અમદાવાદ એરપોર્ટનું નથી બદલાયું નામ, કોંગ્રેસ પ્રદેશ પ્રમુખ અમીત ચાવડાએ ટ્વીટ કરી આપી ખોટી માહિતી

ગુજરાત પ્રદેશ કોંગ્રેસ પ્રમુખ અમીત ચાવડાના એક ટવીટમાં મોટી ભૂલ સામે આવી છે. ચાવડાએ પોતાના ટવીટમાં અમદાવાદ એરપોર્ટનું નામ બદલાયું હોવાનો ઉલ્લેખ કર્યો. ટવીટમાં અમીત ચાવડાએ ત્યાં સુધી કહ્યું કે એરપોર્ટ પરથી સરદાર પટેલનું નામ જ હટાવી લેવામાં આવ્યું છે. અને, અમદાવાદ એરપોર્ટને અદાણીનું નામ અપાયું છે. શું છે અમીત ચાવડાનું ટવીટ આવો વાંચો

હકીકતમાં અમદાવાદ એરપોર્ટનું નામ બદલાયું નથી. પરંતુ એરપોર્ટના નવિનીકરણનો કોન્ટ્રાક્ટ અદાણી કંપનીને આપવામાં આવ્યો છે. જેને પગલે અદાણી કંપની દ્વારા સરદાર પટેલ એરપોર્ટ નજીક અદાણીના સાઇનબોર્ડ લગાવવામાં આવ્યા છે. આ સાઇનબોર્ડમાં સ્પષ્ટ જોઇ શકાય છેકે એરપોર્ટનું નામ સરદાર વલ્લભભાઇ પટેલ ઇન્ટરનેશનલ એરપોર્ટ છે. અને સાઇનબોર્ડની બે બાજુ અદાણી કંપનીનો લોગો દેખાય છે. જુઓ આ સાઇનબોર્ડના ફોટો

કોંગ્રેસ નેતાએ પોતાના ટવીટ થકી ભાજપ સરકાર પર આકરા આક્ષેપો કર્યા હતા. અને, ચાવડાના ટવીટ થકી થોડીવાર માટે વિવાદ થયો હતો. જોકે, વાસ્તવિક તસ્વીરોના આધારે સત્યતા આખરે બહાર આવી છે.

અમીત ચાવડાના આ ટવીટને પીઆઇબી ફેક ચેટ દ્વારા પણ ખોટા સમાચાર હોવાનો ખુલાસો થયો છે. પીઆઇબી ફેક ચેટ દ્વારા પણ ચાર તસ્વીરો દ્વારા આ ટવીટને ફેક દર્શાવવામાં આવ્યું છે.