છે. 2016માં આસામના તત્કાલીન મુખ્યપ્રધાન સર્બાનંદ સોનેવાલે આ કામ શરૂ કર્યું હતું, પરંતુ માત્ર 100 મીટરનો રસ્તો બનાવવામાં આવ્યો હતો. આ રોડ પર 3/9 ગોરખા રાઈફલ્સના હવાલદાર પદમ બહાદુર શ્રેષ્ટાનું ઘર પણ છે, જેમણે 2019માં પાકિસ્તાન દ્વારા કરવામાં આવેલા ગોળીબારમાં જીવ ગુમાવ્યો હતો.
ગ્રામજનોએ ફરિયાદ કરી હતી કે કાદવવાળો રસ્તો હોવાને કારણે ક્યારેક દર્દીને હોસ્પિટલ લઈ જવામાં મુશ્કેલી થાય છે. તે જ સમયે, અન્ય એક અંગ્રેજી અખબાર ધ ન્યૂ ઇન્ડિયન એક્સપ્રેસના અહેવાલ મુજબ લવલીનાના ગામમાં પાણી પણ આવતું નથી. નાની આરોગ્ય સુવિધા (Health facility) સિવાય અહીં કોઈ હોસ્પિટલ નથી અને તેથી જ ગામના લોકોને ગંભીર દર્દીને લઈ 45 કિમી દૂર જવું પડે છે.
ગામલોકો હવે તેમની લાડલી લવલીનાની રાહ જોઈ રહ્યા છે. ગામલોકો હવે લવલીનાને મેડલ સાથે જોવા માંગે છે અને આશા રાખે છે કે તે ગોલ્ડ મેડલ સાથે આવશે અને તેનાથી તેમના ગામની સ્થિતિમાં સુધારો આવશે. લવલીનાએ 69 કિલોની કેટેગરીમાં સેમીફાઈનલમાં જગ્યા બનાવી છે અને આ સાથે મેડલ માટે આશા જગાવી છે. જો તે સેમિફાઈનલમાંથી પણ પરત ફરે છે તો તે બ્રોન્ઝ મેડલ સાથે પરત ફરશે અને જો તે ફાઈનલમાં જશે તો સિલ્વર મેડલ કે ગોલ્ડ મેડલ લઈ પરત ફરશે.
આ પણ વાંચો: olympics hairstyles : ટોક્યો ઓલિમ્પિકમાં હેર સ્ટાઈલથી ધુમ મચાવી રહ્યા છે ખેલાડીઓ, જુઓ અવનવા ફોટો