રાજ્યભરમાં “નારી વંદન ઉત્સવ” ની ઉજવણી, She ટીમે મહિલાઓને આપી સુરક્ષિત રહેવાની ટિપ્સ, જુઓ તસવીર
ઘરેલુ હિંસાથી સ્ત્રીઓને રક્ષણ અધિનિયમ 2005 અંતર્ગત કાયદાકીય સેમિનારનું આયોજન નવસારી સહિત વિવધ જિલ્લાઓમાં કરાયું હતું. આ રીતે "મહિલા સુરક્ષા" દિનની ઉજવણી કરવામાં આવી હતી.
નારી વંદન ઉત્સવ" સપ્તાહ અંતર્ગત "મહિલા સુરક્ષા" થીમ પરત્વે મહિલા અને બાળ અધિકારીની કચેરી નવસારી અને દેસાઈ ફાઉન્ડેશનના સંયુક્ત ઉપક્રમે વિવિધ કોર્સમાં તાલીમ લેતી મહિલાઓને ઘરેલુ હિંસાથી સ્ત્રીઓને રક્ષણ અધિનિયમ 2005 અંતર્ગત કાયદાકીય સેમિનારનું આયોજન કરવામાં આવ્યું હતું.
આ કાર્યક્રમમાં દેસાઈ ફાઉન્ડેશનનાં પ્રમુખ, જિલ્લા દહેજ પ્રતિબંધક સહ રક્ષણ અધિકારી રામ પટેલ, જિલ્લા મિશન કો-ઓર્ડીનેટર અસ્મિતા ગાંધી સખી વન સ્ટોપ સેન્ટરનાં કેન્દ્ર સંચાલક હર્ષિદાબેન, She- ટીમનાં કરુણાબેન તેમજ મહિલા અને બાળ અધિકારીની કચેરીનાં અન્ય કર્મચારીઓ ઉપસ્થિત રહ્યા હતા.
આ કાર્યક્રમમાં દહેજ પ્રતિબંધક અધિકારી સહ રક્ષણ અધિકારી રામ પટેલ દ્વારા ઘરેલુ હંસાથી સ્ત્રીઓને રક્ષણ અધિનિયમ 2005 અંતર્ગત વિસ્તૃત માહિતી આપવામાં આવી હતી.
જિલ્લા મિશન કોર્ડીનેટર અસ્મિતા ગાંધી દ્વારા મહિલા કલ્યાણકારી અને સુરક્ષાલક્ષી યોજનાઓ વિશેની માહિતી આપવામાં આવી હતી. સખી વન સ્ટોપ સેન્ટરનાં કેન્દ્ર સંચાલક હર્શિદાબેન દ્વારા સખી વન સ્ટોપ સેન્ટર દ્વારા આપવામાં આવતી અલગ અલગ સેવાઓ વિશે માહિતગાર કરવામાં આવ્યા.
She- ટીમ દ્વારા સાયબર સેફ્ટી વિશે તેમજ મહિલાઓ સાથે થતી હિંસા બાબતે જાગૃત થવા અંગે વિગતવાર માહિતી આપવામાં આવી હતી.