વિશ્વભરમાં સૌથી મોંધી એલોન મસ્કની સ્ટારલિંક સેટેલાઈટ સેવા ભારતમાં સફળ થશે ?
સ્ટારલિંકની સેટેલાઈટ આધારિત વાયરલેસ સેવાઓ અને હાર્ડવેરની કિંમત ફાઇબર અને ફિક્સ્ડ વાયરલેસ કરતા ઘણી વધારે છે. એલોન મસ્કની સ્ટારલિંક સેટેલાઈટ આધારિત વાયરલેસ સેવાઓ સૌ કોઈને પરવડે તેમ નથી. પરંતુ એરટેલ અને રિલાયન્સ જિયોએ ભારતના ગ્રાહકો અને તેમની ખરીદ શક્તિને ધ્યાને રાખીને સસ્તા ભાવે સ્ટારલિંક સેવા ઉપલબ્ધ કરાવવાની યોજના બનાવી હોવી જોઈએ.
ઉપગ્રહ આધારિત ઈન્ટરનેટ સેવાના સાધનોની કિંમત વધારે છે, પરંતુ એરટેલ અને જિયો સાથે હાથ મિલાવવાથી સ્ટારલિંક ઉપકરણોની કિંમત ઘટાડવામાં મદદ મળશે. એરટેલ અને જિયો સાથે સ્ટારલિંકનો સોદો તમામ પક્ષો માટે ફાયદાકારક રહેશે. ભારતમાં સેટેલાઇટ બ્રોડબેન્ડની સફળતા યોગ્ય કિંમત ઉપર જ નિર્ભર છે. જો સસ્તી સેવા રહેશે તો સફળ થશે અન્યથા એરટેલ અને જિયો તેમજ સ્ટારલિંક માટે નુકસાનનો વારો આવશે.
કિંમતો અંગે નિષ્ણાતો કહે છે કે સેટેલાઇટ કોમ્યુનિકેશન સર્વિસ અને હાર્ડવેરની કિંમત ઘણી વધારે છે જેના કારણે પરવડે તેવી ક્ષમતા મર્યાદિત છે. યુએસમાં સ્ટારલિંક માટે માસિક દરો $120 (અંદાજે રૂ. 10434) થી $500 (અંદાજે રૂ. 43477) ની વચ્ચે છે.
એક વખતના હાર્ડવેર ચાર્જર માટે $599 (લગભગ 52085 રૂપિયા) થી $2500 (લગભગ 217386 રૂપિયા) ખર્ચવા પડશે. કેન્યા જેવા દેશોમાં તે થોડું સસ્તું છે, જ્યાં માસિક પ્લાનની કિંમત $10 (અંદાજે રૂ. 869) થી શરૂ થાય છે અને હાર્ડવેરની કિંમત $178 (અંદાજે રૂ. 15477) થી $381 (અંદાજે રૂ. 33216) સુધીની છે. ( તસવીર સૌજન્ય- સોશિયલ મીડિયા)
