Wi-Fi In Flight : ફ્લાઇટમાં ફ્રી વાઇ-ફાઇ ક્યાંથી આવે છે ? કેમ ડેટા કામ નથી કરતા ચાલો જાણીએ
હવાઈ મુસાફરી દરમિયાન પ્લેનમાં ઈન્ટરનેટની સુવિધા બે મુખ્ય ટેક્નોલોજી પર આધારિત છે. એક એર-ટુ-ગ્રાઉન્ડ સિસ્ટમ છે અને બીજી સેટેલાઇટ આધારિત વાઇ-ફાઇ સિસ્ટમ છે.
કેટલીક એરલાઈન્સ તેમની ફ્લાઈટ્સમાં ફ્રી વાઈ-ફાઈ સુવિધા પૂરી પાડે છે. એર ઈન્ડિયાએ કેટલીક ફ્લાઈટ્સમાં ફ્રી વાઈ-ફાઈ આપવાની સેવા પણ શરૂ કરી છે. હવે સવાલ એ થાય છે કે હવામાં આટલી ઊંચાઈએ પ્લેનમાં વાઈ-ફાઈ કેવી રીતે કામ કરે છે?
હવાઈ મુસાફરી દરમિયાન પ્લેનમાં ઈન્ટરનેટની સુવિધા બે મુખ્ય ટેક્નોલોજી પર આધારિત છે. એક એર-ટુ-ગ્રાઉન્ડ સિસ્ટમ છે અને બીજી સેટેલાઇટ આધારિત વાઇ-ફાઇ સિસ્ટમ છે.
એર-ટુ-ગ્રાઉન્ડ સિસ્ટમ હેઠળ, એરક્રાફ્ટમાં સ્થાપિત એન્ટેના જમીન પર નજીકમાં સ્થિત ટાવરમાંથી સિગ્નલ મેળવે છે. આ કનેક્શન ચોક્કસ ઊંચાઈ સુધી સરળતાથી કામ કરવાનું ચાલુ રાખે છે. જો એરક્રાફ્ટ એવા વિસ્તારમાંથી પસાર થાય છે જ્યાં કોઈ ગ્રાઉન્ડ ટાવર નથી, તો કનેક્શન ખોરવાઈ શકે છે.
ગ્રાઉન્ડ ટાવર્સ સિગ્નલને ઉપર તરફ પ્રોજેક્ટ કરે છે. આ સિસ્ટમમાં ઉપયોગમાં લેવાતા એન્ટેના એરક્રાફ્ટના નીચેના ભાગમાં ફીટ કરવામાં આવે છે. બીજું સેટેલાઇટ આધારિત Wi-Fi સિસ્ટમ છે. આ તકનીક આજકાલ વધુ લોકપ્રિય છે.
આમાં ગ્રાઉન્ડ સ્ટેશનથી સિગ્નલ સેટેલાઇટ દ્વારા એરક્રાફ્ટ સુધી પહોંચે છે. આ સિસ્ટમમાં એરક્રાફ્ટની ઉપર એન્ટેના લગાવવામાં આવે છે. આ ટેક્નોલોજી એવા વિસ્તારોમાં કનેક્ટિવિટી પૂરી પાડવા માટે વધુ ઉપયોગી છે જ્યાં ગ્રાઉન્ડ ટાવર નથી, જેમ કે સમુદ્રની ઉપર. આવી જગ્યાએ તે સિગ્નલ પુરુ પાડે છે.
વિમાનની અંદરના રાઉટર દ્વારા મુસાફરોના ઉપકરણોમાં સિગ્નલ પહોંચાડવામાં આવે છે. જ્યારે એરક્રાફ્ટ 3,000 મીટરની ઊંચાઈએ પહોંચે છે, ત્યારે ઑન-બોર્ડ એન્ટેના સેટેલાઇટ સેવા સાથે જોડાય છે.
જ્યારે ફ્લાઇટમાં મોબાઇલ ડેટા પર પ્રતિબંધ છે. કારણ કે તેમના તરંગો પાયલોટના નેવિગેશન અને રડાર સાધનો, ગ્રાઉન્ડ કંટ્રોલ સાથે સંપર્ક અને અથડામણ ટાળવાની તકનીકમાં દખલ કરે છે.
