Share Market : ઐતિહાસિક સ્તરે કારોબાર બંધ થયો, Sensex 60,836 સુધી ઉછળ્યો

આજે સેન્સેક્સ 452 પોઈન્ટ અથવા 0.75% વધીને 60,737 અને નિફ્ટી 170 પોઈન્ટ અથવા 0.94% વધીને 18,162 ના સ્તર પર બંધ થયા છે. આજે સેન્સેક્સ 60,619 અને નિફ્ટી 18,097 પર ખુલ્યો હતો.

Share Market : ઐતિહાસિક સ્તરે કારોબાર બંધ થયો, Sensex 60,836 સુધી ઉછળ્યો
stock market

સપ્તાહના ત્રીજા દિવસે શેરબજાર(Share Market)માં શાનદાર તેજી જોવા મળી હતી. આ તેજી સાથે બજારો રેકોર્ડ ઉંચાઈએ બંધ થયા હતા. વેપાર દરમિયાન બજારે એક નવો રેકોર્ડ બનાવ્યો અને સેન્સેક્સ 60,836 અને નિફ્ટી 18,197 સુધી ઉપલા સ્તરે પહોંચ્યા હતા. બજાર સતત પાંચમા દિવસે વૃદ્ધિ સાથે બંધ થયું છે.

આજે સેન્સેક્સ 452 પોઈન્ટ અથવા 0.75% વધીને 60,737 અને નિફ્ટી 170 પોઈન્ટ અથવા 0.94% વધીને 18,162 ના સ્તર પર બંધ થયા છે. આજે સેન્સેક્સ 60,619 અને નિફ્ટી 18,097 પર ખુલ્યો હતો.સેન્સેક્સના 30 શેરોમાંથી 22 શેર ફાયદા સાથે બંધ થયા અને 8 શેર નબળાઈ સાથે બંધ થયા હતા. ઇન્ડેક્સમાં M&M શેર્સ 5.17%, પાવરગ્રીડના શેર 3.41%અને ITC ના શેર 3.34%થી વધુના વધારા સાથે વેપાર કરતા જોવા મળ્યા હતા. બીજી બાજુ મારુતિના શેરમાં 2.46% ની નબળાઈ હતી.

મંગળવારે નફા સાથે ક્લોઝિંગ થયું હતું
મંગળવારે, નિફ્ટી પ્રથમ વખત 18000 ના સ્તરથી ઉપર બંધ થયો હતો. ગઈકાલે બજારની શરૂઆત નબળાઈથી થઈ હતી પરંતુ બાદમાં તે સુધરી ગઈ. સેન્સેક્સ 149 અંક વધીને 60284 ના સ્તર પર બંધ થયો જ્યારે નિફ્ટી પણ 58 પોઈન્ટ મજબૂત થઈને 18004 ના સ્તર પર બંધ થયો હતો. બેન્ક, ફાઇનાન્શિયલ, મેટલ, ફાર્મા અને ઓટો શેરોમાં ખરીદી જોવા મળી હતી. જોકે આઇટી શેરોમાં ઘટાડો જોવા મળ્યો હતો. નિફ્ટી પર PSU બેન્ક ઇન્ડેક્સ 3 ટકા વધ્યો હતો. મંગળવારના ટોપ ગેઈનર્સ TITAN, BAJAJ-AUTO, BAJAJFINSV, SBI, NESTLEIND, HINDUNILVR અને ITC હતા.

બજારમાં તેજીના પરિબળ 

  • આગામી વર્ષ સુધી ભારતનો વિકાસ દર વિશ્વમાં સૌથી ઝડપી રહેશે: IMF
  • છૂટક મોંઘવારી 5 મહિનાની નીચી સપાટીએ પહોંચી છે
  • કંપનીઓને સારા ત્રિમાસિક પરિણામોની અપેક્ષા છે
  • રસીકરણની તેજીએ રોકાણકારોનો વિશ્વાસ વધાર્યો છે
  • સરકાર ઉદ્યોગોને ટેકો આપવા સતત પ્રયાસો કરી રહી છે.

 

BSE  પર 1,760 શેર વધારા સાથે બંધ થયા
BSE પર 3,476 શેરમાં વેપાર થયો હતો. 1,760 શેર્સ વધ્યા હતા અને 1,578 શેર લાલ નિશાનમાં વેપાર કરતા જોવા મળ્યા હતા. આ સાથે BSE પર લિસ્ટેડ કંપનીઓની કુલ માર્કેટ કેપ પ્રથમ વખત 270 લાખ કરોડને પાર કરી ગઈ છે.

399 શેરમાં અપર સર્કિટ
ટ્રેડિંગ દરમિયાન 392 શેર 52 સપ્તાહની ઉપલી સપાટીએ અને 23 શેર 52 સપ્તાહની નીચી સપાટીએ ટ્રેડ થતા જોવા મળ્યા હતા. આ સિવાય 399 શેરોને અપર સર્કિટ મળી જ્યારે 247 શેરોને લોઅર સર્કિટ મળી હતી.

 

આ પણ વાંચો :  Share Market All Time High : SENSEX એ 60751 અને NIFTY એ 18162 ની રેકોર્ડ સપાટી નોંધાવી, TATA Motors 18% ઉછળ્યો

 

આ પણ વાંચો : વર્ષ 2022 માં ભારતીય અર્થવ્યવસ્થા વિશ્વમાં સૌથી ઝડપી વિકસિત અર્થતંત્ર બનશે : IMF ની રિપોર્ટમાં 8.5% ગ્રોથરેટનો ઉલ્લેખ

Read Full Article

Click on your DTH Provider to Add TV9 Gujarati