તમારી ગોલ્ડ લોન ચૂકવવાની સાચી રીત કઈ છે ? EMI કે વ્યાજ ? આ એક નિર્ણય બચાવી શકે છે તમારા હજારો રૂપિયા
જ્યારે તાત્કાલિક પૈસાની જરૂર પડે ત્યારે ગોલ્ડ લોન એક સરળ અને ઝડપી નાણાકીય સહારો બની શકે છે. પરંતુ લોનની ચુકવણી માટે કઈ પદ્ધતિ પસંદ કરો છો, તે તમારા કુલ ખર્ચને સીધી અસર કરે છે. સમજદારીથી યોગ્ય વિકલ્પ પસંદ કરવાથી તમે વધારાના હજારો રૂપિયાના ખર્ચથી બચી શકો છો.
આજના સમયમાં અચાનક નાણાંની જરૂરિયાત ઊભી થાય ત્યારે ઘણા લોકો ગોલ્ડ લોન લેવાનું પસંદ કરે છે, કારણ કે તે સરળ અને ઝડપથી મળતો વિકલ્પ છે. પરંતુ લોન લેતી વખતે જેટલું મહત્વ વ્યાજદરનું હોય છે, એટલું જ મહત્વ તેની ચુકવણી કરવાની રીતનું પણ હોય છે. ઘણીવાર લોકો આ બાબતને અવગણે છે, જ્યારે સાચા અર્થમાં વધુ ખર્ચ કે બચત એ વાત પર નિર્ભર કરે છે કે તમે લોન કેવી રીતે પરત કરો છો.
ગોલ્ડ લોનમાં ઘણા લોકો દર મહિને માત્ર વ્યાજ ભરે છે અને અંતે આખી મૂળ રકમ ચૂકવે છે. આ રીતમાં શરૂઆતમાં હપ્તો ઓછો લાગે છે, પરંતુ મૂળ રકમ ઘટતી નથી એટલે વ્યાજ વધતું જાય છે. લોન લાંબી ચાલે તો કુલ ખર્ચ વધુ થઈ શકે છે. ( Credits: AI Generated )
EMI પદ્ધતિમાં દર મહિને વ્યાજ સાથે લોનની મૂળ રકમનો થોડો ભાગ પણ ભરવામાં આવે છે. તેથી સમય જતાં બાકી લોનની રકમ અને તેના પર લાગતું વ્યાજ બંને ધીમે ધીમે ઓછું થતું જાય છે. ભલે EMI થોડું વધુ હોય, પરંતુ લાંબા ગાળે આ પદ્ધતિ વધુ ફાયદાકારક ગણાય છે, કારણ કે આખરે કુલ ચુકવણી ઓછી થાય છે. ( Credits: AI Generated )
ઘણા લોકો બુલેટ પેમેન્ટ વિકલ્પ પસંદ કરે છે, જેમાં લોનની સમગ્ર રકમ અને તેનું વ્યાજ એકસાથે અંતિમ સમયમાં ચૂકવવાનું હોય છે. આ રીત એવા લોકો માટે ઉપયોગી બની શકે છે, જેઓને ભવિષ્યમાં મોટી આવક અથવા રકમ મળવાની આશા હોય. પરંતુ જો સમયસર પૈસા ઉપલબ્ધ ન થાય, તો વધતું વ્યાજ આર્થિક રીતે ભારે પડી શકે છે. ( Credits: AI Generated )
લોનનો બોજ ઓછો કરવાની એક બીજી સારી રીત એ છે કે સમયાંતરે થોડી-થોડી રકમ ચૂકવીને લોન ઘટાડવી. તેને પાર્ટ પેમેન્ટ ચુકવણી કહેવાય છે. ભલે લોકો આ વિકલ્પનો ઓછો ઉપયોગ કરતા હોય, પરંતુ લાંબા ગાળે તે ખૂબ લાભદાયક સાબિત થઈ શકે છે. કારણ કે જેમ જેમ મૂળ રકમ ઘટે છે, તેમ તેમ તેના પર લાગતું વ્યાજ પણ ઝડપથી ઓછું થવા લાગે છે, જેના કારણે કુલ ખર્ચમાં બચત થાય છે. ( Credits: AI Generated )
જો કુલ ખર્ચની વાત કરીએ, તો એવી ચુકવણી પદ્ધતિ વધુ ફાયદાકારક માનવામાં આવે છે જેમાં લોનની મૂળ રકમ ઝડપથી ઘટે. આ કારણે EMI અને પાર્ટ પેમેન્ટ જેવા વિકલ્પો વધુ સારી પસંદગી ગણાય છે. જ્યારે માત્ર વ્યાજ ચૂકવવાની અથવા અંતે એકસાથે રકમ ચૂકવવાની રીતમાં લોન લાંબા સમય સુધી ચાલુ રહે છે, જેના કારણે કુલ ખર્ચ વધે છે. ( Credits: AI Generated )
ઘણા લોકો માત્ર ઓછા EMI જોઈને ગોલ્ડ લોન લે છે, પરંતુ લાંબી લોન અવધિના કારણે વ્યાજનો ખર્ચ વધી જાય છે. ગોલ્ડ લોન હંમેશા ટૂંકા સમય માટે અને યોગ્ય આયોજન સાથે લેવી વધુ સારું માનવામાં આવે છે. સમજદારીથી યોગ્ય ચુકવણી પદ્ધતિ પસંદ કરવાથી લોન ઝડપથી પૂર્ણ થાય છે અને પૈસાની સારી બચત પણ થાય છે. ( નોંધ: અહીં આપવામાં આવેલી માહિતી પબ્લિક ડોમેન પરથી લેવામાં આવી છે, જે ફક્ત તમારી જાણકારી માટે છે.) ( Credits: AI Generated )
