ભારતમાં ‘Aadhar’ તો પાકિસ્તાનમાં કયું કાર્ડ છે માન્ય ?
ભારતમાં આધાર કાર્ડ તમારી ઓળખ માટે ખૂબ જ મહત્વપૂર્ણ દસ્તાવેજ છે. દરેક નાગરિક પાસે આધાર કાર્ડ હોવું જરૂરી છે. પરંતુ શું તમે પાકિસ્તાનના ઓળખ પત્ર વિશે જાણો છો ? એટલે કે જેમ ભારતમાં આધાર કાર્ડનો ઉપયોગ થાય છે તેમ પાકિસ્તાનમાં કયું કાર્ડ માન્ય છે ?
NADRA એટલે નેશનલ ડેટાબેઝ અને રજીસ્ટ્રેશન ઓથોરિટી. ટેક્નોલોજીમાં તે ભારતના આધાર કાર્ડ જેવું જ છે. મતલબ કે પાકિસ્તાની નાગરિકોની સંપૂર્ણ માહિતી એક ક્લિકમાં મેળવી શકાય છે. આધાર કાર્ડની જેમ આ કાર્ડમાં પણ નાગરિકનો ફોટો હોય છે.
પાકિસ્તાનના રાષ્ટ્રીય ઓળખ પત્રને CNIC એટલે કે કોમ્પ્યુટરાઈઝ્ડ રાષ્ટ્રીય ઓળખ કાર્ડ તરીકે પણ ઓળખવામાં આવે છે. જેમ ભારતના આધાર કાર્ડમાં 12 અંક હોય છે તેમ પાકિસ્તાનના રાષ્ટ્રીય ઓળખ કાર્ડમાં 13 અંક હોય છે. આ કાર્ડ બનાવવા માટે, આધારની જેમ, વ્યક્તિના ફિંગરપ્રિન્ટ અને આઇરિસ સ્કેન જેવા બાયોમેટ્રિક્સનો ઉપયોગ કરવામાં આવે છે.
આધાર કાર્ડ અને NADRA કાર્ડ વચ્ચે માત્ર થોડો તફાવત છે. પાકિસ્તાનમાં NADRA કાર્ડ બનાવવા માટે કોઈપણ નાગરિકની ઉંમર 18 વર્ષથી વધુ હોવી જોઈએ, જ્યારે ભારતમાં 5 વર્ષથી ઓછી ઉંમરના બાળક માટે પણ આધાર કાર્ડ બનાવી શકાય છે.
Published On - 8:42 pm, Sun, 22 December 24
