દિલ્હીમાં સોનિયા ગાંધીની અધ્યક્ષતામાં મહારાષ્ટ્ર કોંગ્રેસના નેતાઓની બેઠક, શિવસેનાને સમર્થન આપવા મુદ્દે સમીક્ષા

દિલ્હીમાં કોંગ્રેસ અધ્યક્ષ સોનિયા ગાંધીના નેજા હેઠળ બેઠકનું આયોજન થયું છે. મહારાષ્ટ્રના કોંગ્રેસ નેતા અને પૂર્વ મુખ્યપ્રધાનો સાથે સોનિયા ગાંધી મુલાકાત કરી રહ્યા છે. જે બાદ શિવસેનાને સમર્થન આપવું કે નહીં તે વાત પરથી પરદો ઉઠી શકે છે.

આ પણ વાંચોઃ મહારાષ્ટ્રમાં સત્તાનું મહામંથનઃ કોંગ્રેસના 44 પૈકી આટલા ધારાસભ્યો શિવસેનાને આપશે સમર્થન

તો આ તરફ મહારાષ્ટ્રમાં પણ NCPના પ્રમુખ શરદ પવાર પોતાના ધારાસભ્યો સાથે બેઠક લઈ રહ્યા છે. મહત્વનું છે કે, ભાજપે સરકાર બનાવવાનો ઈનકાર કરી દીધો છે. જે બાદ રાજ્યપાલે શિવસેનાને આમંત્રણ આપ્યું છે. સરકાર બનાવવાનો પ્રસ્તાવ રજૂ કરવાનો સમય આજ સાંજના 7:30 સુધી છે.