ભારતના આ રાજ્યમાં રહે છે વિશ્વનો સૌથી મોટો પરિવાર…100 રૂમના મકાનમાં રહે છે 167 લોકો
સામાન્ય રીતે જોઈએ તો, એક ઘરમાં 4થી 5 લોકો રહેતા હોય છે, મોટો પરિવાર હોય તો 8થી 10 લોકો હોય, પરંતુ ભારતના મિઝોરમ રાજ્યમાં રહેતા એક પરિવારના સભ્યોની સંખ્યા 167 છે. આ પરિવાર એટલો મોટો છે કે તેને દુનિયાના સૌથી મોટા પરિવારનો દરજ્જો આપવામાં આવ્યો છે.
જીઓના ચાના તેમના પુત્રો સાથે સુથારનું કામ કરતા હતા. તેમનો પરિવાર મિઝોરમની સુંદર ટેકરીઓ વચ્ચે બટવાંગ ગામમાં 4 માળના એક મોટા મકાનમાં રહે છે.
આ ઘરમાં કુલ 100 રૂમ છે અને એક મોટું રસોડું છે. સ્વર્ગસ્થ જીઓના તેમના પરિવારને ખૂબ જ શિસ્ત સાથે ચલાવતા હતા. દરેક વ્યક્તિ રસોઈ અને ઘરના અન્ય કામો એકસાથે કરે છે.
પરિવારની મહિલાઓ ખેતી કરે છે અને ઘર ચલાવવામાં ફાળો આપે છે. ચાનાની મોટી પત્ની આ ઘરના વડા તરીકેની ભૂમિકા ભજવે છે અને ઘરના તમામ સભ્યોના કામની વહેંચણી કરે છે અને કામ પર પણ નજર રાખે છે.
આ પરિવારને એક દિવસમાં 45 કિલો ચોખા, 25 કિલો દાળ, ડઝનેક ઈંડા અને 60 કિલો શાકભાજીની જરૂર પડે છે. આ ઉપરાંત આ પરિવાર દરરોજ લગભગ 20 કિલો ફળો પણ આરોગે છે.
આ પરિવારનો રાજકારણમાં પણ નોંધપાત્ર પ્રભાવ છે. એક પરિવારમાં આટલા મત હોવાના કારણે આ વિસ્તારના નેતાઓ અને રાજકીય પક્ષો પરિવારને ખૂબ મહત્વ આપે છે. (Image : Reuters, the week)