શિવસેનાની ધારાસભ્ય દળની બેઠક પહેલા સંજય રાઉતે કહ્યું, 50-50ના ફોર્મ્યુલા પર અમે અડગ

શિવસેનાની ધારાસભ્ય દળની બેઠક પહેલા સંજય રાઉતે ફરી એકવાર 50-50 ફોર્મ્યુલાનો રાગ આલાપ્યો. જેમાં તેમણે કહ્યું કે, શિવસેના નરમ નથી પડી. અને પડશે પણ નહીં. કારણ કે, ચૂંટણી પહેલા જે વાયદો થયો હતો. તે જ વાયદા અંતર્ગત અમે માગણીઓ કરી રહ્યા છે. એટલું જ નહીં ભાજપ પર પ્રહાર કરતા કહ્યું કે, અમારો મિત્ર પક્ષ વાયદાઓથી પાછળ હટી ગયા છે. જો કે, અમે અમારી માગ પર અડગ છીએ અને રહીશું.

આ પણ વાંચોઃ શિવસેના નેતા પ્રિયંકા ચતુર્વેદી અને શીતલ માત્રેને Twitter પર જાનથી મારી નાખવાની ધમકી

મહત્વનું છે કે, માતોશ્રીમાં શિવસેનાના ધારાસભ્ય દળની બેઠક મળી રહી છે. જેમાં ઉદ્ધવ ઠાકરે ઉપરાંત સંજય રાઉત અને શિવસેનાના ધારાસભ્યો ઉપસ્થિત છે. આ બેઠકમાં શિવસેનાના ધારાસભ્ય દળના નેતા ચૂંટાશે. હાલ મળતી માહિતી અનુસાર, ફરી વખત એકનાથ શિંદે જ શિવસેનાના ધારાસભ્ય દળના નેતા ચૂંટાઇ શકે છે.